Apocalipsis 8

Tak re Jesucristo xulisaj re ruvuk sello chin re vuj baton ruchi'

1Y jac'a tak re Jesucristo re ancha'l oveja xulisaj re ruvuk sello chin re vuj baton ruchi',#Ap 5.1. re chila' chicaj c'o la'k nic'aj hora re man jun xk'ajan. 2Y c'are' xe'ntz'at re je vuku' ángeles re je'pa'al-apo chach re Dios. Y chique re je vuku' ángeles re' xya' ja'jun trompeta.#Lv 25.9, 10. 3Y jare' tak xintz'at che pitinak chic jun ángel#Hch 7.30. y ruc'amom-pa jun c'ojlebal re banon cha k'anapuak chin niya' pom chupan, y choj xbepa'e' chach-apo re altar.#Ex 30.1. Y q'uiy pom xya-pa cha, chin che nuparoj pa rue' re altar re banon cha k'anapuak, re c'o-apo chach re anche' tz'uyul-va re Dios. Re pom jubul-oc ruxla' y re qui-oraciones re je rajc'ual chic re Dios, can junan c'a ya'pon-a c'a chach re Dios. 4Y re rusibil re pom y re qui-oraciones re je rajc'ual chic re Dios, can nik'alajin che pa ruk'a' re ángel ye'el-va-a#Sal 141.2. y yapon-a c'a chach re Dios. 5Y jare' tak re ángel xbo'rc'ama' chic-pa re c'ojlebal chin re pom y xbo'rya-pa rachak-k'ak' chupan, y ja re rachak-k'ak' re c'o pa rue' re altar re xuch'akij-pa pa rue' re ruch'ulef. Y jare' tak xe'pa tempestades,#Sal 18.13; Is 30.30; He 12.18, 19. ruidos, relámpagos y chuka' xuban jun sananel.#2 S 22.7-9; 1 R 19.11; Hch 4.31; Ap 11.19; 16.18.

Tak re ángeles xquixipuj re trompetas

6Y re je vuku' ángeles re je'ac'ayon trompetas, can jare' xquiban quibanic chin ye'quixipuj re qui-trompetas.

7Y tak re nabey#Ap 16.2. ángel xuxipuj re ru-trompeta, can jare' tak xka sakboch y k'ak' xalon riq'uin quic' pa rue' re ruch'ulef.#Ez 38.22. Y xuq'uis jun tercera parte chique re che'#Is 2.13. re jec'o chach re ruch'ulef, y quire' chuka' xuban riq'uin re k'ayis,#Ap 9.4. can xe'q'uis roma re k'ak'.

8Jac'a tak re ruca'n ángel xuxipuj re ru-trompeta, can xintz'at jun k'ak' ancha'l tak ntajin ruc'atic jun moma' c'achelaj, y xch'akex pa mar. Y mare' jun tercera parte cha re mar xoc quic'.#Ez 14.19. 9Y roma jun tercera parte cha re mar xoc quic', mare' xe'com jun tercera parte chique re chicop re c'o quic'aslen re jec'o chire' chupan re mar, y chuka' can xe'q'uis jun tercera parte chique re barcos re je'binak chupan re mar.

10Y tak re rox ángel xuxipuj re ru-trompeta, xintz'at che jun moma' ch'umil can nibero pa k'ak' xbetzak-pa chila' chicaj.#Ap 9.1. Y re ch'umil re' can xka pa quive' jun tercera parte chique re rakan tak ya' y re alaxbal tak ya'#Ap 16.4. re jec'o chach re ruch'ulef. 11Re ch'umil re' rubini'an Ajenjo, y re lugar re anche' xka-va camas c'ay#Ex 15.23; Jer 9.15; 23.15. xuban chique re ya'. Y mare' je q'uiy vinak xe'com.

12Y re rucaj ángel xuxipuj re ru-trompeta, can jare' tak jun tercera parte cha re k'ij, jun tercera parte cha re ic' y jun tercera parte chuka' chique re ch'umil, xk'ukumataj quivach. Man chic xe'sekresan-ta jabal.#Is 13.10; Am 8.9. Y mare' jun tercera parte cha re k'ij y jun tercera parte cha re ak'a' re man xe'tzu'un-ta re k'ij, re ic' y re ch'umil, roma can xk'ukumataj quivach, can ancha'l tak nuban jun eclipse.

13Y jare' chuka' tak xintz'at che jun ángel binak pa runic'ajal re rocaj, y jun pa ruchi' nubij: Camas c'ayef#Ap 9.12; 11.14. xtiquic'alvachij re vinak re jec'o chach re ruch'ulef tak xque'k'ajam-pa re oxe' chic trompetas re xtiquixipuj re je oxe' chic ángeles.

Currently Selected:

Apocalipsis 8: cakY

Highlight

Copy