Zacarías 4
4
Candelabromantawan aceitunas sachakunamanta
1Rimapayawaqniy angelmi kutiramuspan, puñuchkaq runata rikchachichkaq hina rikcharachiwarqa. 2Hinaspam tapuwarqa:
¿Imatataq rikuchkanki? nispa.
Hinaptinmi nirqani:
Qorimanta ruwasqa candelabrotam, aceite hillpunapaq pukru hawayuqta. Chaypa hawanpim qanchis mecherokuna kachkan, chay mecherokunaman aceite chayananpaqñataqmi qanchis tubokuna kachkan. 3#Ap 11.4.Chay candelabropa waqtanpim iskay olivos sachakuna kachkan, hukninmi alleqninpi, hukninñataqmi ichoqninpi, nispay.
4Chaymantam rimapayawaqniy angelta tapurqani:
Señorlláy ¿ima ninantaq kayqa? nispay.
5Angelñataqmi niwarqa:
¿Manachu yachanki ima ninanmi kasqanta? nispan.
Chaymi nirqani:
Manam señorlláy, nispay.
6 #
Esd 5.2. Hinaptinmi chay angelñataq niwarqa: Kaymi Zorobabelpaq Diospa Chuya simin:
Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin. 7Hatun orqo ¿pitaq qamqa kanki? Qamqa Zorobabelpa ñawpaqninpim pampaman tikrasqa kanki. Paymi temploy hatarichisqa kananpaq cimientopaq rumita hurqonqa, llapa runakunañataqmi qaparinqaku: ¡Ima allinmi, ima sumaqmi! nispanku.
8Tayta Diosqa niwarqataqmi kaytapas:
9Zorobabelmi kay templopa cimientonkunata churarqa, hina kikintaqmi qespichinqapas, nispa.
Chaynapim yachankichik Tukuy Atiyniyuq Tayta Dios kachamuwasqanta. 10#Ap 5.6.Templo ruwayta qallaykuptinku, “maytaya tukurusun” niqkunapas, Zorobabel qespirachiptinmi kusikunqaku. Chaymantam chay angelqa niwarqa: Kay qanchis mecherokunañataqmi Tayta Diospa ñawinkuna, kaykunam kay allpa pachapi tukuy hinastinta qawachkanku, nispa.
11 #
Ap 11.4. Hinaptinmi ñoqañataq tapurqani:
¿Ima ninantaq wak candelabropa alleqninpi chaynataq ichoqninpi iskay olivos sachakunaqa? nispay.
12Huktawan tapuspaymi nirqani:
¿Ima ninantaq wak iskay qori tubonkunatakama qellu aceitepa pasanan olivos sachapa iskay kallmankunaqa? nispay.
13Chaymi angelñataq niwarqa:
¿Manachu yachanki ima ninanmi kasqanta? nispan.
Hinaptinmi ñoqañataq nirqani:
Manam señorlláy, nispay.
14Payñataqmi niwarqa:
Kay iskay olivoskunaqa kay pachapi munaychakuq Tayta Diospa qayllanpi servikunankupaq sapaqchasqakunam, nispan.
Currently Selected:
Zacarías 4: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
