2 S 9

Laj David kirusila li ralal laj Jonatán

1Sa' jun kutan laj David kixpatz': “Ma toj yo'yo junaq ralal xk'ajol laj Saúl? Twaj rusilankil ru sa' xk'ab'a' laj Jonatán”,#9,1 1 S 20,15-17. chan. 2Toja' naq ke'xb'oq jun xmoos li xjunkab'al laj Saúl, aj Sibá xk'ab'a'. Ut naq a'an kiwulak chiru laj David, li awab'ej kixye re: “Ma laa'at laj Sibá?”. Kichaq'ok a'an ut kixye: “Laa'inin, at awab'ej”.

3Toja' naq li awab'ej kixye: “Ma toj yo'yo junaq ralal xk'ajol laj Saúl? Twaj ruxtaanankil ru chi yo'oon”. Kichaq'ok laj Sibá: “Toj yo'yo jun ralal laj Jonatán, sik roq”,#9,3 2 S 4,4. chan. 4“B'ar wank?”, chan li awab'ej. Kisumeek: “Wank aran Lodebar, sa' rochoch laj Makir, ralal laj Amiel”.

5Toja' naq li awab'ej David kixtaqla xk'amb'al chaq Lodebar, sa' rochoch laj Makir, ralal laj Amiel. 6Ut naq laj Mefibahal, ralal laj Jonatán, ri xmam laj Saúl, kiwulak wan wi' laj David, kiwiq'laak ut kixhupub' rib'. “A Mefibahal”, chu'uxk re. “We'kin, at awab'ej”, chan laj Mefibahal.

7Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

8Ab'an laj Mefibahal kixb'uchub' wi' chik rib' ut kixye: “K'aruhin laa'in re naq taak'e reetal li xtoq'ob'aal wu? Laa'in chanchanin junaq kamenaq tz'i'!”, chan.

9Toja' naq li awab'ej kixb'oq laj Sibá, xmoos laj Saúl, ut kixye re: “Chixjunil li k'aru re laj Saúl ut re li xjunkab'al, tink'e re li ri laj eechal aawe. 10Jo'kan naq chalen anaqwan laa'at, eb' laawalal aak'ajol ut eb' laamoos teek'anjela li ch'och' cho'q re laj Mefibahal; ut chixjunil li ru rawimq li ch'och' laa'at tento taak'uula re naq wanq xtzekemq li xjunkab'al laj eechal aawe. Ab'an laj Mefibahal li ri xmam twaj taawa'aq sa' linmeex chi junelik”.

Kichaq'ok laj Sibá li wank o'laju ralal ut junmay xmoos, 11ut kixye re li awab'ej: “Jo'ch'inal jo'nimal li xaye re laj k'anjel a'in chawu, taa'uxmanq, at awab'ej”, chan.

Ut laj Mefibahal junelik natzekank sa' xmeex laj David, jo' junaq reheb' li ralal li awab'ej. 12Laj Mefibahal wank jun ralal toj kach'in, aj Miká xk'ab'a', ut chixjunileb' li wankeb' sa' rochoch laj Sibá, a'aneb' xmoos laj Mefibahal. 13Laj Mefibahal nawank Jerusalén xb'aan naq sik xkab'ichaleb' li roq ut junelik nawa'ak sa' xmeex li awab'ej.

Currently Selected:

2 S 9: QQC

Highlight

Copy