Zak 13
13
1“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén,#13,1 Ez 47,1-12; Jl 3,18; Jn 4,10-14; 7,38; Ap 22,1-2. re naq te'xch'aj li xmaakeb' ut li xmaa'usilaleb'.
2“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-. 3Ut wi wank junaq li toj na'aatinak jo' propeet, taayehe'q re xb'aaneb' li xna' xyuwa': «Laa'at tatkamq, xb'aan naq tik'ti' li yookat xyeeb'al sa' xk'ab'a' li Qaawa'». Ut eb' li xna' xyuwa' te'xkamsi chi ch'iich' naq yooq chi aatinak jo' propeet aj b'alaq'.
4“Sa' li kutan a'an eb' li propeet te'xutaanaq chik chirix li te'ril sa' moy u, ut ink'a' chik te'b'alaq'inq rik'in xk'eeb'al li mutzuk ru aq'ej chirixeb'. 5Li junjunq tixye: «Moko laa'in ta propeet, laa'in b'an aj k'alom winq. Chalen chaq sa' linkach'inal, sa' k'aleb'aal wankin». 6Ut wi ani taapatz'oq re: «B'ar xatiq' xsa' laawuq'?», a'an tixye: «Sa' rochoch li wamiiw xe'xb'aanu we»”.
“Li Qaawa' a'an li qaYos”
7Li Nimajwal Yos naxye chi jo'ka'in:
“Ajsi aawu, at q'esnal ch'iich',
re xkamsinkil laj k'aak'alenel,
ut kamsi li natenq'ank we.
Kamsi laj ilol ketomq,
ut eb' li karneer te'xcha'cha'i rib'eb';#13,7 Mt 26,31; Mk 14,27.
ut laa'in ink'a' tintoq'ob'a ruheb' li kok' karneer.
8Sa' chixjunil li na'ajej a'in,
ka'jachaleb' li poyanam te'kamq;
ka'aj chik jun jachal te'kole'q.
9Ut li jun jachal a'in tinnumsiheb' sa' xam,
tinch'ajob'resiheb' jo' na'uxk re li plaat,
tinpuuxi ruheb' jo' na'uxk re li oor.#13,8-9 Is 1,25; 48,10.
Toja' naq te'xyaab'a link'ab'a',
ut laa'in tinsumeheb' chaq:
«Intenamitex laa'ex»,#13,8-9 Os 2,23. cha'qin reheb';
ut eb' a'an te'xye: «Li Qaawa' a'an li qaYos», cha'qeb'”.
Currently Selected:
Zak 13: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
