Sal 41
41
SAALM 41 (40)
Tijok sa' li rahilal ut sa' li yajel
1Re li xjolomileb' laj b'ichanel. Xsaalm laj David.
2Us xaq re li natenq'ank re li neb'a':#41,2 Pr 14,21; Tb 4,7-11.
taakole'q xb'aan li Qaawa' sa' xq'ehil li rahilal.
3Li Qaawa' taa'iloq re ut tixk'e xyu'am;
tixk'e xsahil xch'ool sa' li ruuchich'och' a'in,
ut ink'a' tixkanab' chi t'ane'k sa' ruq'eb' li xik' neke'ilok re.
4Li Qaawa' taak'irtasinq re
naq yokyooq xb'aan li rahilal;
trisi li xyajel ut tixk'e wi' chik xmetz'ew.
5Xinye sa' inch'ool:
“Chawuxtaana wu, at Qaawa';
xinmaakob'k chawu,
chinaak'irtasi taxaq”.
6Eb' li xik' neke'ilok we neke'xtz'aama li ink'a' us sa' inb'een:
“Jo'q'e taakamq,
re naq ink'a' chik taapatz'e'q xk'ab'a'?”, chankeb'.
7Naq neke'chalk chi wilb'al,
neke'aatinak rik'in tik'ti',
nujenaq li xch'ooleb' chi maa'usilal;
ut ka'ajwi' xe'elk,
sa' junpaat xe'xtikib' aatinak chirix injolom.
8Junxikikeb' chi xtz'ilinkil wix eb' li xik' neke'ilok we,
neke'xk'oxla naq inmaak wib' nink'ul li rahilal:
9“Wank chik rub'el xwankil li xb'alb'a;
jiljo anaqwan,
ink'a' chik taawakliiq”, chankeb'.
10A' ajwi' li wamiiw, li kaw inch'ool chirix,
li nawa'ok linwa, xtaqsi li roq sa' inb'een.#41,10 Mt 26,23; Mk 14,20; Lk 22,21; Jn 13,18.
11Ab'anan laa'at, at Qaawa',
chawuxtaana wu ut chinaawaklesi taxaq
re naq te'xtoj xmaakeb' jo' xk'ulub'eb'.
12Rik'in a'in tinnaw naq laa'at nikinaara:
wi li xik' na'ilok we ink'a' tixye naq xnumtaak sa' inb'een.
13Laa'at tatk'ehoq xkawub' linch'ool
xb'aan naq maak'a' inmaak;
junelik tinaak'ul rub'el laawoq rub'el laawuq'.
14Usilaatinanb'il taxaq li Qaawa', li xYos laj Israel,
chalen chaq junxil, anaqwan ut junelik junq'e junq'e kutan.
Jo'kan taxaq, jo'kan taxaq!#41,14 Sal 106,48.
Currently Selected:
Sal 41: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
