Aoǁnâ-aob 6
6
1ǂKhabab hîa ta ge ǃhūbaib ai mûb ge hâ, tsî kai sîsenǂuiba khoesib ai ūhâ. 2Mâ-i hoa-eb ge Eloba ǃkhūsib, ǁuib tsî ǃgôasiba ra mā, tsî-i ǀguis khami ī ǃnubusi-i tsîna ūhâ tama hâ. Xaweb ge Eloba nē khoe-e nē xūna ǀamas di ǁkhāsiba mā tama hâ, tsî i ge ǃhaokhoe-e ǁîna ra ǀama. 3Khoe-i ga ǀguikaidisi ǀgôana ūhâ tsî ǂgui kurina ûi; xawe i ge mâtikō kurina iga ûi xawe ǁî-i ūhâxūna ǀama tama i tsî ǁkhāti ǃamkuse ǁkhōhe tama i, o-i ge ǁō hâse ǃnae hâ ǀgôaro-e ǁî-i ǃgâ-ai nî ǃgôahe. 4ǁAuse i ra hās ǁkhās khami i ge ǃkhaenab ǃnâ nî bē, tsîs ge ǀons â-e ǃkhaenab ǃnâ sâusâsase nî hâ. 5ǁÎ-i ge tātsēs tsîna tsēs di ǃnâba mû tamas ka io ûib mâti tsâsa ǂan tama hâ, xawe i ge toxopa ǁnā khoe-i ûib â-e ge ǀama tama hâ i-i ǃgâ-ai go sâ. 6ǀGam ǃnāra di ǀoadisi kuriga iga ûi tsî i ga xawe ǃgâi xūna mû tama i xawen ge hoa ǀgamna ǀgui ǃkhaibǀî ǀgui ra ǃgû.
7ǂÛs ǃaroma iga khoe-e ǀhupuǀhupusen
xaweb ge ǁî-i di turaba tātsē ǂâu tama hâ.
8O mâsa gā-ai khoeb di harebesa,
gâb dis ǃoagu.
Tare xū-e i ǀgâsaba ra harebeba
mâti naun aiǃâ ǃgûsab ga ǂano?
9Khoe-i ra mû-i
ge ǁî-i ra tura-i ǃgâ-ai a ǃgâi;
nēs tsîn ge a harebeoǃnâ tsî ǂoaba saurus khami ī.
10Khoe-i hîa kurusa-i hoa-i ge ǂansa tsî ǀonsa ūhâ,
tsîs ge ǁî-i a khoe ǃkhaisa a ǂansa.
ǁÎb ge ǀgaisa khoeb ǃoagu hâ ǂnoagusa a dan ǁoa.
11Mîdi ra ǂguis ǁkhās khamib ge
harebeoǃnâsiba ra ǀarosen.
O mâ harebesas ǁnāsa khoesiba ūba hâ.
12Tari-e a ǂan tare-eb khoesiba ǁî-i di ûib ǃnâ ūhâsa? ǁÎ-i ûitsēdi di harebeoǃnâsiba i ge sommi khami ra hâǃkharu.
Currently Selected:
Aoǁnâ-aob 6: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
