Efeseǁîn 6
6
ǀGôan tsî ǁgûn nî ûi ǀgaub
1 #
Kol. 3:20
ǀGôado, sadu îna ǃKhūb ǃnâ ǃgôasiba mā, ǁnāb a ǂhanu ǀgau xuige.#6:1 ǁNāb a ǂhanu ǀgau xuige: ǀNî xoaǁguigu ge ǁNās a sadu Xristesi ǁguiǂam xuige ti ūhâ. 2-3#Eks. 20:12; Deu. 5:16“Sa îb tsî sa îs tsîrats ge nî ǃgôa, ǃgâibahets nîse tsîts nî ǂomxase ǃhūbaib ai ûise.” Nēs ge ǂguro mîmās, mîmâis ǀkha hâsa.
4 #
Kol. 3:21
ǁGûdo, tā sadu ôana ǁaixan nîse ûi-ū, xawe ǁîna ǃKhūb di ǂâis ǃoa Xristesi ûib ǃnâ kaikai, ǁkhāǁkhā tsî ǁnama.
ǃGān tsî ǀhonkhoen nî ûi-ūgu ǀgaub
5 #
Kol. 3:22-25
ǃGādo, sadu ǃhūbaisi ǀhonkhoena Xristuba* du ga ǃoaba hâ khami ǂgaob hoab ǀkha ǁnâuǀnam, ǃaob tsî ǀkhūb ǀkha. 6Tā koas ǃaroma mûhe du ra ǁaerob ai ǀgui sîsen; xawe Xristub di ǃoaba-aodu ase, ǂgaob hoaba xu Elob di ǂâisa dī. 7Sadu sîsenna ǃKhūba ǃoabas ase ǃgâi ǂâis ǀkha dī, xawe khoe-e ǃoabas khamis ose. 8Mâ khoe-i hoa-i nî ǂanǁapose, nēsi i ga sîsenao tamas ka io ǃnorasa xaweb ǃKhūba ǁî-e dī-i ra ǃgâi sîsengu ǃaroma nî mādawa-am ǃkhaisa.
9 #
Kol. 4:1;
Deu. 10:17; Kol. 3:25 ǀHonkhoedo, sadu tsîna sadu ǃgāna ǁkhā ǀgaub ai sîsenū, î ǁîna tā ǁgoaǂui. ǀHonkhoedu tsî ǃgādu hoado, ǁkhā ǃKhūb ǀhommi ǃnâ hâb, ǀgora-e khoe-i ǃnâ ūhâ tamab didu a ǃkhaisa ǂanǁapo.
Hoaraga ǁâtanin Elob din
10ǀUnis ai, hoa ǁkhāsiba ūhâ ǃKhūb di ǀgaib ǀkha du ǀgaiǀgaihe re. 11#Gā-ai.Sa. 5:17Hoaraga ǁâtanin Elob ge mā dun ǁgâuab* di ǀhôagao ǀapede du a mâǃoa-ū ǁkhāna ǂgaeǂgā. 12Sada ge khoesi khākhoen ǃoagu ǃkham tama hâ, xawe danaǂgaeǂgui-aogu tsî ǁkhāsigu, nē ǃkhae ǁaeb di ǃhūbaisi ǂgaeǂgui-aogu tsî ǀhomsi ǃkhaidi ǃnâ hâ ǂkhabab di gagasi ǀgaigu tsîn ǃoagu. 13ǁNā-amaga, hoaraga ǁâtanin Elob dina ǂgaeǂgā, ǂkhaba tsēdi ga hā, o du nî khākhoeb di ǀhôagao ǀapede ǃkhamǃoa ǁkhāse; tsî ǃkhamtoas khaoǃgâ mâǁapo.
14 #
Gā-ai.Sa. 5:18-23
#
Jes. 11:5;
Jes. 59:17
ǁNā-amaga ǂhomisen hâse mâ, sadu kamanab ǃgae-ūdasa amab ǀkha tsî sadu ǁkhaiǁkhausaraba* ǂhanu-aisib ǀkha ǃgae hâse, 15#Jes. 52:7îs sadu ǁharode ǂgaeǂgāsa, ǁaposasib ǂkhîb di ǃGâiǂhôas aoǁnâs ase ī. 16As sadu ǂgomsa hoaǁae ǁkhaukhōs ase ī, ǁîs ǀkha du hoaraga ǀaexa ǂāgu, ǁnāb hîa a ǂKhabab xa ra ǁhâihega nî ǁkhauǀarise. 17#Jes. 59:17Sadu toroǀgapasa ǃgâiǃōsib di mās ase tsî gôab hîa a Elob di mîsa, Gagab di mās ase ūǃoa. 18Hoaǁae Gagab ǃnâ-u ǀgorehâhâ tsî Elob huiba ǂgan, î mâ ǁāxasi-i hoa-i tawa Gagab di ǀgaib ǃnâ ǀgore. Tsēb tsî tsuxuba hoaraga khoen Elob dina ǀû tamase ǀgoreba. 19Tita tsîna ǀgoreba, îb Eloba ǂhanu mîde ti ams ǃnâ ǁgui, î ta ǂganǃgâsib ǃGâiǂhôas diba ǁkhoase ǂanǂan. 20ǁÎs ǃaroma ta ge sîsabe kaisa, ǃkhōsis ǃnâ ta ǂnôa xawe. ǀGoreba te re, î ta īǁkhāba te i as kōse ǁkhoase ǃGâiǂhôasa ǂhôa.
ǀUni tawededi
21 #
ǃNǃkh. 20:4; 2Tim. 4:12 #
Kol. 4:7-8
Tsî nēsi du ga tita xa hoa xūna ǂan ǂgao, ob ge Tixikub, sida ǀnam ǃgâsab tsî ǂgomǂgomsa ǃoaba-aob ǃKhūb di sîsenni ǃnâba, tita gere dī xūn hoana nî ǃhoaba du. 22ǁÎba ta ge sadu ǁga ra sî, îb sige xa hoana ǃhoaba du tsî sadu ǂgaogu tsîna ǀgaiǀgaiǃnâ.
23Ti ǀnamsa ǃgâsado, ab ǃKhūb di ǂkhîb tsî ǂgomǂgomsa ǀnammi ǁGûb Elob tsî ǃKhūb Jesub Xristub diba sadu hoadu ǀkha hâ. 24Ab ǃKhūb di ǀkhomma ǁnān, ǃKhūb Jesub Xristuba ǀûs ose a ǀnam hân ǀkha hâ.
Currently Selected:
Efeseǁîn 6: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.