1 Timoteo 2

Diosta hatunchanamanta

1Imamantapas puntataqa kaytam nimuykichik, llapallan runakunapaqmi Diosta mañakunaykichik, orakunaykichik, ruegakunaykichik hinaspa agradecekunaykichik. 2Mañakunaykichiktaqmi lliw reykunapaqwan kamachikuqkunapaqpas, chaynapi allinlla, hawkalla, allin sonqoyuq hinaspa allinpaq qawasqa kawsananchikpaq. 3Kayqa allinpunim hinaspa salvaqninchik Diospa allinpaq qawasqanmi. 4Diosninchikqa munachkanmi llapallan runakuna salvakunankuta hinaspa cheqap kaq reqsinankuta. 5Hukllam Diosqa, hukllataqmi Dioswan runakunata allinyanachiqpas, chay allinyanachiqqa Jesucristo runam. 6Paymi llapallanchikta salvawananchikpaq kikinmanta entregakurqa hinaspam rantinchikpi wañupuwarqanchik. Kaykunatam Dios reqsichiwanchik munasqan tiempopi. 7#2 Ti 1.11.Chaypaqmi Dios akllawarqa apostolnin kaspay mana judío kaq runakunaman Jesucristomanta willakamunaypaq. Paykunatam yachachichkani cheqap yachachikuykunata hinaspa imaynam iñinankuta. Ñoqaqa cheqaptapunim rimachkani, manam llullakunichu.

8Ñoqam munachkani tukuy hinastinpi kaq runakuna makinkuta hoqarispanku Diosta chuya sonqolla mañakunankuta, chaytaqa ruwachunku ama piñakuspa hinaspa ama atipanakuspa. 9#1 Pe 3.3.Warmikunapas humildadwanyá pachakuchunku, allichapakuspapas allin yuyaywanyá allichakuchunku, ñaqchakuspapas amataqyá achalapakuchunkuchu, amataq llumpay precioyuq qorimanta, perlasmanta alhajakunawanpas nitaq llumpay precioyuq pachawanpas churakuchunkuchu. 10Aswanqa allin kaqkunata ruwaspayá Diosta hatunchaq warmikuna hina qawachikuchunku. 11Warmikunaqa yachachikuyta upallalla uyarichunku, tukuy imapi kasukuspa. 12Warmitaqa manam munanichu huñunakuykunapi yachachinantaqa, nitaq qaripi munaychakunantapas, aswanqa upallallayá uyarichun. 13#Gn 2.7.#Gn 2.21-22.Puntataqa Adantam Dios unancharqa, chaymantañam Evataqa. 14#Gn 3.1-6.Maqta uruqa manam Adantachu engañarurqa, aswanqa Evatam, chaynapim Evaqa huchallikururqa. 15Chaymi warmiqa wachakuspa hinaspa wawankunata allinta uywaspa, iñiyninpi takyaspa kuyakuq kaspa hinaspa chuyanchakuspan salvakunqa.

Currently Selected:

1 Timoteo 2: RCHQ2

Highlight

Copy