2 Timoteo 4
4
Diospa palabran willakunamanta
1Munaychakuq hamuspan wañuqkunatapas kawsaqkunatapas juzgaq Señor Jesucristopa hinaspa Dios Taytapa qayllanpim kamachiki: 2Diospa palabrantayá tiemponpipas mana tiemponpipas willakuy, runakunatapas faltanta qawachiy, qaqchay, kallpanchay hinaspa tukuy pacienciawan yachaykachiy. 3Chayamunqam tiempokuna allin yachachikuykunata manaña chaskinankupaq, paykunaqa achkallaña yachachikuqkunata huñukuruspankum aychankuman hina munasqallankutaña uyarinqaku. 4Cheqap kaq yachachikuykunamanta karunchakuruspankum tukuy rikchaq cuentokunataña allinpaq hapinqaku. 5Qamyá ichaqa tukuy imapi allin yuyayniyuq kay, sasachakuytapas aguantaspa allin noticiata willakuy chaynata ruwaspaykiyá llamkaynikita cumpliy.
6Ñoqata wañuchiwananku punchawmi chayamuchkanña, ripukunay punchawmi hichpamuchkanña. 7Allin peleaytam pelearuniña, mayman kallpasqaymanmi chayaruniña, iñiyniypim allinta sayarqani. 8Chayraykum sapaqchapuwasqan corona suyawachkan chaytaqa allin arreglo ruwaq Señorninchikmi chay punchaw kutimuspan qowanqa, manataqmi ñoqallamanchu aswanqa kuyakuywan paypa kutimunanta suyaqkunamanwanmi.
Timoteoman imam kunasqanmanta
9Imaynata ruwaspaykipas qawaykuwanaykipaqyá chaylla hamuy. 10#Col 4.14; Flm 24.#2 Co 8.23; Gl 2.3; Tit 1.4.Demaspas kay pachapi kaqkunallata kuyaruspanmi saqeruwan, hinaspam Tesalónica llaqtaman ripukun. Crescentem Galacia lawman pasan, Titoñataqmi Dalmacia lawman pasan. 11#Col 4.14; Flm 24.#Hch 12.12, 25; 13.13; 15.37-39; Col 4.10; Flm 24.Lucasllañam ñoqawanqa kachkan. Marcosta maskamuspayki pusarikamuy, payqa allintam llamkayniypi yanapawanqa. 12#Hch 20.4; Ef 6.21-22; Col 4.7-8.Tiquicotapas Éfeso llaqtamanmi pasachini. 13#Hch 20.6.Hamuspaykiqa Troas llaqtapi Carpopa wasinpi saqeramusqay capallayta aparikamullaway, aparikamuwaytaqyá wankusqa qellqaykunatapas, aswantaqa pergaminoykunata.
14 # 1 Ti 1.20. Herrero Alejandrom tukuy mana allinkunata ruwawarqa, Señorninchikmi kutichipunqa imam ruwasqanman hina. 15Paymantaqa qampas cuidakuy, payqa yachachisqanchikpa contranpim rikurirun.
16Ñawpaq kaq kutipi kamachikuqkunapa qayllanman rimanakunaypaq yaykuptiyqa manam pipas yanapaykuwarqachu, lliwchankum saqeruwarqaku. Diosninchikyá kay ruwasqankumantaqa pampachaykuchun. 17Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa. 18Paymi llapa mana allin ruwaymantapas libraykuwanqa, hinaspam hanaq pachapi munaychakusqanpaq waqaychawanqa. ¡Paytaqyá wiña-wiñaypaq hatunchasqa kachun! Amén.
Cartapa tukupayninmanta
19 #
Hch 18.2. # 2 Ti 1.16-17. Priscatawan Aquilata chaynataq Onesiforotapas wasinpi kaqkunatawan rimaykapullaway. 20#Hch 19.22; Ro 16.23.#Hch 20.4; 21.29.Erastoqa Corinto llaqtapim qeparamurqa, Trofimotañataqmi onqochkaqta Mileto llaqtapi saqeramurqani. 21Manaraq poqoy tiempo chayamuchkaptin utqayman hamuy. Rimaykamusunkichikmi Eubulo, Pudente, Lino, Claudia hinaspa llapallan wawqe-paninchikkunapas.
22Señorninchik Jesucristoyá qanwan kachun, Diosninchikyá kuyakuyninta qamkunaman chaqchurimuchun. Amén.
Currently Selected:
2 Timoteo 4: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
