Job 4
4
Li xb'een xsumehom laj Elifás
1Laj Elifás kixye re laj Job:
2Mare ink'a' taawulaq chawu li ok we chi xyeeb'al,
ab'anan ink'a' naru tinkanaaq chi ch'anch'o.
3Laa'at naab'al li tenamit xatzoleb'
ut xak'e xkawub' xch'ooleb' li tawajenaqeb';
4xawaklesi xch'ooleb' li q'axal ra wankeb'
ut xatenq'a li t'anekeb' re.
5Ab'an anaqwan naq ra wankat,
ink'a' nakakuy ut nakatxiwak.
6Laa'at aj paab'anel ut tiik aach'ool:
k'a'ut naq ink'a' k'ojk'o aach'ool rik'in li Yos anaqwan?
7Jultikaq aawe: ma wank ta junaq chaab'il xch'ool li xk'uluk rahilal,
junaq maak'a' xmaak li x'oso'k chi junajwa?
8Jo'ka'in li wilom:
naq eb' li neke'xyoob' ch'a'ajkilal ut maa'usilal,
a' ajwi' li xe'raw, neke'xq'ol.
9Li Yos na'apunk sa' xb'eeneb', ut neke'oso'k;
nachalk xjosq'il li Qaawa', ut neke'sache'k.
10Us ta neke'me'b'ak malaj neke'xchaj re jo'keb' li kaqkoj,
ab'an li Yos tixjor li ruuch reheb'.
11Te'kamq jo'keb' li kaqkoj li ink'a' xe'xtaw xtzakeb',
ut eb' li ralal xk'ajol te'xcha'cha'i rib'eb'.
12Chi hasb'anb'il kiyehe'k we jun li aatin,
ut chanchan maayus naq kiwab'i rik'in linxik.
13Naq chixjunileb' yookeb' chi wark
chiru q'oqyink, sa' moy u,
14k'ajo' naq kichalk inxiw:
kin'ok chi siksotk sa' chixjunil linb'aqel.
15Kichalk ke sa' xnaq' wu
ut nasikb'ak lintib'el xb'aan.
16Wank ani kiwakliik:
kiwil, ab'anan ink'a' kinnaw ru.
Ch'anaamil kikanaak chixjunil chi qasutam,
toj reetal kiwab'i jun xyaab' kuxej:
17“Ma tiik xch'ool li winq chiru li Yos,
ma saq ru li raanm chiru laj Yoob'tesihom re?
18Li Yos ink'a' naxk'ojob' xch'ool chirixeb' laj k'anjel chiru wankeb' sa' choxa,
ut a'atqeb' ajwi' li x'ánjel naxtaw xmaakeb'.
19Ma toja' ta chik tixk'ojob' xch'ool chirixeb' li poyanam?
Pak'b'ilo rik'in ch'och'
ut maak'a' qametz'ew jo' junaq xmaxel li che'.
20Yal numelo chiru li qayu'am;
sa' junpaat nokookamk, chi maajun naxk'e reetal.
21Nokoo'oso'k kama' na'isiik xk'aamal junaq muheb'aal,
ut nokookamk chi ink'a' naqataw qachaab'il na'leb'”.
Currently Selected:
Job 4: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.