Sal 148
148
In najwalinjtz Qman Dyos kyu'n tb'inchb'en
1¡Ajwalinjtzxwit Qman Dyos!
¡Kyajwali'nktze' Qman Dyos jata'qe'ye' toj kya'j!
¡Kyajwali'nktze' Qman Dyos jata'qe'ye' jawnixi'!
2¡Kyajwali'nktze', kykyaqile' tanjl!
¡Kyajwali'nktze' aye'ye' nim txqan kyb'aje' toj kya'j!
3¡Kyajwali'nktze' Qman Dyos, q'ij ex xjaw!
¡Kyajwali'nktze' Qman Dyos, che'w nche qoptz'aje'!
4¡Ajwali'nktza, aya kya'j atiya jawnixi',
ex aya a' atiya toj muj twitz kya'j!
5Kyajwali'nktze' tb'i Qman Dyos,
qu'n tchaq' ex tkyaqil b'ajb'ent tu'n tyol;
6tkyaqil e'kyaj tq'o'n tejumajx,
ex tzaj tq'o'n jun kawb'il lay kub' txa'ju'n.
7¡Kyajwali'nktze' Qman Dyos jata'qe'ye' twitz tx'otx',
e'nimaqtxkup toj ninnjab', ex ninnjab' nimtxe!
8¡Q'ankyaq ex saqb'aqun, txun che'w ex q'eqmuj!
¡kyq'iq' nim tipumal njapun tchaq'b'il Dyos tu'na!
9¡Nimaq witz ex k'ok'e' witz!
¡Kykyaqile' k'ute exqe' tze tqan lob'j!
10¡E' alu'mj exqe' tojk'ul txkup!
¡Pich' ex e'txkup nche qititinjeye' twitz tx'otx'!
11¡Kykyaqilju' nimaqkawil twitz tx'otx' kyuk'i'lju' tnam!
¡Exqe'ju' nejenel ex kawil toj tkyaqil twitz tx'otx'!
12¡E' ichan ex qya, e'ku'xun ex tijwnaq!
13¡Kyajwali'nktze' tb'i Qman Dyos kykyaqile'.
o'kxnate nim toklenju' tb'i!
¡Nim toklen tib'aj kya'j ex tx'otx'!
14¡Matxi' tzaj tq'o'n tipumalju' ttanam!
¡Kyb'itze' kykyaqile' nche nimane' te,
kyb'itze' aj Israel, ju' ttanam nqaku' ta'qe'ye' tk'etz!
¡Ajwalinjtzxwit Qman Dyos! chiju' b'itzal.
Currently Selected:
Sal 148: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
