Zud Me key kar ’a ɗaf ma guma
Me key kar ’a ɗaf ma guma
Ɗeriwel ma Zud na, ma winda ha na a kretiyeŋ hay gədem. Bəzay ma guma na na, yawa a dam ka vaw asləta ta ɗeriwel ma Piyer me tsetsew ana. Akwa na, ndaw ma winda ɗeriwel ana a kəɗey vaw na ta me tetəkey ma ndaw maləwaɗay ana hay ta me ndzey ta na so lamba ha na. A slafama ma maladama lamba bəza na 6 kasl a 13 ma ɗeriwel a neney a ɗeriwel ma 2 Piyer, lamba ɗuhwa na 2.
Ndaw ma windawa ɗeriwel a neney na, a key mber na ta bəzay ma guma hay da ɗeriwel gurəma na. A həlawa me tetəkey ana hay da huɗa a kretiyeŋ na da varay ŋga na hay. Satsa na, a key mber ta guma ma dzaŋgam da ɗeriwel ma Zuif ana hay, na da ɗeriwel kokwaɗ ana dakay ana (lamba bəza na 9, 14 ta 15)
Ndaw ma winda ɗeriwel ana a təkəra na ta həma ha, ɗagay Bay ma Bəla a da hətata ndaw ma wuɗam guma ma ma wuɗa vaw ŋga kakay ana hay na teŋgey (lamba bəza na 3 kasl a 13). Ama a ləvey satsa na: hayna ka kam da vaw, ma dzənata ka da ləhəmawa ba da me tsey mevel ma Bay ma Bəla (lamba bəza na 22-23). Haɗaw ɗeriwel ma Zud ana ma təkərama ta həma ha na, ma təkata tek haya kakay ana ba ta viya. Həma na ma ka ha na, ma da mbəzlada tek kakay, ama na ma da buwada.
Currently Selected:
Zud Me key kar ’a ɗaf ma guma: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun