Luc 3
3
Juan Bautista iwo p'ante lhämeta tä ihi ts'anis
(Mat 3.1-12; Mar 1.1-8; Juan 1.19-28)
1Tä nech'e quince nekchämes p'ante tä hin'o tä lhey Tiberio häpe niyat Romano, wet häp Poncio Pilato häpe p'ante gobernador tä ihi Judea, wet Herodes#3.1 Herodes Antipas, häp Herodes tä Lhamya lhäs. häpe p'ante gobernador tä ihi Galilea, wet häp lechila Felipe häpe gobernador tä ihi Iturea lhäy'e Traconite, wet Lisanias häpe gobernador tä ihi Abilene, 2wet häp Anás lhäy'e Caifás häpehen Sacerdotes tä Lhamenya.
Wet lewhäytso häp p'ante tä Dios tahuyej Juan tä häpe Zacarías lhäs tä ihi honhat tä ts'anis, 3wet lham inukwe wichi lew'etes tä iwhäye tewok tä Jordán, wet iwo siläta wichi tä yok:
–Woyay ahusey iyhäja wet abautisaynhen, häpkhilek Dios itäyhat amejen hach'isukyajay.
4Täjtso yäm matche häp profeta Isaías lhämet p'ante ihi Lehi tä yok:
“N'opak t'än tä tumho ts'anis tä yok,
Waklhatache Lhawuk len'äyij,
owajache wet isyenay alhoho.
5Õ'pothihomchela tä pitosomche
wet õy'ayhthichelahchä chenhas
tä atoschephä yämthilek w'awulhchä.
Õ'tshupyenhichelahchä n'äyhäy tä tachofwenhomche,
wet õyelelhichehena n'äyhäy tä takotsochephä,
6wet nilhokej wichi tä i'pe honhat
hiw'enla n'ofwayhyaj tä Dios ichen alhoho.”#Isa 40.3-5
7Tä wichi ihoye Juan yämthilek ibautisaynhen, lham tahuyej tä yok:
–¡A'amlhäs t'at! ¿Atsi tä ichufwen amejen tä ne'tek lelethanlä Dios lewäk tä tay alhoho? 8Woyaye achumyajay tä t'uhawetej tä lewoyay ahusey iyhäja, wet yej ti amhiche ämtes tä lhoyaykwe, “Olhamel oisej tä ohäpehen Abraham leles tä lepes lheley.”#Juan 8.33 Lhek yahinya tuntey l'itsi, Dios ihanej iwoyneje che yen häpeya Abraham leles. 9Pajche wak'alh t'at hosan tä õyistejen letetsel hal'äy, wet elhpej hal'ä tä ni'isa lhay tä iwoye, häpkhilek õyisthila wet õ'thatho itäj.
10Tä wichi iläte tähestso, wet tay'ätshane lham wet yok:
–¿Atsi m'ak che olhamel owoye?
11Juan nichulho wet yok:
–Elh che häpe che hiw'en lakay'uchelis täkwfwas, is che hiw'enho tefwajni häp elh tä laj lew'uya. Wet elh che lhäk ihi is che tisi häp elh tä niw'ena lhäk.
12Häte iche iyhäj hin'ol tä lechumet impuestos tä niyatey Romano lhayis t'alhpe. Lhamel t'uhläk Juan ibautisaynhen, wet ihoye wet tay'ätshane tä yok:
–Maestro, ¿atsi m'ak che olhamel owoye?
13Juan nichulho lhamel wet yok:
–Yej fwayhetpe laha m'ak tä let'alhe'pe wichi.
14Häte iche iyhäj sip'äl tä tay'ätshane wet yok:
–Wet olhamel, ¿atsi m'ak che owoye?
Juan nichulho lhamel wet yok:
–Yej soyej elh che häpe m'ak tä lewuk, yej wo asufwkanyaja, wet yej t'ayhtejen akaha.
15Wet tä wichi wuj tä leniwhayaj ihihlä n'ofwayhyaj tä toyhlä, wet häp tä lhamel tay'ätshan lhamehen tä yok:
–Etp'i hin'ona häpe t'at häp N'ofwayhthi tä Dios Chenek.
16Mat Juan tahuyej nilhokej lhamel wet yok:
–Olham obautisayen amejen inät, mat nek t'at häp elh tä ibautisaynhila amejen Espíritu tä Dios T'amajchet lhäy'e itäj. Lham lakhajyhayaj inu'pe olham okhajyhayaj, wet matche tä n'am t'uhawetej che olanhi lenisäj t'ak. 17Lham ichäj alhoho lesapkanthi, häpkhilek hiw'enhat trigo wet hiw'enhat hup tä lhahi. Itihihila lew'et tä is häp trigo, mat hup tä lhahi ithathihola itäj tä tek ihanej che y'om.
