Popular Bible Verses from ǂKhoamîdi 11

Share

Māǂgaoxa khoe-i ge nî ǀkhaehe, tsî ǁnā-i nau khoe-e ǁgam-e ra mā-i tsîn ge nî mā-oahe.

Māǂgaoxa khoe-i ge ra māǂui tsî aiǃâb ǁga ǀgui ra ǃkhū; xawe nau-i ge ǃnāsase a xūǃgunuxa tsî ǁnā-amaga ǀgâsib xa ra hāǂamhe.

ǀGapiǂâixasib ge taosiba ra ǃaroma; xawe ǃgamǃgamsens ge gā-aisiba ra ǃaroma.

ǂGaeǂgui-i ga ǀkhai, os ge ǁaesa ra kāǁō, xawe ǂgui ǀapemā-aon ga hâpab ge ǃnorasasiba hâ.

ǂHanu-ai khoe-i ge ûib di hais khami ra ǂûtani, xawe ǂkhabadīb ge khoe-i ûiba ra ū.

ǂHôaǃhoa-aon ge nau khoen ǂganǃgâsa xūna ra ǂhaiǂhai, xawe ǂgomǂgomsa khoe-i ge naun di ǂganǃgâsa xūna ra sâu.

ǃGâi khoe-i ge aitsama ra ǃgâidīsen, xawe ǀkhomoǃnâ khoe-i ge aitsama ra tsūtsūbasen.

ǁÎ-i ǃkhūsib ai ga ǂgomǃgâ khoe-i ge nî ǁnā, xawe ǂhanu-ai khoe-i ge ǃam ǂnaren khami nî ǀomkhâi.

ǃKhūsib ge sa ǁkharab tsēs ai hui tsi tide, xawe ǂhanu-aisib ge ǁōba xu ra ore.

ǃGâi khoe-i ge ǁî-i ǂhauǃnâsib xa ra ǂgaeǂguihe, xawe ǀhôagao khoe-i ge ǁî-i ǀhôagaosib xa ra hîkākāhe.

ǁNâuǃāoǃnâ îsa khoes ge hāgū-i ǂguis ǃnâ hâ ǃhuniǀurirâis khami ī.

ǀHôagaose ra sîsenūhe ǀnō-ūdas ge ǃKHūB mûǁae a ui-uisa, xawe ǂhanu ǃgomma ra ǁgau ǀnō-ūdas ge ǁîba ǃgâiaǂgaob ase ība.