ǂKhoamîdi 11
11
1ǀHôagaose ra sîsenūhe ǀnō-ūdas ge ǃKhūb mûǁae a ui-uisa, xawe ǂhanu ǃgomma ra ǁgau ǀnō-ūdas ge ǁîba ǃgâiaǂgaob ase ība.
2ǀGapiǂâixasib ge taosiba ra ǃaroma; xawe ǃgamǃgamsens ge gā-aisiba ra ǃaroma.
3ǃGâi khoe-i ge ǁî-i ǂhauǃnâsib xa ra ǂgaeǂguihe, xawe ǀhôagao khoe-i ge ǁî-i ǀhôagaosib xa ra hîkākāhe.
4ǃKhūsib ge sa ǁkharab tsēs ai hui tsi tide, xawe ǂhanu-aisib ge ǁōba xu ra ore.
5ǂNao-o khoe-i di ǂhanu-aisib ge daob â-e ra ǂhauǂhau, xawe eloxoresa-i di ǂkhabadīb ge ǁî-i ǁnāsa ra ǃaroma.
6ǂHauǃnâ khoe-i ge ǁî-i ǂhanu-aisib xa ra orehe, xawe ǀhôagao khoe-i ge ǁî-i ǀhôagao turagu xa ra ǂhaohe.
7Eloxoresa-i ga ǁō, os ge ǁî-i ǃâubasens tsîna ra ǁō. ǁÎ-i ǀgaib ai i ge ūhâ i ǂgomǃgâs tsîn ge ra kābē.
8ǂHanu-ai-i ge ǂōǂōsiba xu ra sâuhe, ǂkhaba khoe-i ǂōǂōsib xa ra hāǂamhe hîa.
9Eloxoresa-i ge ams â-i ǀkha ǁî-i ǀgūkhoe-e ra hîkākā, xawe gā-aisib ge ǂhanu-ai khoe-e ra sâu.
10ǃĀs ge ǂhanu-ai khoen aiǃgûs ǃaroma ra dâ tsî eloxoresan ga ǁō, o ǃgari domgu ǀkha ra ǃgâiaǂgao.
11ǂHanu-ai khoen ga ǁîn ǀkhaeba gowaǂui, os ge ǃāsa ǀgapise ra mâǂoa; xawes ge ǁîsa ǂkhabadī-aon di ams xa ra hîkākāhe.
12ǁÎ-i ǀgūkhoe-e ga mîǁgaiǁgai khoe-i ge a ǁnâuǃāoǃnâ, xawe ǁnâuǃāxa khoe-i ge ra ǃnō.
13ǂHôaǃhoa-aon ge nau khoen ǂganǃgâsa xūna ra ǂhaiǂhai, xawe ǂgomǂgomsa khoe-i ge naun di ǂganǃgâsa xūna ra sâu.
14ǂGaeǂgui-i ga ǀkhai, os ge ǁaesa ra kāǁō, xawe ǂgui ǀapemā-aon ga hâpab ge ǃnorasasiba hâ.
15ǃHaokhoe-e ra ǁamaǂui khoe-i ge ǃgomsiba ra hā-ū, xawe ǁnā-i hîa nēs ǃnâ ǃâ tama i, ge ǂhanuse ra dī.
16ǃGâiǂūxa tarekhoes ge ǃgôasiba ra māhe, xawe xūǃgunuxa khoen ge ǂkhabadīb ǃnâ-u ra ǃkhū.
17ǃGâi khoe-i ge aitsama ra ǃgâidīsen, xawe ǀkhomoǃnâ khoe-i ge aitsama ra tsūtsūbasen.
18ǂKhaba khoe-i ge ǃoaǂui tama i hâ hōǂgāsa ra hōbasen, xawe ǂhanu-ai khoe-i ge ama hōǂgāsa ra hōbasen.
19ǂHanu-aisib ǃnâ ra hâhân ge nî ûi, xawe ǂkhabab ǃnâ ra hâhân ge nî ǁō.
20 ǃKhūb ge ǂkhaba ǂâide ūhâ khoena a ǃhuisa, xawe ǂnao-o ûiba ūhân ge ǁîba ǃgâiaǂgaob ase iba.
21Amase, ǂkhabadī-aon ge nî ǁkharahe, xawe ǂhanu-ain ge nî orehe.
22ǁNâuǃāoǃnâ îsa khoes ge hāgū-i ǂguis ǃnâ hâ ǃhuniǀurirâis khami ī.
23ǂHanu-ai khoe-i ǁkhoreb ge ǃgâib ǀguiba ǃkhōǂgā hâ; ǂkhaba khoe-i ǁkhoreb ge ǁkharab xa ǃâuhe hâ.
24Māǂgaoxa khoe-i ge ra māǂui tsî aiǃâb ǁga ǀgui ra ǃkhū; xawe nau-i ge ǃnāsase a xūǃgunuxa tsî ǁnā-amaga ǀgâsib xa ra hāǂamhe.
25Māǂgaoxa khoe-i ge nî ǀkhaehe, tsî ǁnā-i nau khoe-e ǁgam-e ra mā-i tsîn ge nî mā-oahe.
26ǃHoroba ra sâubē-i ge khoen xa ra ǀâxarehe, xawen ge ǁîna ǃhoroba ra ǁamaxū-e ra ǀkhae.
27ǁKhorexase ǃgâiba ra ôa khoe-i ge ǃgâiǃgâba ra ôa, xawe ǂkhababa ra ôa khoe-i ge ǁîba ra hō.
28ǁÎ-i ǃkhūsib ai ga ǂgomǃgâ khoe-i ge nî ǁnā, xawe ǂhanu-ai khoe-i ge ǃam ǂnaren khami nî ǀomkhâi.
29ǁÎ-i omaris ai ga ǃgomsiba hā-ū khoe-i ge xū-i xare-e ǀumi tide, tsî gâren ge gā-ai khoena nî ǃoaba.
30ǂHanu-ai khoe-i ge ûib di hais khami ra ǂûtani, xawe ǂkhabadīb ge khoe-i ûiba ra ū.
31 #
1Pet. 4:18
ǂHanu-ai-i ga ǃhūbaib ai mādawa-amheo, mâtikō ǃnāsase i ǂkhabadī-ao-i tsî ǁore-ao-i tsîna nî dīdawa-amhe!
Currently Selected:
ǂKhoamîdi 11: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
