Nm 7
7
Li xyeechi'om eb' laj Israel cho'q re li Loq'laj Na'ajej
1Naq laj Moisés kiraqe'k chi xwaklesinkil li Loq'laj Na'ajej, kixyuli chi aseeyt ut kixsantob'resi rochb'een chixjunil li k'a'aq re ru taak'anjelaq chisa'. Kixsantob'resi ajwi' li artal rochb'een chixjunileb' li xk'anjelob'aal. Ut naq kiraqe'k chi xyulinkil chi aseeyt ut chi xsantob'resinkil, 2eb' laj k'amol xb'eheb' laj Israel, a'eb' li xjolomil li junqkab'al ut junjunq chi teep li ke'tenq'ank chi rajlankileb' li tenamit, ke'mayejak. 3Ke'xk'e li xmayej chiru li Qaawa': waqib' chi kareet tz'aptz'o xb'een, ut kab'laju li b'ooyx. Ka'kab' chi aj k'amol b'e chirix jun chi kareet ut junjunq xb'ooyx li junjunq. Ke'xkanab' chixjunil a'in chiru li Loq'laj Na'ajej.
4Toja' naq li Qaawa' kiraatina laj Moisés ut kixye re: 5“K'ul li mayej a'in chiruheb' re taak'anjelaq sa' li Loq'laj Na'ajej. Ut taak'e reheb' laj Leví, jo' chanru xk'anjel li junjunq”, chan.
6Laj Moisés kixk'uleb' li kareet ut eb' li b'ooyx ut kixk'e reheb' laj Leví: 7wiib' li kareet ut kaahib'eb' li b'ooyx kixk'e reheb' li ralal laj Kersón, jo' chanru li k'anjel neke'xb'aanu; 8kaahib' li kareet ut waqxaqib' li b'ooyx kixk'e reheb' li ralal laj Merarí, jo' chanru li k'anjel neke'xb'aanu rub'el xwankil laj Itamar, ralal laj Aharón laj tij. 9Ab'an maak'a' kixk'e reheb' li ralal laj Kehat, xb'aan naq li xk'amomeb' a'an q'axal loq' ut chi paqonb'il neke'xk'am.
10Naq kisantob'resiik li artal, eb' laj k'amol b'e ke'xk'am li xmayejeb' ut ke'xq'axtesi chiru li artal. 11Ut li Qaawa' kixye re laj Moisés: “Rajlal kutan junjunq xjolomil xteepal laj Israel chimayejaq sa' xk'ab'a' li artal”, chan.
12Sa' li xb'een kutan kimayejak laj Najsón, ralal laj Aminadab, sa' xteepal Judá. 13Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 14Kixmayeja ajwi' jun lekleb' yiib'anb'il rik'in oor aj lajeeb' xwaqk'aal chi tumin, nujenaq chi ensens; 15jun saaj wakax, jun chib'aat, jun karneer aj junq chihab', cho'q re li k'atb'il mayej; 16jun teelom chib'aat cho'q mayej chirix li kuyuk maak 17ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Najsón, ralal laj Aminadab.
18Sa' xkab' li kutan kimayejak laj Natanael, ralal laj Swar, xjolomileb' laj Isakar. 19Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 20Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq rik'in ensens; 21jun ral wakax, jun chib'aat, jun karneer aj junq chihab' cho'q re li k'atb'il mayej; 22jun teelom chib'aat cho'q mayej chirix li kuyuk maak; 23ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Natanael, ralal laj Swar.
24Sa' rox li kutan, kimayejak laj Eliab, ralal laj Jelón, xjolomileb' laj Sabulón. 25Li mayej li kixk'e, a'an jun perpookil sek' yiib'anb'il rik'in plaat, aj lajeeb' xwuqk'aal (130) chi tumin, ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 26Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 27jun ral wakax, jun chib'aat, jun karneer aj junq chihab', cho'q re li k'atb'il mayej; 28jun teelom chib'aat cho'q mayej chirix li kuyuk maak; 29ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb', cho'q mayej re k'amok ib' sa' usilal rik'in li Yos. A'an a'in li xmayej laj Eliab, ralal laj Jelón.
30Sa' xka li kutan kimayejak li xjolomileb' laj Rubén, a' laj Elisur, ralal laj Sedewr. 31Li mayej li kixk'e, a'an jun perpookil sek' yiib'anb'il rik'in plaat, aj lajeeb' xwuqk'aal (130) chi tumin ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaq chi k'aj yoq'inb'il rik'in aseeyt cho'q re li ru li awimq. 32Kixmayeja ajwi' jun lekleb' yiib'anb'il rik'in oor, aj lajeeb' chi tumin nujenaq chi ensens; 33jun ral wakax, jun chib'aat, jun karneer aj junq chihab', cho'q re li k'atb'il mayej; 34jun teelom chib'aat cho'q mayej chirix li kuyuk maak; 35ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb', cho'q mayej re k'amok ib' sa' usilal rik'in li Yos. A'an a'in li xmayej laj Elisur, ralaj laj Sedewr.
36Sa' ro' li kutan kimayejak li xjolomileb' laj Simehón, a' laj Salumiel, ralal laj Surisaday. 37Li mayej li kixk'e, a'an jun perpookil sek' yiib'anb'il rik'in plaat, aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt cho'q re li mayej re li ru li awimq. 38Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 39jun ral wakax, jun chib'aat, jun karneer aj junq chihab', cho'q re li k'atb'il mayej; 40jun teelom chib'aat cho'q mayej chirix li kuyuk maak; 41ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb', cho'q mayej re k'amok ib' sa' rusilal rik'in li Yos. A'an a'in li xmayej laj Salumiel, ralal laj Surisaday.
