Titub 3
3
Xristeǁîn di ǃgâi tanisens
1Sa khoena ǂâiǂâiǃnâ, în danaǂgaeǂgui-aon tsî ǁkhāsigu tsîna ǃgôasiba mā. An hoaǁae ǁîna ǁnâuǀnam tsî ǃgâin ǀguina dīsa ǂhomisenba. 2Khoe-i xare-i xan ge ǂkhabase ǃhoa tamas ka io ǂnoagu tide. ǁNās ǃās ǃnân ge mâ khoe-i hoa-i ǃoagu tsamtsiǃnâ tsî nî khoexaǃnâ. 3ǂGuro da ge gâre, ǁnâuǀnamoǃnâ tsî gere tsūdī. ǁKhāti da ge naun xa ǂgaeǂhapuhe tsî ǂguiǃnâgu ǂkhaba turagu tsî ǁkhoaxasigu di khobo ge i. ǂKhabab tsî surib tsîn xa da ge ge ǀoa hâ i tsî ǁîǃnābe gere ǃhuigu. 4Xaweb ge Elob, sada ǃGâiǃōdī-aob di ǃgâisib tsî ǀnammi tsîna sada ge ǂhaiǂhaibahe. 5ǁÎb di ǀkhomxasiba xub ge ge ore da, sada di ǂhanu-aisib sîsenga xus ose. ǃAnu Gagab di ǀgaib ǀkhab ge sada ǁorena ǁāǃanuǃanu tsî ǀasa ûiba ge mā da. 6Jesub Xristub* sada ǃGâiǃōdī-aob ge dīn ǃaromab ge Eloba ǁîb di ǃAnu Gagaba ǃnāǂamsase sada ai ge ǁhōǂui. 7ǁÎb di ǀkhomma xub ge sada Elob ǀkha ge ǂhanu-ai kai tsî da ge ge ǃâubasen da hâ ǀamo ûib di ǀumi-ao kai. 8Nēs ge ama ǂgomǂgomsa mîsa.
ǀŌ-aisa ǂâisats nî nē xūn ai ǂnûi ǃkhaisa ta ge ra ǂgao. An ǁnān hîa Elob ǃnâ ra ǂgomna hoaǁae ǃnāsa ǁaeba sîsenū, hoa khoen di ǃgâiba ǃoa ǃgâin ǀguina dīs ǀkha. 9Xawe harebeoǃnâ suriǂnoagu-aina xu ǂgae-oasen. Tā ǁkhāti Jodeǁî ǂhanub xa ǂnoagu tsî ǃkham. Nēti ī ǂnoagu-ain a harebeoǃnâ tsî ǁaeb ǀguiba ra ǁore xuige. 10ǁNāti ī khoe-i hîa ǀgorasa ra ǃaroma-e ǀgam ǃnāra ǃkhâikhomsa mā tsî i ga ǁnâu ǁoao, o ǁî-i ǀkha tā ǃaruǀî dīxū-e ūhâ. 11ǁNāti ī khoe-i ge amab ǃoagu hâ tsî ǁî-i ǁoreb ǀkha ǁî-aitsama ra ǀgoraǃgâsen.
Titub di ǀuni ǁguiǂamdi
12 #
ǃNǃkh. 20:4; Efe. 6:21-22; Kol. 4:7-8; 2Tim. 4:12 Artemab tsî Tixikub tsîkha di ǀguiba ta ge sats ǃoa nî sî. ǀGuib âkha ga sīo, toxopa dītsâ îts Nikopolis tawa kaise ǃhae ǁaeb ǃnâ tita ǀkha ǀhaoǀhaosen. Saoǁaeba ta ǁnāpa nî hâǃkharusa ta ge mîǁgui xui-ao. 13#ǃNǃkh. 18:24; 1Kor. 16:12Senab ǂhanuǂanseb tsî Apolob tsîkha īǁkhā i as kōse hui, ǁîkha ǃgûs di aiǂhomis ǀkha. ǁKhāti mûǃgâ, î kha daob ai kha nî ǂhâba xūn hoana hō. 14În ǁkhāti sada dina ǁkhāǁkhāsen, ǃgâi sîsenga aimâbasa ǂhâbasa i a khami, în tā harebeoǃnâse ûi.
15Hoa khoen nēpa tita ǀkha hân ge ra tawede tsi. ǁNān hîa ǂgoms ǃnâ ǀnam dana tawedeba da.
Ab Elob di ǀkhomma hoadu ǀkha hâ.
Currently Selected:
Titub 3: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
