Ex CHIK'B'AB'L
CHIK'B'AB'L
Aju' yol Éxodo atz'elpuna'ju' Kyetzlen mujqa Tej kyb'je'tz. Iky tb'i u'j ja'lu okq'o'n, qu'n atzu' nyolina'xi'x ti'ju' kyetzlen aj Israel toj Ejipt tu'n Moyses, aju' kub' tyek'u'ntib' Qman Dyos twitz ex jaw sk'o'n tu'n Dyos tu'n kytzaqpetju' ttanam tjaq' yajb'il ex tu'n kyxi' tiq'i'n toju' tx'otx' Kanaan; aju' tx'otx' tziya'ntl kyeju' ojtxi' kyyajilb'en. Ntchik'b'a'n toju' u'j lu kse'ntaq'wi tb'entju' tnam tu'n Qman Dyos tu'nel Moyses kyi'j txqan k'a'yi'nmajin ojtxi'. Tojtzu'n chq'ajlaj kyej b'entxi'xtl ti'ju' yol tu'n Qman Dyos kyuk'i'lju' ttanam, aju' ojetoq tb'incha kyuk'i'lju' kyyajilb'en. Ex tzaj tq'o'n txqan nuk'b'il kye: chaq'b'il tu'n tajb'en kyu'n toj tkyaqil, ex jni'ju' ati tu'n kyb'inchante twitz Dyos exju' tu'n kyanq'in kyxolilex, qu'n jun tnamqe' sk'o'n tu'n Qman Dyos.
Aju' xjal nim toklen toju' u'j lu a Moyses, qu'n e'tzaqpet aj Israel tu'n, ok te kynejel ex xitq'o'n chaq'b'il kye. Aju' u'j lu aq'pu'n toj oxe' nimaq tnej: tnejel aye' tnej jun tzmax o'lajoj (1.1—15.21) ntchik'b'an ti'j kychwinqlal aj Israel tej yaju'n qe'toq toj Ejipt, tej titz'ji Moyses, tej saj b'o's, tej ttxokli tu'n Qman Dyos toj chq'ajlaj, tej tyolin twitz paraon, ju' yajul, tej ttzaj qe tik'santzju' tq'ij tzaqpib'l kye aj Israel, ex tej kyetz toj Ejipt. Tkab' aye' tnej o'lajoj tzmax junaq kyaje' (15.22—24.18) nyolin ti'ju' b'ajkye, kyb'e toj chq'ajlaj, ale'xju' kypon t-xeju' witz Sinayi. Atzu'n toxi'n aye' tnej junaqjo' tzmax kab'naq (25.1—40.38) nyolin tej tkyaj b'entti'ju' yol tu'n Qman Dyos kyuk'i'l aj Israel ex e'tzaj tq'o'nju' chaq'b'il lu: Chaq'b'il tu'n kyanq'in b'a'n kyxol xjal, chaq'b'il toj tnam ex chaq'b'il te ninb'ilte Qman Dyos. Ex toju' tnej lu atiju' lajoj chaq'b'il ex ntchik'b'a'n b'a'nxi'x ti'ju' junjun aq'untl ti'ju' ja xjan toj chq'ajlaj, exju' oyaj kub' q'o'n tu'n tb'inchet.
Currently Selected:
Ex CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999