Nm 26

Eb' laj Israel ke'ajlaak xka' sut

1Chirix chik li nimla rahilal a'an, li Qaawa' kiraatinaheb' laj Moisés ut laj Elehasar li ralal laj Aharón laj tij, ut kixye reheb': 2“Ajlahomaq chixjunil li xkomonileb' laj Israel, chi junqkab'alil ut chi teep, chalen aj junqmay chihab', a'eb' li yo'ooneb' chi yalok”,#26,1-51 Nm 1,1-46. chan.

3Laj Moisés ut laj Elehasar laj tij ke'rajlaheb' laj Israel, chalen eb' laj junqmay chihab', sa' xtaq'ahil Mohab, chire li nima' Jordán, sa' xka'yab'aal Jerikó, 4jo' chanru kichaq'rab'iik wi' laj Moisés xb'aan li Qaawa'.

A'aneb' a'an laj Israel li ke'elk chaq Ejiipt:

5Eb' li xch'uutal laj Rubén, xb'een ralal laj Israel, a'aneb' a'in: eb' laj Enok, laj Palú, 6laj Jesrón ut laj Karmí. 7A'aneb' a'in li xch'uut laj Rubén: oxib' roxk'aal mil rik'in lajeeb' xwuqlajuk'aal xkab' o'q'ob' (43,730) chixjunileb'. 8Li ralal laj Palú a'an laj Eliab. 9Eb' li ralal laj Eliab a'aneb' a'in: laj Nemuel, laj Datán ut laj Abirón. Laj Datán ut laj Abirón sik'b'ileb' ru xb'aan li komonil, ab'an ke'xwech' rixeb' laj Moisés ut laj Aharón, rochb'eeneb' laj Koré naq eb' a'in ke'xq'et rib' chiru li Qaawa'. 10Aran kitehonk li ch'och' ut kixnuq'eb' li wiib' a'an, rochb'een laj Koré. Lajeeb' roxlajuk'aal (250) chi winq ke'kamk xb'aan li xam, re xk'ajtesinkil ruheb'. 11Ab'an eb' li ralal laj Koré ink'a' ke'kamk.

12Eb' li xch'uutal laj Simehón a'aneb' a'in: eb' laj Nemuel, laj Yamín, laj Yakín, 13laj Séraj ut laj Saúl. 14A'aneb' a'in li xch'uutal eb' laj Simehón. Wiib' xka'k'aal mil rik'in lajeek'aal (22,200) chixjunileb'.

15Eb' li xch'uutal laj Gad a'aneb' a'in: eb' laj Sepón, laj Jakí, laj Suní, 16laj Osní, laj Erí, 17laj Arod ut laj Arelí. 18A'aneb' a'in li xch'uutal eb' laj Gad. Ka'k'aal mil rik'in o'k'aal xkab' o'q'ob' (40,500) chixjunileb'.

19Sa' xyanqeb' li ralal xk'ajol laj Judá ke'kamk laj Er ut laj Onán sa' li na'ajej Kanahán. 20Jo'kan naq eb' li xch'uutal laj Judá a'aneb' a'in: eb' laj Selá, laj Perés ut laj Séraj. 21Eb' li xch'uutal laj Perés a'aneb': eb' laj Jesrón ut eb' laj Jamul. 22A'aneb' a'in li xch'uutal eb' laj Judá. Waqlaju xkaak'aal mil rik'in o'k'aal xkab' o'q'ob' (76,500) chixjunileb'.

23Eb' li xch'uutal laj Isakar a'aneb' a'in: eb' laj Tolá, laj Puhá 24laj Yasub ut laj Simrón. 25A'aneb' a'in li xch'uutal eb' laj Isakar. Kaahib' xkaak'aal mil rik'in o'lajuk'aal (64,300) chixjunileb'.

26Eb' li xch'uutal laj Sabulón a'aneb' a'in: eb' laj Séred, laj Elón ut laj Yajlel. 27A'aneb' a'in xch'uutal eb' laj Sabulón. Oxk'aal mil rik'in o'k'aal xkab' o'q'ob' (60,500) chixjunileb'.

28Eb' li xch'uutal laj José a'aneb' a'in: eb' laj Manasés ut laj Efraín. 29Li xch'uutal laj Manasés a'aneb' laj Makir. Li xch'uutal laj Makir a'aneb' laj Galahad. 30Eb' li xch'uutal laj Galahad a'aneb' a'in: eb' laj Yéser, laj Jélek, 31laj Asriel, laj Sikem, 32laj Semidá ut laj Jéfer. 33Laj Selofjad, ralal laj Jéfer, ink'a' kiwank xteelom al, junes ixqa'al kixsiya. A'aneb' a'in li xk'ab'a'eb': lix Majlá, xNohá, xJoklá, xMilká ut xTirsá. 34A'aneb' a'in li xch'uutal eb' laj Manasés. Kab'laju roxk'aal mil rik'in o'lajuk'aal xkab' o'q'ob' (52,700) chixjunileb'. 35Eb' li xch'uutal laj Efraín a'aneb': eb' laj Sutélaj, laj Béker ut laj Taján. 36A'an a'in li xch'uutal laj Sutélaj: eb' li ralal xk'ajol laj Erán. 37A'aneb' a'in li xch'uutal eb' laj Efraín. Kab'laju xka'k'aal mil rik'in o'k'aal xkab' o'q'ob' (32,500) chixjunileb'. A'aneb' a'in li xch'uutal eb' laj José.

