2 R CHIK'B'AB'L
CHIK'B'AB'L
Aju' tz'ib'a'n toju' tnejel kyuj nimaqkawil, atzu' pomna' b'aj ti'j Josapat toj Juda ex ti'j Okosiy toj Israel, qapelo toj kab'k'al kab'naqlajoj (850) ab'q'i na'mxtoq tul Krist. Atzu'n toju' tkab' u'j lu intzyet ti'ju' tej tponb'aju' taq'un Eliy t-sanjelal Dyos, ex tej ttzyet taq'un Elisey ju' t-xnaq'tzb'en, ex kyej te t-xel. Nyolin toju' tnejel aq'pun, aye' tnej jun tzmax wuqlajoj (caps. 1-17) nyolin ti'j tkyaqilu' tqanil ti'ju' kawb'il kub'ni aq'puj, tzmax tej tkub' tz'aqu' kawb'il te toj tb'a'nq'ob'kya'j, atixtoq junk'al qaqlajnaq jun (721) ab'q'itl tu'n tul Krist. Atzu'n toju' tkab' aq'pun, aye' tnej wajxaqlajoj tzmax junaqjo' (caps. 18-25), nyolin tiju' txqantl tqanil ti'ju' kawb'il toj Juda tzmax tej tkub' tz'aqu' tnam Jerusalen, atixtoq junk'al b'eljojnaq qaq (586) ab'q'itl tu'n tul Krist, ex ti'ju' tej kyb'ajx q'i'n B'ab'ilon, tej kyb'ajx txqan xjal toj Ejipt, tej tkyaj Juda te jun tnej tx'otx' tjaq' tkawb'il B'ab'ilon ex tkyaj Jeladiyas kawil toj. Kyu'nju' b'ajsb'il ti'xti' b'jik' lu e'oka' nimaq ch'exb'eb'l toju' tqanil ti'j kychwinqlal aj Israel.
Currently Selected:
2 R CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999