2 Piyer Ma key ka ’ar ɗaf ma guma
Ma key ka ’ar ɗaf ma guma
Ɗeriwel a neney ma winda ha na, a kretiyeŋ hay gədem. Ma ka ha na andza guma me mbəɗey mey a vaw a ha. Ndaw ma winda ɗeriwel ana a ləvey na, har ma da mətsey ŋga ka gurawa ba bəse (1.13). A winda na, ma ndaw me pey ’ar ana hay ka sərafama ka me tetəkey ŋga.
Ɗeriwel ana a tsəhafata na ka wafama vaw ka ndaraw ana ma sawa da ’ar ata me pey ana, ka ndzam da me tsəney sləmay a me tetəkey na ma ndzafəmawa na (lamba ɗuhwa na 1). A kəɗey vaw ta miter haya kakay ana hay, ma tatəkam maləwaɗay ana hay, na ma kam tek so lamaba ha da mendzey ta na hay (lamba ɗuhwa na 2). Arka na, a tsey ka pas ma Bay’ərlam Yezu ma da sawa na (lamba ɗuhwa na 3). Kretiyeŋ tsəfəmey ana hay na ka mətsam tsay, ama re Yezu ka mawa tsaray kakay. Ndaw hay haɗadzidzay ma pəsla ’ar ahiya, a səradama mahwanokw aŋga na ma kawa na sakay. Ama da har andza ndaw me pey ’ar ana hay a hutam aha na, Bay ma Bəla a ɓada me zəgey mevel aŋga. A vəlatar slam har a ndaw hay tabiya ha ka mbəɗadama mendzey ta.
Ma da zəgadata da ’ar ata me pey na, kretiyeŋ hay a dzaŋgam ɗeriwel ma ndaw sek hay ta ɗeriwel ana gurəma na. Satsa na, ma ndzafəmawa metetəkey ma ndaw seydewe ma Yezu Kriste hay (3.2) Dar har andza ɗeriwel ma Piyer me tsetsew ana ma windama na, sa ma ɗeriwel ma Pol hay na, ka səradəmata tsay (3.15). A dafa na, ka da wuɗey ma tsənada, ma wandzalada ɗeriwel ana kah pal mekəreɗek zlay (1.20), dakay mandzara kah ka dzalafa ’ar zlay (3.16). Me dzəney ma sa ma kretiyeŋ hay ta Mesəfrey Kokwaɗ ana na, ka slam a neney na, a nefam.
Currently Selected:
2 Piyer Ma key ka ’ar ɗaf ma guma: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun