Os 13
13
Tej tkub' xitj Israel tkyaqil
1Tej intoq che yolin tyajajil Eprayin,
nima'ntoq kyyol kyu'n txqantl tnej tyajajil Israel;
tu'ntzun tpaj ek'ulun te B'aal, eb'inchan il twitz Qman Dyos ex e'kyim.
2¡Ex kukx kyb'inchan ilju'!
Nkub' kyb'incha'n kysaqpwaq te kywitzleb'
kse'nx nkub' kyxima'n b'inchalte.
Inkyma'ntzuntz: ¡kyq'onku'tzun chojb'ile' kywitz ja'lo! chechij,
aye'tzu'n xjal nche okkyma'tzi'n witzleb' wakx che ka'yin.
3Qu'mtzun kche okyel kse'n muj te prim,
ex kse'n ta'l che'w te b'a'n prim, texu' kmuj nkub'naj,
kse'n ttxa triy naq nxitiqa'n kyq'iq',
ex kse'n sib' nnex toj telex sib'.
4Chi Qman Dyos kjalu:
Ayinwe' Kydyose',
atxi'x ate'xtoqe' Ejipt:
Lalun tz'ok kyq'o'n juntle' te Dyos nwitze',
qu'n o'qinkxwe' klolkyeye'.
5E'nxq'uqiye' kyoju' tx'otx' nche tanton toj chq'ajlaj.
6Atzu'n tej min xb'ajtl kywateye'
matz'okxten nimjtib'il toj kyanmiye'
ex matzik' nna'le' kyu'ne'.
7Qu'mtzun chin okyile' kse'n b'alun kyeye'
ex kse'n jun tx'u'jb'alam nk'utzin ti'j tchi' toj b'e.
8Chin nelixe' mqolkyeye' toj b'e kse'n jun ttxu oso
matoq che'x tzpet tal,
ex kb'ajel nẍilu'ne' kyanmiye'.
Kse'n jun b'alun, axtzu' nche b'ajtch'yo'na';
kse'n jun txkup ajtb'aj ttzaqi'n tchi'.
9Che kb'el nxitu'ne' Israel,
ex mix-a'lo' kklolkyeye' toj nq'ob'e'.
10¿Jatzunta' kynimaqkawile' ja'lo,
tu'n tkolon kyoj kykyaqil nimaqkytaname'?
¿Jatzun ta'qe' nejenel kyeye'
Jaxa' kyqanine' kynimaqkawile' ex kynejele'?
11Tzaj ntx'u'jile' kyi'je' tej txinq'o'ne' kynimaqkawile'
ex tzaj ntx'u'jile' kyi'je' tej kyel wiq'i'ne'.
12Tz'ib'a'ntlte' toj jun u'j
tkyaqil taq'wix xtb'incha Eprayin.
13Matxi' pon kmuj tu'n kyitz'je' Israel,
naq aju' ikyqe'ju'ye'
kse'nqe' k'wal xnak
min nb'ent kyten b'a'nxi'x tu'n kyul itz'ji.
14¿Ma inxtzun che ayone'
Qa che nkla'ye' te tipumal kamik?
¿Jata' tipumala te xitul, kamik?
¡Kutzaja xitulteju' tnam
lay laqtlwe' nk'u'j kyi'je'!
15B'a'n qama che b'echantle' Israel kse'n itzaj,
tzulu' kyq'iq' toj tjawetzq'ij,
aju' kyq'iq' kuw njub'in toj chq'ajlaj,
che tzqijelju' t-xiklil a' ex che najelju' nin a' tu'n.
Tzulju' kyajq'oje', che b'je'lex tiq'i'n tkyaqil kyk'uwene'.
16Kb'el ntz'e'ysa'n kywitze' aj Samarya
tu'n tpaj sel kypa'n kyib'e' wi'je'.
Kche b'ajele' tu'n k'uẍtx'e'nb'il,
che b'eltzeq'u'n kyk'wale' twitz tx'otx'
ex kb'je'lex k'ab'cha'n kk'u'ju' qya ch'o'nwi'qe' toj nky'ajchaq.
Currently Selected:
Os 13: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
