2 S CHIK'B'AB'L
CHIK'B'AB'L
Tu'n tljetju' tqanil, intma'n toju' tkab' u'j lu ti'ju' tyol ex tb'itz Dab'i tej tb'isun ti'ju' tkamik Sawul ex Jonatan ju' tk'wal. Ex nyolin ti'j tkyaqilu' tqanil ti'ju' tkawb'il Dab'i, tnejel nyolin ti'j Juda kyoju' tnej jun tzmax toj kyaje' (caps. 1-4), qu'n aye' txqantl tnam mixti'xi'x kytzalajb'il, ate'toq tjaq' tkawb'il Is-b'oset tk'wal Sawul ex etzal ti'ju' tkawb'il. Atzu'n kyoju' tnej tzajx toj jwe' ponx toj junaq kyaje' (caps. 5-24), intma'n tej tb'ajlenxi' jun q'oj kyxol Is-b'oset tuk'i'l Dab'i, ate Dab'i kyej te nimaqkawil kyib'aj kykyaqil aj Israel. Intma'n toju' u'j lu ti'ju' tchwinqlal Dab'i ex ti'ju' tkawb'il b'a'n tyolinjtz ex tu'nju' nim tnab'l, ex ikx nyolin kyi'ju' tchuksb'en exqe' nimaq il tb'incha.
Intma'n toju' u'j lu qa tyek'u Dab'i qa ok te nimaq q'ojil ex kuw toj q'oj, ex ati tnab'l tu'n tjaw kyajlal xjal ex ti'xti', nch'iy ex nten tipumalju' kawb'il tu'n, inoktq'o'n tilil tu'n tq'ojin kyi'ju' injaw kyiq'i'n kyib' ti'j tojxju' kawb'il ex kyi'ju' ajq'oj nche tzaj ti'jxi'ju' tnam. Q'ancha'lxi'xju' tokslab'l, tb'is tk'u'j ex tk'u'jlalil ti'j Dyos, ex tb'is tk'u'j ti'ju' tnam, iktzu'n nimanjtza' toj tkyaqil tu'nju' b'a'nxi'x tb'is tk'u'j. Ex q'ancha'l tej txitq'o'n anb'il teju' tajb'il tchib'jil ex tb'incha jun nin il, ex kub' tzak'u'n tu'n Natan t-sanjelal Dyos, ju' chq'o'ntoq tu'n Dyos. Mitzunya o'kx anjtzti'j tanmi ex b'jaw tpa'n til te Dyos, ex ikx tk'amju' tz'e'ysb'il twitz ex kub' tme'ssa'ntib'.
Majx kyej nab'ab'lte Dab'i exju' tkawb'il nimxi'x toklen toju' tnam Israel, jawkynima'n te jun nimaq yek'b'il ex q'ol tzaqpib'l kyeju' ttanam tik'lenxi' Moyses. Tu'nju' xim lu tk'am toklen naku'j a Chq'o'nju' tu'n Dyos, ju' atitoq tulel tu'n kyjapunju' yol nimaq kyoklen kyajni ttziya'n Dyos kye aj Israel.
Currently Selected:
2 S CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999