42Sa' xwaq li kutan kimayejak li xjolomileb' laj Kad, a'an laj Eliasaf, ralal laj Rewel. 43Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 44Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 45jun ral wakax, jun chib'aat, jun karneer aj junq chihab', cho'q re li k'atb'il mayej. 46Kixmayeja ajwi' jun chib'aat cho'q mayej chirix li kuyuk maak; 47ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Eliasaf, ralal laj Rewel.
48Sa' xwuq li kutan kimayejak li xjolomileb' laj Efraín, a'an laj Elisamá, ralal laj Amiud. 49Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 50Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 51jun ral wakax, jun chib'aat, jun karneer aj junq chihab' cho'q re li k'atb'il mayej; 52jun teelom chib'aat cho'q mayej chirix li kuyuk maak, 53ut wiib' li b'ooyx, oob' li teelom karneer, oob' li teelom chib'aat, ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos.
54A'an a'in li xmayej laj Eliasaf, ralal laj Amiud. 55Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 56Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 57jun ral wakax, jun chib'aat, jun karneer aj junq chihab', cho'q re li k'atb'il mayej; 58jun teelom chib'aat cho'q mayej chirix li kuyuk maak; 59ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Gamaliel, ralal laj Pedasur.
60Sa' xb'ele li kutan kimayejak li xjolomileb' laj Benjamín, a' laj Abidán, ralal laj Kidehoní. 61Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 62Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 63jun ral wakax, jun chib'aat, jun karneer aj junq chihab', cho'q re li k'atb'il mayej; 64jun teelom chib'aat cho'q mayej chirix li kuyuk maak; 65ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Abidán, ralal laj Kidehoní.
66Sa' xlaje li kutan kimayejak li xjolomileb' laj Dan, a' laj Ajieser, ralal laj Amisaday. 67Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 68Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 69jun ral wakax, jun chib'aat, jun karneer aj junq chihab', cho'q re li k'atb'il mayej; 70jun teelom chib'aat cho'q mayej chirix li kuyuk maak; 71ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Ajieser, ralal laj Amisaday.
72Sa' li xjunlaju kutan kimayejak li xjolomileb' laj Aser, a' laj Pakiel, ralal laj Okrán. 73Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 74Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 75jun ral wakax, jun chib'aat, jun karneer aj junq chihab', cho'q re li k'atb'il mayej; 76jun teelom chib'aat cho'q mayej chirix li kuyuk maak; 77ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Pakiel, ralal laj Okrán.
78Sa' xkab'laju li kutan kimayejak li xjolomileb' laj Neftalí, a' laj Ajirá, ralal laj Enán. 79Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq. 80Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens; 81jun ral wakax, jun chib'aat, jun karneer aj junq chihab', cho'q re li k'atb'il mayej; 82jun teelom chib'aat cho'q mayej chirix li kuyuk maak; 83ut wiib' li b'ooyx, oob' li teelom karneer, oob' li teelom chib'aat ut oob' li kok' karneer aj junq chihab'eb' cho'q mayej re k'amok ib' sa' usilal rik'in li Yos. A'an a'in li xmayej laj Ajirá, ralal laj Enán.
84A'an a'in xk'ihal li xmayejeb' li xjolomileb' laj Israel, sa' li kutan naq kisantob'resiik li artal: kab'laju chi perpookil sek', kab'laju chi sek' yiib'anb'ileb' rik'in plaat ut kab'laju chi lekleb' yiib'anb'ileb' rik'in oor. 85Li junjunq chi perpookil sek' a'an aj lajeetq xwuqk'aal (70) chi tumin. Li xtz'aq chixjunil li mayej a'in, a'an waqib' o'q'ob' (2,400), jo' chanru xtz'aq li xtumin li artal. 86Eb' li lekleb' yiib'anb'il rik'in oor a'an kab'laju, nujenaqeb' chi ensens, aj lajeetq chi tumin, jo' chan ru tz'aq xtumin li artal. Chixjunil a'an: waqk'aal (120) chi tumin.
87Li xk'ikal li ketomq ke'k'ehe'k cho'q re li k'atb'il mayej a'aneb' a'in: kab'laju li saaj wakax, kab'laju li chib'aat, kab'laju li karneer aj junq chihab'eb', chixjunileb' rochb'een li k'aj; ut kab'laju li mayej karneer re li kuyuk maak. 88Li xk'ihal li ketomq ke'mayejaak re li k'amok ib' sa' usilal rik'in li Yos a'an a'in: kaahib' xka'k'aal (24) li saaj wakax, oxk'aal (60) li teelom karneer, oxk'aal li teelom chib'aat ut oxk'aal li kok' karneer aj junq chihab'eb'. A'an a'in li mayej kiq'axtesiik naq li artal kiyuleek rik'in aseeyt ut kisantob'resiik.
89Naq laj Moisés ki'ok sa' li Loq'laj Na'ajej re aatinak rik'in li Qaawa', kirab'i li xyaab' xkux sa' xb'een li xtz'apb'al xb'een li xLoq'laj Kaaxil li Sumwank, sa' xyanqeb' li wiib' chi kerubín. Tojo' naq ki'aatinak rik'in li Qaawa'.
Currently Selected:
Nm 7: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