38Eb' li xch'uutal laj Benjamín a'aneb' a'in: eb' laj Belá; laj Asbel, laj Ajirán, 39laj Sefufán ut laj Jufán. 40Eb' li xch'uutal laj Belá a'aneb' a'in: eb' laj Ard ut laj Nahamán. 41A'aneb' a'in li xch'uutal eb' laj Benjamín. Oob' roxk'aal mil rik'in lajeek'aal xkab' o'q'ob' (45,600) chixjunileb'.

42A'an a'in li xch'uutal laj Dan: a'eb' laj Suján. 43Kaahib' xkaak'aal mil rik'in jun o'q'ob' (64,400) chixjunileb' laj Suján.

44Eb' li xch'uutal laj Aser a'aneb' a'in: eb' laj Imná, eb' laj Isbí ut laj Beriá. 45Eb' li xch'uutal laj Beriá a'aneb' a'in: eb' laj Jéber ut eb' laj Malkiel. 46Li xk'ab'a' li xrab'in laj Aser, a'an xSéraj. 47A'aneb' a'in li xch'uutal eb' laj Aser. Oxlaju roxk'aal mil rik'in jun o'q'ob' (53,400) chixjunileb'.

48Eb' li xch'uutal laj Neftalí a'aneb' a'in: eb' laj Yajsel, eb' laj Guní, 49eb' laj Yéser ut laj Salún. 50A'aneb' a'in li xch'uutal eb' laj Neftalí, jo' chanru ke'ajlamank chixjunileb'. Oob' roxk'aal mil rik'in jun o'q'ob' (45,400) chixjunileb'.

51Naq ke'ajlamank eb' laj Israel, kik'eemank reetal naq wankeb': jun xjunlajuk'aal xkab' o'q'ob' mil rik'in lajeeb' xwuqlajuk'aal xkab' o'q'ob' (601,730).

52Toja' naq li Qaawa' kixye re laj Moisés: 53“Sa' xyanqeb' a'an taajachi li ch'och' re te'reechani, jo' chanru xe'ajlamank. 54Li naab'aleb', taayu' ru li xch'och'eb'; ut li ink'a' k'iheb', taak'os ru li xch'och'eb'. Eb' li junjunq te'eechaninq jo' xk'ihalil xe'ajlamank. 55Ab'an li jachink ch'och' taa'uxmanq chi b'uulinb'il. A' yaal jo'k'ihal rajlankileb' li junq teep, jo'ka'an taa'uxmanq xjachinkileb' li ch'och'. 56Chi b'uulinb'il taajachi li ch'och', chi wanq sa' aach'ool li naab'aleb' ut li ink'a' k'iheb'”,#26,52-56 Nm 34,13; Jos 14,1-2. chan li Qaawa'.

57Eb' li xch'uutal laj Leví, naq ke'ajlamank, a'aneb' a'in: eb' laj Kersón, eb' laj Kehat ut eb' laj Merarí. 58A'aneb' a'in li xch'uutal eb' laj Leví: eb' laj Libní, eb' laj Hebrón, eb' laj Majlí, eb' laj Musí ut eb' laj Koré.

Laj Kehat kixsiya laj Amrán. 59Laj Amrán kisumlaak rik'in lix Yokébed. A'in xrab'in laj Leví ut kiyo'laak aran Ejiipt. Lix Yokébed ut laj Amrán a'aneb' xna' xyuwa' laj Aharón, laj Moisés ut lix María. 60Eb' li ralal xk'ajol laj Aharón a'aneb' a'in: laj Nadab, laj Abihú, laj Elehasar ut laj Itamar.#26,60 Nm 3,2. 61Laj Nadab ut laj Abihú ke'kamk naq ke'xyeechi'i jun li xam moko xk'ulub' ta li Qaawa'.#26,61 Lv 10,1-2; Nm 3,4.

62Li xk'ihaleb' li winq ke'ajlamank sa' xyanqeb' laj Leví chalen aj junq po, wankeb' oxib' xka'k'aal mil (23,000). Eb' a'in ink'a' k'eeb'ileb' sa' ajl sa' xyanqeb' laj Israel, xb'aan naq ink'a' ke'k'ehe'k xch'och'eb'.

63A'aneb' a'in li xk'ihaleb' laj Israel ke'ajlamank xb'aan laj Moisés ut laj Elehasar laj tij sa' xtaq'ahil Mohab, chire li nima' Jordán, sa' xka'yab'aal Jerikó. 64Sa' xyanqeb' chixjunileb' a'an maajuneb' chik li ke'k'eemank sa' ajl naq laj Moisés ut laj Aharón ke'rajlaheb' chaq eb' laj Israel sa' li chaqich'och' re Sinaí, 65xb'aan naq xyehom li Qaawa' naq te'kamq sa' li chaqich'och'.#26,65 Nm 14,26-35. Maajun kikanaak chi yo'yo; ka'ajwi' laj Kaleb, ralal laj Jefuné, ut laj Josué, ralal laj Nun, ke'kole'k.

Currently Selected:

Nm 26: QQC

Highlight

Copy