Zacarías 5
5
Wankusqa qellqata rikusqanmanta
1Huktawan qawarispaymi visionpi rikurqani pawachkaq wankusqa qellqata. 2Hinaptinmi chay ángel tapuwarqa:
¿Imatataq rikuchkanki? nispa.
Ñoqañataqmi nirqani:
Pawachkaq wankusqa qellqatam, sayayninmi kasqa isqon metro, anchonñataqmi tawa metro parten, nispay.
3Chaymi payñataq niwarqa:
Wakpiqa qellqasqa kachkan kay pachapaq ñakaymi; cheqaptapunim pipas suwakuqqa, huklawninpi qellqasqa kasqanman hina, puchukachisqa kanqa; chaynallataqmi pipas yanqamanta juramentaqqa, huklawninpi qellqasqa kasqanman hina, chinkachisqa kanqa, nispa. 4Tukuy Atiyniyuq Tayta Diosmi kaynata nin: Ñoqam ñakayniyta kacharini, suwakuqpa chaynallataq sutiypi yanqamanta juramentaqpa wasinman chayananpaq. Chay ñakaymi chayna runapa wasinpi takyanqa qerunkunatapas, ruminkunatapas chinkachinankama, nispa.
Tupuna canastapi warmita rikusqanmanta
5Chaymantam rimapayawaqniy ángel asuykamuwaspan niwarqa:
Wak rikurimuqta sumaqta qaway, nispa.
6Chaymi ñoqa tapurqani:
¿Imataq wakqa? nispay.
Hinaptinmi chay ángel niwarqa:
Tupuna canastam. Wakqa llapa nacionkunapa huchanta tupuqmi, nispan.
7Chay tupuna canastam titimanta tapayuq kasqa, chay tapanta hurqoruptinkum, chay canasta ukupi huk warmi tiyachkasqa. 8Hinaptinmi chay ángel niwarqa: Kay warmiqa tukuy mana allinmanmi rikchakun, nispa. Chaynata nispanmi chay warmita tupuna canasta ukuman tanqaykurqa, hinaspanmi chay titimanta tapanwan taparurqa.
9Huktawan qawarispaymi visionpi rikurqani iskay warmikuna rikurimuqta. Chay warmikunam kasqaku wachwapa rapran raprayuqkama, hinaptinmi wayrañataq apasqa. Paykunam chay tupuna canastata altollanta aparqaku.
10Chaymi chay rimapayawaqniy angelta tapurqani:
¿Maymantaq wak tupuna canastata apachkanku? nispay. 11Hinaptinmi payñataq niwarqa:
Sinar nacionmanmi, chaypim huk templota ruwaruspanku maymi tiyananpi churaykunqaku, nispan.
Currently Selected:
Zacarías 5: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
