Stg 5

1A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een. 2Leeb'ihomal xq'enaq'o'k ut leeraq' set'inb'il xb'aan xmotzo'il. 3Lee'oor ut leeplaat xq'olenk ru, ut li xq'olel taajitoq eere. Jo' nachoyok li xam, jo'kan naq taachoye'q leetz'ejwal xb'aan li xq'olel: ketamresi eeb'ihomal sa'eb' li kutan a'in li yal rosob'l aj chik!

4K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel. 5Sa naq kexwank sa' ruuchich'och' chi xb'aanunkil li jo'maajo'il na'leb': kech'oolani eerib' chi us cho'q re xkutankil li xnimal kamsink! 6Kexraqok aatin sa' xb'eeneb' li tiikeb' xch'ool ut kekamsiheb'; ut eb' a'an ink'a' ke'xram cheru.

Li xk'ulunik li Qaawa'

7Ex was wiitz'in, chekuyaq wan oyb'enink toj reetal sa' xk'ulunik li Qaawa'. K'ehomaq reetal: laj k'alom naroyb'eni li xloq'laj u li awimq, ut naxkuy royb'eninkil li hab' re li awk jo' ajwi' li xq'ehil li q'olok. 8Chekuyaq ajwi' oyb'enink laa'ex. Chekawub'resiiq leech'ool xb'aan naq li xk'ulunik li Qaawa' xnach'ok chaq.

9Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l. 10Ex was wiitz'in, chek'am eere rik'ineb' li propeet li ke'aatinak sa' xk'ab'a' li Qaawa': eb' a'an ke'k'uluk rahilal ut xe'xkuy rik'in xnimal xkuyumeb'. 11“Us xaq reheb' li ke'kuyuk rahilal rik'in xkawub' xch'ooleb'”, chanko. Eerab'ihom resil li xnimal xkuyum laj Job; ut nekenaw ajwi' k'aru kixk'ul rik'in li Qaawa' sa' xraqik,#5,11 Job 1,21-22; 2,10; 42,10-17. xb'aan naq li Qaawa' a'an aj toq'ob'anel u ut aj uxtaan.#5,11 Ex 34,6; Sal 103,8; 111,4; Eklo 2,11.

Xraqik li hu

12Ex was wiitz'in, xb'een xb'een ninye eere: Meeye jurament sa' xk'ab'a' li choxa, chi moko sa' xk'ab'a' li ruuchich'och', chi moko sa' xk'ab'a' junaq chik k'a'aq re ru. Naq teeye “yaal”, yaalaq; ut naq teeye “ink'a'”, ink'a'aq,#5,12 Eklo 23,9; Mt 5,34-36. re naq ink'a' taachalq raqb'a aatin sa' eeb'een.

13Wi wank junaq ra wank sa' eeyanq, chitijoq. Wi wank junaq sa sa' xch'ool, chib'ichanq rik'in saalm. 14Wi wank junaq yaj sa' eeyanq, chixb'oqaqeb' chaq li neke'jolomink re li Iklees, ut eb' a'an te'tijoq sa' xb'een, te'xyul rik'in aseeyt sa' xk'ab'a' li Qaawa'.#5,14 A'an a'in li xyulb'aleb' li yaj. 15Ut wi te'tijoq chi anchaleb' xpaab'aal, taakole'q li yaj; li Qaawa' taawaklesinq re. Ut wi wank xmaak, taakuymanq taasachmanq ajwi' li xmaak. 16Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq.

Li xtij li tiik xch'ool q'axal na'ab'iik, wi na'uxmank chi anchalil ch'oolej. 17Laj Elías#5,17 1 R 17,1-7; 18,1.42-45. a'an chaq qech winqilal; kitijok chi yo'oon re naq ink'a' tixk'e li hab', ut ink'a' kixk'e li hab' sa' xb'een li ruuchich'och' chiru oxib' chihab' rik'in waqib' po. 18Chirix chik a'an kitijok wi' chik, ut kikub'e chaq li hab' sa' choxa ut kiwank wi' chik rawimq li ch'och'.

19Ex was wiitz'in, wi junaq sa' eeyanq taarisi rib' sa' li yaal ut taasutq'isiiq wi' chik sa' li xpaab'aal xb'aan junaq ras riitz'in, 20chenawaq a'in: li xsutq'isink chaq re junaq aj maak li yo chi sachk, tixkol a'an chiru li kamk, ut k'ajo' xk'ihal li maak tixtz'ap ru!#5,20 Pr 10,12; 1 P 4,8.

Currently Selected:

Stg 5: QQC

Highlight

Copy