Popular Bible Verses from ǂKhoamîdi 10

Share

ǃKHūB di ǀkhaeb ge ra ǃkhū kai, ǀhupuǀhupusens ǀkhats xū-i xare-e ǀaro tamase.

Kai ǃhoa-ao-i ge supuse ǁoreb ǃnâ ra ǁnā, xawe gā-ai khoe-i ge ǁî-i amsa ra ǃkhō.

ǁKhanni ge ǂkhababa ra ǃaroma, xawe ǀnammi ge hoaraga dīsade ra ǃgū-ai.

ǀOpesa khoe-i ge ǀgâsiba ra ǃaroma, xawe ôasase ra sîsen khoe-i ge nî ǃkhū.

ǂGōǀausa ra ǃkhōǃoa khoe-i ge ûiba nî ǃkhōǃoa, xawe ǂgōǀausa ra mâǃoa-i ge ǂhanu daoba xu ra ǁnāǁgôa.

ǂHanu-ai ûiba ūhâ khoe-i ge ǃnorasase nî hâ, xawe ǀhôagao khoe-i ge nî ǂanǂuihe.

ǃKHūBA ǁnâuǀnam, ots ge gaxuse nî ûi, xawe eloxoresa-i ûiǁaeb ge nî ǃnubu.

ǃKHūB ge ǂhanu-ai khoe-e ǃâ kai tama hâ, xawe eloxoresa-i ǂhâsib ǃnâ dīǀoaǀoa tide.

ǁGao mâsib ga hā, o-i ge eloxoresa-e ra kā, xawe ǂhanu-ai khoe-i ge ǀamosib kōse a ǃgaoǃgaosa.