Apocalipsis 7

Re israelitas re xe'ban sellar nic'aj-quivach

1Y c'are' tak xe'ntz'at je caje' ángeles.#Sal 34.7; He 1.14. Y cada jun ángel pa'al pa ru-esquina re ruch'ulef, y can che caje' esquina chin re ruch'ulef jec'o ja'jun ángel, quik'aton re caje' rach cak'ik',#Ex 15.10; Sal 147.18; Is 27.8; Dn 7.2; Jon 1.4. chin che man que'bapon pa rue' re ruch'ulef, pa rue' re mar y chuka' pa quive' re che'. 2Y chuka' xintz'at che c'o jun ángel re pitinak quire' pan oriente, ruc'amom-pa re sello chin re c'aslic Dios. Y re ángel re' jun pa ruchi' xch'o-apo chique re je caje' ángeles, re can yi'om-pa poder chique chin che ne'quibana' ch'a'oj pa rue' re ruch'ulef y chuka' pa rue' re mar. 3Y xubij re jun ángel re' chique re je caje' chic ángeles: Ma-na tiban ch'a'oj#Ap 6.6; 9.4. pa rue' re ruch'ulef, pa rue' re mar y chique chuka' re che', roma c'amaje-na que'kaban sellar#Ez 9.4; Ap 13.16; 14.1; 22.4. nic'aj-quivach re rusamajela' re Dios.

4C'are' yen Juan xinc'axaj#Ap 9.16. che je ciento cuarenta y cuatro mil#Ap 14.1. israelitas re xe'ban sellar. Jare' re vinak re je'pitinak chiquicojol re je doce grupo israelitas. 5Je doce mil chique re je rey-rumam can re Judá. Je doce mil chique re je rey-rumam can re Rubén. Je doce mil chique re je rey-rumam can re Gad. 6Je doce mil chique re je rey-rumam can re Aser. Je doce mil chique re je rey-rumam can re Neftalí. Je doce mil chique re je rey-rumam can re Manasés. 7Je doce mil chique re je rey-rumam can re Simeón. Je doce mil chique re je rey-rumam can re Leví. Je doce mil chique re je rey-rumam can re Isacar. 8Je doce mil chique re je rey-rumam can re Zabulón. Je doce mil chique re je rey-rumam can re José y je doce mil chique re je rey-rumam can re Benjamín. Y ja conojel re' re xe'ban sellar nic'aj-quivach.

Re vinak re je'quicusalon sak tak tziak ja re je'colotajnak chic-pa chupan re namalaj tijoj-pokonal

9Y c'are' yen xintz'at che camas je q'uiy vinak re man junan-ta naciones que'po-va, chuka' man junan-ta qui-raza, man junan-ta quitenemit y man junan-ta quich'abal. Conojel re vinak re' jec'o-apo chach re Jun tz'uyul chach re lok'olaj ch'acat y chuka' chach re Jesucristo re ancha'l oveja. Y re vinak re' can man jun nitiquir nijelan quichin, roma camas je q'uiy.#Ap 5.9. Y je'quicusalon sak tak tziak,#Ap 3.5. y chuka' je'quic'ualon ruxak tak palma pa quik'a'. 10Y conojel jun pa quichi' niquibij:

Yoj re xojcolotaj#Sal 3.8; Is 43.11; Jer 3.23; Os 13.4. chach re kamac,

ja re Dios re tz'uyul#Ap 5.13. chach re lok'olaj ch'acat re xbano chaka,

y chuka' re Jesucristo re ancha'l oveja, ye'cha'.

11Y conojel re ángeles je'pa'al quisutin rij re lugar re anche' tz'uyul-va re Dios, y chuka' quisutin quij re rejeta'k tak achi'a' y re je caje' re camas q'uiy quinak'avach c'o.#Ap 4.6. Y chin che niquiya' ruk'ij re Dios, re nic'aj-quivach xquikasaj-ka c'a pan ulef. 12Y tak quibin chic amén, c'are' xquibij:

Can otz che nibixax rube' re Dios.

Y can ruc'amon che nibex cha che camas nem.

Reja' c'o runa'oj y ja chuka' cha reja' re otz che nitioxix.

Reja' c'o ruk'ij, c'o ru-poder chin nojel tiempo,#Ap 5.13. ronojel nitiquir nuban.

Amén, ye'cha'.

13Y c'are' jun chique re rejeta'k tak achi'a' xuc'utuj chua yen Juan: ¿Ataman rat anchique che vinak la je'quicusalon sak tak tziak? ¿Y anche' que'po-va? xcha' chua.

14Y yen ximbij cha: Ja rat re yat-atamayon anchique che vinak la', xincha' cha.

Y reja' xubij chua: Jare' re je'elinak chic-pa chupan re namalaj tijoj-pokonal,#Hch 14.22. y quich'ojersan y quisekresan-qui'#Is 1.18; Zac 3.3-5; He 9.14; Ap 1.5. chupan re ruq'uiq'uel re Jesucristo#1 Jn 1.7. re ancha'l oveja. 15Y mare' can jec'o-apo riq'uin re Dios, y can ja pa rachoch re Dios jec'o-va, y che pak'ij che chak'a' niquiban rusamaj. Y re Dios tz'uyul chach re lok'olaj ch'acat je'ruchajin,#Is 4.5, 6. roma quiq'uin c'o-va. 16Re vinak re' man chic xtich'umun-ta quipan, y man chic xtichake'j-ta quichi'. Man chic xque'c'at-ta chach re rach k'ij y chuka' ni xe-ta chic xtiquina' c'atan.#Sal 121.6; Is 49.10. 17Roma can ja re Jesucristo re ancha'l oveja, re c'o-apo chunakaj re anche' tz'uyul-va re Dios, ja reja' re nichajin quichin. Y can ye'ruchajij#Sal 23.1. ancha'l ye'chajex re ovejas, y chuka' can ye'ruc'uaj chin nuya' quiya' re pa tak alaxbal tak ya' chin c'aslen. Y re Dios can xtuban chuka' chique che manak chic ok'ej y bis xtiquik'asaj.#Is 25.8.

Currently Selected:

Apocalipsis 7: cakY

Highlight

Copy