Efeseǁîn 5
5
ǃNâb ǃnâ ûis
1ǁNā-amaga Elob ǀnamsa ǀgôadu ase ǁîb khami ī re. 2#Eks. 29:18; Psa. 40:6ǀNammi ǃnâ ûi, Xristub* ge sada ǀnam khami tsîb ge ǃgâi ǁamaba ūhâ ǁguibas Eloba ǃgâibas ase, sada ǃaroma ǁîb ûiba ge ǁguiba.
3Elob di khoedu a xui-ao, i ge ǀaib, ǃanuoǃnâsib tsî xūǃgunuxasib tsîna sadu ǁaegu ǂansa tide. 4ǁKhāti anu tama, gâre ǃhoa-ain tsî ǁgauoǃnâ ǀnoreǃhoa-aina du nî sîsenū ǃkhais ge sadu tawa ǂansa tide, xawe Eloba gangansa mās ge a anu. 5Nēsa du ge ǃgâise nî ǂan: ǀAi-ao-i tamas ka io ǃanuoǃnâ khoe-i tamas ka io turab xa ǀoa hâ khoe-i, ǁnā-i ge a ǁgôa-eloǃoaba-ao tsî ǁnā-amaga Xristub tsî Elob Gaosiba amǃnâxa tide.
6Tā-i khoe-i xare-e ǁau ǃhoaxūn ǀkha ǂgaeǂhapu du, Elob ǁaib ǁîba ra ǁnâuǀnamoǃnâ khoen ai nî hā xuige. 7ǁNā-amaga tā ǁnāti ī khoen ǀkha ǁaeǁaesen. 8ǂGuro du ge ǃkhaenas khami ge ī i, xawe du go nēsi a ǃKhūb ôa kai, o du ge ǃnâb khami ǀgui ī. 9ǃNâb#5:9 ǃNâb: ǀNî xoaǁguigu ge Gagab ti ūhâ. ge ǃgâisib, ǂhanu-aisib tsî ǂgomǃgâsib tsîna ra hā-ū. 10Taren ǃKhūba a ǃgâiba ǃkhaisa ôaǃnâ. 11Tā xū-e harebe tama sîsengu ǃkhaenab digu khoen ra dīgu ǃnâ amǃnâxa, ǁnās ǃās ǃnâ ǁîna ǂhaiǂhai. 12ǁÎn ǂganǃgâsib ǃnâ ra dī xūn xa ǃhoas tsîn a taotaosa xuige. 13Xawe hoa xūn ǃnâb xa ra ǂhaiǂhaihen ge ǂhaisase ra mûhe, 14ǃgāsase ra ǂhaisa kaihe xū-i hoa-i a ǃnâ xui-ao. ǁNā-amaga i ge ra mîhe:
“ǃNoaǂkhai, sats ǁom hâtsa,
îts ǁō hâna xu khâi,
ob ge Xristuba nî ǃnâǃnâ tsi.”
15ǁNā-amaga ǂōrisase kōbasen mâ ǀgaus aits ra ûi ǃkhaisa. Tā gâre khoe-i khami ûi, xawe gā-ai-i khami. 16#Kol. 4:5Mâ ǃēs hîa du ūhâs hoasa ǂhanuse sîsenū, nētsēkam ǁaeb a ǂkhaba xuige. 17ǁNā-amaga tā gâre khoen khami tanisen, xawe ǃKhūb ra tare-e ǂgaoǀkhā du ǃkhaisa ǁnâuǃā.
18Tā ǂauxûib sadu hoaraga ûiba nî hîkākāb xa ǀhoro; xawe ǃAnu Gagab ǀkha ǀoaǀoahe hâse hâ. 19#Kol. 3:16, 17ǁÎǃnābe psalmdi, ǁnaetsanadi tsî gagasi amdi di mîdi ǀkha ǃhoa-ūgu; ǃKhūba sadu ǂgaogu ǃnâ ǁnaetsanadi tsî psalmdi tsîde koaǁnaeba. 20Hoa xūn ǃaroma hoaǁae Elob ǁGûba, ǃKhūb Jesub Xristub ǀons ǃnâ gangansa mā.
Taras tsî aob tsîra di ǃgame ûib
21Xristub di ǃgôasib ǃaroma ǃnaka hâbagu.
22 #
Kol. 3:18; 1Pet. 3:7 Taradi ge ǁîdi aoga ǃnaka nî hâba, ǃKhūba di ra hâba khami. 23Aob a ǁîb taras di dana khamib ge Xristub tsîna ǁîb soros hîa a kerkheb, ǁîb di ûibab ge ǃGâiǃōdī-aose a ǁguibab di dana. 24ǁNā-amaga di ge tarade hoa xūn ǃnâ ǁîdi aoga ǃnaka nî hâba, kerkheb tsîn Xristuba ǃnaka hâba khami.
25 #
Kol. 3:19; 1Pet. 3:7 Aogo, sago tarade ǀnam Xristub ge kerkheba ǀnam tsî ǁî-aitsama ǁîb ǃaroma ǁguibasen khami. 26Xristub ge Elob ǃgôasib ǃoa ǁîb mîs ǃnâ kerkheba ǁgammi ǀkha ǁās ǀkha ge ǃanuǃanu. 27ǁÎb nî kerkheba ǁîb ǂûba ǂkhaisib di kerkhese, ǂnao-o tsî ǃanuse tamas ka io ǀnî ǃanuoǃnâsi-i ose mâi-aiǃâsense. 28ǁNāti gu ge aogu tsîna ǁîgu sorode gu a ǀnam khami ǁîgu tarade nî ǀnam. ǁÎb tarasa ǀnam aob ǁîb ǂûba a ǀnamsen xui-ao. 29(Khoe-i xare-i ǁî-i sorosa ǁkhan hâ-i, ge ǁîsa ǂûmā tsî ǀnam ǁoa Xristub ǁîb kerkheba ǀnam khami; 30hoada ǁîb soros di ǁani xui-ao.) 31#Gen. 2:24Xoas ra mî khami: “ǁNā-amagab ge khoeba ǁgûb tsî ǁgûs tsîra ǁnāxū tsî taras ǀkha nî ǃgaeǁarehe, o ra ge nî ǀgui soro.” 32Nēb ge kai ǂganǃgâsasib, Xristub tsî kerkheb di ǀguiǃnâxasiba ra ǁgauǂuiba. 33ǁNās ǁkhās xase, ab mâ aob hoaba ǁîb tarasa ǀnam, ǁîb ǂûb a ǀnamsen khami tsî as mâ taras hoasa ǁîs aoba ǃgôasiba ūhâba.
Currently Selected:
Efeseǁîn 5: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.