Taitasi 3
3
Buumi bwa buKlistu
1Ibalusha bantu bako ayi banoonyumfwila bamaami abeendeleshi. Banoobakonkela akulibambila kucita milimo yoonse kabotu kabotu. 2Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse. 3Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite. 4Sombi nkumbu alusuno lwakwe Lesa Mupulushi wesu ndishakayubululwa, 5wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi. 6Lesa wakatupa Mushimu Usalashi camaansa obilo kwiinda muli Jesu Klistu Mupulushi wesu. 7Wakacita boobo ayi tululamikwe muluse lwakwe akwinjila mubuumi butamaani ubo mbotutoolangila. 8Makani aya ngalushinisho.
Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse. 9Sombi webo swa kukupikishanya kwabuluya, makani amashalane, kwaambana akupikishanya shaMilawo ceebo ishi tashicafwi alimwi taaku mboshibete. 10Muntu uleta kupansaana palikoto lyanu umucenjeshe mankanda obilo, kuswawaawo umusuule. 11Ulishi ayi muntu wa mushobo uyo ngushishibi alimwi shibiibi shakwe shatondesha kale ayi ulilubite.
Milasho yakweelaako
12Ndaakutuma Atemasi nabi Taikikasi kuli ndiwe, ukeeleshe cankusu kwisa kuli ndime muNikopolisi mukwiinga nkontooyeeya kuya mukwikala ciindi ca mupewo.#Mili 20:4; Efe 6:21-22; Kolo 4:7-8; 2 Timo 4:12 13Elesha cankusu kucafwa Senasi ucishi milawo aApolosi mulweendo lwabo, akubona ayi shintu shoonse shiyandika kuli mbabo shakwana.#Mili 18:24; 1 Koli 16:12 14Bantu besu balyeelete kwiiya kusebensesha ciindi mukucita shintu shibotu, kwaamba ayi bacafwilishe mushintu shiyandika cancinencine, kuteshi kwikala buumi butacite mpindu.
15Boonse mbondyaabo bamwaansha. Utwaanshisheko babyeesu mulushomo.
Luse lwakwe Lesa lube amwebo noonse.
Currently Selected:
Taitasi 3: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.