Habacuc 2
2
1Llaqta waqaychaq hinam
uyan-uyanlla maymi kasqaypi suyallasaq,
mañakuyniyta uyariykuwaspa
Tayta Diospa imam niwasqanta uyarinaypaq.
Habacucpa mañakuyninta Dios contestasqanmanta
2Chaymi Tayta Dios niwarqa:
Visionpi rikusqaykita tablapi qellqay,
chaynapi pipas chayta leeykuspanqa
chaypunilla kallpananpaq.
3 #
Heb 10.37. Kay visionqa mana chaylla cumplikuspanpas
tiemponpim cumplikunqa,
manam yanqaqa kanmanchu;
unamuptinpas qamqa suyaykuy,
chay visionqa cheqaptapunim cumplikunqa.
4 #
Ro 1.17; Gl 3.11; Heb 10.38. Mana allin runaqa hatun tukuqmi,
allin ruwaq runam ichaqa iñisqanrayku kawsanqa.
Mana allin runakuna imaynam tukunanmanta
5Hatun tukuqkunaqa apuyayllatam mana samaykuspa maskanku,
tuñirachiqnin kachkaptinpas mastaraqmi munanku.
Sepultura hinaraqmi siminkutapas kicharinku,
wañuy hinaraqmi manaña saksariq rikurirunku,
chayraykum nacionkunatapas tuñichinku.
6Ichaqa huk punchawmi ñakarichisqan llaqtakuna
asikuspanku watuchita hinaraq kaynata ninqaku:
“¡Imallapiraq rikukunqaku!
mana kikinkupa kaqta huñuspa apuyaqkuna,
¿haykapikamataq mana qamkunapa kaqta
huñuypaq-huñukunkichik?” nispanku.
7Manukusuqnikikunam qonqaymanta hatarimuspa
qanmanta vengakunqaku,
llapa ñakarichisuqnikim hatariruspanku
tukuy imaykikunata qechuspa qalatosunki.
8Llapa nacionkunata wakchayachisqaykimantam
llapa nacionkunapas wakchayachisunki.
Runakunata wañuchisqaykimantam,
llaqtakunata nacionkunata ñakarichisqaykimantam,
qampas ñakarichisqa kanki.
9Suwakuspalla wasinta huntachikuq runa,
mana allinmanta ayqenanpaq alto-altopi qesanta ruwakuruq runa,
¡imallapiraq rikukunki!
10Chaynata ruwaspaykim wasikitapas penqayman churarunki,
achka nacionkunata tuñichispaykim kikikipunipas tuñirachikunki.
11Perqapi rumikunapas
wasikunapi qerukunapas
contraykipim rimanqaku.
12¡Imallapiraq rikukuykunki!
Yawarta chaqchuspa llaqtata hatarichiq runa,
mana allin ruwaypa hawanpi llaqtata hatarichiq runa,
13Tukuy Atiyniyuq Tayta Diosmi
pisipaywan llamkasqaykita yanqachanqa,
tukuy ima ruwasqaykitapas ninam ruparunqa.
14 #
Is 11.9. Imaynam lamar qochata yaku pampaykuy,
chaynam Tayta Diospa atiyninta reqsiq runakunapas kay pachata huntaykunqa.
15¡Ay, imaynaraq kanqa!
Penqayninta qawananpaq tragota upyachispa runamasinta machachiq runa.
16Alabasqa kanaykimantam penqaypi kanki,
Diospunim sinkachisuspayki qampatapas penqaynikita qawachinqa,
hinaspam reqsisqa kaynikitapas pasaypaq penqayman tikranqa.
17Líbano orqopi tukuy mana allin ruwasqaykipas
kikillaykimanmi chayamusunki,
purun animalninkuna wañuchisqaykimantapas
sinchi mancharisqam kanki.
Kaykunam hamusunki runakunata wañuchispayki
kay allpata chaynataq runankunatapas ñakarichisqaykimanta.
18¿Imapaqtaq valenman runapa ruwasqan idoloqa?
¿Imapaqtaq valenman pantayman pusakuq idoloqa?
Idolokunaqa manam rimanchu,
¿ruwaqnin runapas imaynataq chaykunapi hapipakunman?
19¡Imallapiraq rikukunqa!
kullumanta idolota “rikchariy” niq runa,
rumimanta mana rimaq idolota “hatariy” niq runa.
¿Yaqachu chay idolokuna imallatapas willakunman?
Manam;
qori-qollqewan llusisqaña kaspapas
paykunaqa manam kawsankuchu.
20Tukuy Atiyniyuq Tayta Diosmi ichaqa
sapaqchakusqan templonpi kachkan.
Paypa qayllanpiyá kay pacha upallachun.
Currently Selected:
Habacuc 2: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012