Os 12
12
1Tu'n kyq'iq' nnoja' Eprayin:
tkyaqil q'ij lepchix ti'ju' kyq'iq' te tjawetzq'ij.
njaw chmet tchajyolil ex tq'oji'n,
nkyaj b'entti'j tyol tuk'i'l Asirya
ex nxit-sma'n toyaj aseyt te Ejipt.
2Kq'ojil Qman Dyos ti'j Israel.
Kb'el ttz'e'ysa'n twitz ttanam Jakob' tu'n tpaj myab'a'n tchwinqlal;
kb'el tchjo'n kse'nxju' tb'inchb'aj.
3Tej na'mxtoq titz'ji Jakob' tzyetju' tuẍil tqan ttzik tu'n,
tetzunj matxi'toq ichamix b'ujun tuk'i'l jun anjl.
4B'ujun tuk'i'lju' anjl ex kub'ti'j tu'n;
oq' ex xitkub'sa'n te tu'n ttzaj laqj tk'u'j ti'j.
Kub' tyek'u'ntib' Dyos twitz toj B'etel
ex yolin Dyos tuk'i'l atzu'.
5A Qman Dyos nimtipumal:
¡ex a tb'iju': Qman Dyos!
6Aj Israel, kutanjtz kyi'je' tuk'i'l Dyos;
kyb'inchame' b'a'n ex toj tzinun,
qek kyk'u'je' kukxu' ti'ju' kydyose'.
7Chi Qman Dyos kjalu:
Min tz'aqli kymalb'il aj Kanaan,
qu'n majx kgan tu'n kyelq'an.
8Aye'tzuntlkye' Eprayin inkyma'ne': ¡Matxi' qo q'inumaxe',
matz'okyal jun qq'inumale';
mix-a'lo'te kpoq'il qi'je' qa ati qile'
tu'n qkanb'ab'le' toj sb'ub'l!, chechiye'.
9Ayine' Dyos Manb'aj Kydyose'
ttzajlenx tej ate'toqe' Ejipt,
kche najal jumajtle' wu'ne' kyoj pach xb'alun,
kse'nx tej kyb'ete' toj chq'ajlaj.
10Nyolinwe' kyeye' toj kytzi nsanjelale'
ex nim xb'ajx nyek'une' kyeye',
toj kytzi nyolina'ye' kyuk'i'l techlal kyeye'.
11Ate' junxi'tl dyos toj Kalaad,
extzun mya dyosqe'.
Nche kub' q'o'n chojb'il tman wakx toj Kilkal;
ikyqe' kyq'olb'eb'l kse'n ch'uq ab'j
kyxolile txol awal toj kojb'il.
12Xi' oq Jakob' toj tx'otx' Aram, ex atzu' aq'unana' k'ik'lel rit tu'n tkanb'et t-xu'jil. 13Etzti'n Qman Dyos tnam Israel toj Ejipt tu'nel jun t-sanjelal; ¡e't-xq'uqi tu'nel t-sanjelal!
14Matxi' tz'ok kyq'o'n aj Israel ttx'u'jil Qman Dyos,
matxi'xi'x tz'ok kyq'o'n jun tk'ayil te.
Qu'mtzun kb'el ttz'e'ysa'n Qman Dyos kywitz tu'nju' kyb'inchb'en myab'a'n,
ex kb'el tz'aqju' kyb'inchb'en taq'wix kyib'aj.
Currently Selected:
Os 12: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