18Häp tä mälhyej p'antetso tä Juan iwopej silätayej wichi häp Dios lhämtes wet wuj tä inityenejen lhamel. 19Wet äp ifwoneje niyat Herodes tä yen ch'efwaya letiche, häp lech'inij ch'efwa tä lhey Herodías, lhäy'e nilhokej m'ak tä ni'isachehen tä iwoye. 20Tä mälhyejtso, elh m'ak tä ni'isa tä Herodes iwoye tä ne'tek õ'thatho n'op'onthi häp Juan.#Mar 6.17-18
Juan ibautisayen Jesús
(Mat 3.13-17; Mar 1.9-11)
21Mat tä kamaj Herodes nithataho n'op'onthi häp Juan, lham tujlhache tä ibautisaynhen wichi, wet ibautisayen Jesús. Wet tä Jesús iwo t'alhyaja, pule lhaich'enhi 22wet Espíritu tä Dios T'amajchet inuhchä tä hätet iwoye hokwinaj wet iho'pe häp lham. Wet iche n'opak tä tum puleye tä yok:
–Ahäpe Olhäs tä ohumnek, wuj tä okäjlhi amej.#Sal 2.7; Isa 42.1; Luc 9.35
Jesús letetsel
(Mat 1.1-17)
23Jesús hiw'en treinta nekchämes tä iwo tesa lechumet. Mälhyej tä wichi yäme tä José lhäspa,
wet José lajcha p'ante Elí,
24wet Elí lajcha p'ante Matat,
wet Matat lajcha p'ante Leví,
wet Leví lajcha p'ante Melqui,
wet Melqui lajcha p'ante Janay,
wet Janay lajcha p'ante José,
25wet José lajcha p'ante Matatías,
wet Matatías lajcha p'ante Amós,
wet Amós lajcha p'ante Nahúm,
wet Nahúm lajcha p'ante Eslí,
wet Eslí lajcha p'ante Nagay,
26wet Nagay lajcha p'ante Mahat,
wet Mahat lajcha p'ante Matatías,
wet Matatías lajcha p'ante Semei,
wet Semei lajcha p'ante Josec,
wet Josec lajcha p'ante Joyada,
27wet Joyada lajcha p'ante Johanán,
wet Johanán lajcha p'ante Resa,
wet Resa lajcha p'ante Zorobabel,
wet Zorobabel lajcha p'ante Salatiel,
wet Salatiel lajcha p'ante Neri,
28wet Neri lajcha p'ante Melqui,
wet Melqui lajcha p'ante Adi,
wet Adi lajcha p'ante Cosam.
wet Cosam lajcha p'ante Elmadam,
wet Elmadam lajcha p'ante Er,
29wet Er lajcha p'ante Josué,
wet Josué lajcha p'ante Eliezer,
wet Eliezer lajcha p'ante Jorim,
wet Jorim lajcha p'ante Matat,
30wet Matat lajcha p'ante Leví,
wet Leví lajcha p'ante Simeón,
wet Simeón lajcha p'ante Judá,
wet Judá lajcha p'ante José,
wet José lajcha p'ante Jonam,
wet Jonam lajcha p'ante Eliaquim,
31wet Eliaquim lajcha p'ante Melea,
wet Melea lajcha p'ante Mena,
wet Mena lajcha p'ante Matata,
wet Matata lajcha p'ante Natán,
32wet Natán lajcha p'ante David,
wet David lajcha p'ante Isaí,
wet Isaí lajcha p'ante Obed,
wet Obed lajcha p'ante Booz,
wet Booz lajcha p'ante Sélah,
wet Sélah lajcha p'ante Nahasón,
33wet Nahasón lajcha p'ante Aminadab,
wet Aminadab lajcha p'ante Admín,
wet Admín lajcha p'ante Arni,
wet Arni lajcha p'ante Hesrón,
wet Hesrón lajcha p'ante Fares,
wet Fares lajcha p'ante Judá,
34wet Judá lajcha p'ante Jacob,
wet Jacob lajcha p'ante Isaac,
wet Isaac lajcha p'ante Abraham,
wet Abraham lajcha p'ante Taré,
wet Taré lajcha p'ante Nacor,
35wet Nacor lajcha p'ante Serug,
wet Serug lajcha p'ante Ragau,
wet Ragau lajcha p'ante Peleg,
wet Peleg lajcha p'ante Heber,
wet Heber lajcha p'ante Sélah,
36wet Sélah lajcha p'ante Cainán,
wet Cainán lajcha p'ante Arfaxad,
wet Arfaxad lajcha p'ante Sem,
wet Sem lajcha p'ante Noé,
wet Noé lajcha p'ante Lamec,
37wet Lamec lajcha p'ante Matusalén,
wet Matusalén lajcha p'ante Enoc,
wet Enoc lajcha p'ante Jared,
wet Jared lajcha p'ante Mahalalel,
wet Mahalalel lajcha p'ante Cainán,
38wet Cainán lajcha p'ante Enós,
wet Enós lajcha p'ante Set,
wet Set lajcha p'ante Adán,
wet Adán lajcha p'ante häpe t'at Dios.
Currently Selected:
Luc 3: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
