1 S 29
29
Min qe kyk'u'j pilistey ti'j Dab'i
1B'aj kyb'u'yi'n aj Pilistyaju' kyxjal te q'oj toj Apek, aye'tzunkye aj Israel e'xmujin jata'ju' t-xiklil a' toj Jesreel. 2Aj kyxi'lq'e junjun tnej xjal pilistey te q'oj te jo'naq (100) ex te kab'k'al lajnaq (1,000) chaq kyb'aj, teyile junjun tnej nejliju' nejenel kywitz, aye'tzuntlkye Akyis ex Dab'i kyuk'i'lju' t-xjal lepchqe'x xq'uqilkye. 3Xi'tzun kyqani'n kynejel pilistey te Akyis:
—¿Titi' nkyjyo'n aj Eb'rey tza'lu?, chechij.
Atzunte Akyis xittzaq'we'n kye:
—Ate Dab'i, nejeneltoq kye t-xjal Sawul, nimaqkawil kye aj Israel. Matxi' tenxi' jte' ab'q'i wuk'i'le', ex atxi'x tej tq'ontetib' wuk'i'le' b'ajx tz'ela' yal jun taq'wix ti'j wu'ne', chij kye.
4Tzajtzun kytx'u'jil kynejel pilistey ti'j Akyis, ex xikyma'n te:
—Q'manxna'ya te tu'n kyxi' toju' najb'il oje txi' tq'o'na kye ex tu'n lalun txi' quk'i'l toju' q'oj; qu'n jaku' che jawmiltz'uj qi'j toju' q'oj. ¡Alote ktb'incha'ju' tu'n tkyaj b'a'n tuk'i'lju' tajaw, kpomel tyek'u'n kywi'ju' xjal te q'oj lu! 5¡Ana'te Dab'i ja'lu intoq b'itzanjtz kyu'n b'ixil: kab'k'al lajnaq (1,000) ichan kyim tu'n Sawul, atzun junmutx' jo'k'al (10,000) kyim tu'n Dab'i!, chij, chechij.
6Tzajtzun ttxko'n Akyis Dab'i ex xitma'n te:
—¡Axxi'x lu Qman Dyos, tnik'altati'j! Ex tkyaqilju' tu'me'l ntb'incha'na kyxolju' xjal te q'oj b'a'n toj nwitze'. B'ajx tz'ela' yal jun ti'xti' taq'wix ti'ja wu'ne' atxi'x tej tula nk'etze'. Naq a min nel b'a'na toj kywitzju' nejenel kye pilistey, 7Qu'mtzun kutanj ti'ja toj b'anil ja'lu, tu'ntzun mi b'incheta' jun ti'xti' myab'a'n toj kywitz, chij te.
8Xi'tzun ttzaq'we'n Dab'i te:
—¿Ti'tzu'n matxi' nb'inchaye'? ¿Ti'tzun matxi' tila nimaqkawil wi'je' toj tkyaqilju' tq'ijlalil lu, tu'nju' min tajb'ila tu'n nq'ojine' kyi'ju' tajq'oja?, chij.
9Atzunte Akyis xittzaq'we'n:
—Kanlina'we' nwitz qa majx b'a'nta naku'j jun tanjl Dyos, naqtzun a min kyajb'ilju' nejenel kye pilistey tu'n txi'ya quk'i'le' toj q'oj. 10Qu'mtzun, aj kyjawe'ye' najchi'j naq intzaj t-xe kya'j, kb'el b'e kyu'ne' kyuk'i'lju' ajb'el teju' tajawa ju' ẍe tzaj tuk'i'la, chij te. 11Tetzunj kyjawe' Dab'i kyuk'i'lju' t-xjal te prim te juntl q'ij, anjkyi'j toj kytanam pilistey, aye'tzukye' pilistey exi' Jesreel.
Currently Selected:
1 S 29: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
