Knt 6
6
Eb' laj b'ichanel
1B'ar xkoho laarahom,
at jwal ch'ina'usat sa' xyanqeb' li ixq?
B'ar xk'am laarahom
re naq tqasik' chaq qochb'eenat?
Li ixq
2Linrahom xkoho sa' xna'aj li rawimq,
b'arwi' awb'il li sununkil q'een;
xkoho chi rilb'al li xketomq sa'eb' li xna'aj awimq
ut chi xxokb'aleb' li saqihix.
3Laa'in rehin linrahom
ut linrahom a'an we laa'in,
li nak'aak'alenk sa' xyanqeb' li saqihix.#6,3 Knt 2,16.
Jun chik li b'ich cho'q re li ixq
Li winq
4Xchaq'al aawu, at xsumwaanm,
kama'at li tenamit Tirsá,#6,4 1 R 15,21.
ch'ina'usat jo' Jerusalén;
xaweechani li waanm jo'eb' li jun teep chi aj puub'.
5Isi laawilob'aal sa' inb'een,
xb'aan naq li xsa'eb' laawu xe'xq'ax wu.
Laawismal chanchaneb' jun ch'uutal chi chib'aat
li yookeb' chi kub'eek sa' li tzuul Galahad.
6Eb' li ruuch aawe chanchaneb' jun ch'uutal chi karneer
li toj xe'raqe'k chi atink,
re te'b'ese'q li rix;
tz'aqaleb' re ru li ruuch aawe,
ut maajun wank ta xjunes.#6,5-6 Knt 4,1-2.
7Chanchaneb' granaad li xnaq' aawu,
naq nak'utunk chaq chirix laat'ikr.
8Oxk'aaleb' li xna' li tenamit,
kaak'aaleb' li xkab' ixaqileb',
ut k'ajo'eb' li tuq'ixq.
9ab'anan jun ajwi' linmukuy li tz'aqal re ru,
jun ajwi' chiru li xna',
a'an li jwal raaro xb'aan li x'alank re.
Naq na'ile'k ru xb'aaneb' li ixqa'al, nak'eemank xloq'al,
ut eb' li xna' li tenamit jo'wi' eb' li xkab' ixaqilb'ej neke'xterq'usi li xk'ab'a':
10“Ani a'an li nachalk chaq jo' li hik'e'k,
ch'ina'us jo' li po,
nalemtz'unk jo' li saq'e,
ut jwal kaw rib' jo'eb' li jun teep chi aj puub'?”.
11Xinkub'eek sa' li xk'iche'il li nogal,
re xka'yankil li xraxraxil ru li taq'a,
re rilb'al li xtuxm li xtoonal li uub'
ut wi yookeb' chi atz'umak eb' li granaad.
12Ab'anan chi maak'a' sa' inch'ool
xkohin sa' li xb'eleb'aal ch'iich' laj eechal we!
Eb' laj b'ichanel
13Sutq'in, sutq'in chaq, at Sulam;
sutq'in, sutq'in chaq: tqaj rilb'al aawu.
K'a'ut naq teeraj rilb'al ru lix Sulam
li naxajok sa' xyanqeb' li wiib' ch'uut?
Currently Selected:
Knt 6: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
