Ef 6

Häpet nä'tshas

1Nä'tshas, tä ahäpehen iyhäj tä hip'akej Lhawuk, oyok, Woyayepej m'ak tä ajchalis lhäy'e akolis ne'tepej che lewoyaye, häp tä is alhoho täja.#Col 3.20-21 2Tsi Dios lhämet tä ichun tä lakäpfwayaj tä is ihi, häp täja tä yok, “Humin ajcha lhäy'e ako, 3häpkhilek ais alhoho wet pitaj ifwalas tä lhehi honhat.”#Éx 20.12; Deut 5.16

Häpet lajchalis

4Häp amel tä hin'ol tä ales ihi, isit'ak letamenej lhamel che lewäk ihi. Mat chufwenejen Lhawuk len'äyij, ch'otepej wet isyen alhoho m'ak tä iwoye.

Häpet n'okawos

5Häp amel tä ahäpehen n'okawos, woyayepej m'ak tä awuhuy tä ihonhatena ne'tepej che lewoyaye. En hin'oya wet tiyej anowayhyaj lhäy'e ahusey tä isen, mälhyej che letach'otaye Cristo. 6Mat oyok, tajlhamhiyet'a tä lhamel aitetshan, wet häp tä tamenej tä letach'ahuye yämlek lekänitlhi. Mat tä ahäpehen Cristo lakawos, mälhtejwek ahusey tä lewoye Dios lenech'ethayaj. 7A'amkatej achumet tä lhenlhi, mälhyej che Lhawuk t'at tä letachumhoplhi, häpkhit'a hin'ol. 8Tsi lehanayej tä elh weihalhapej, tej che n'okawo wok kahäpeya, mat häp lechumet tä is tä iwoye, ikathiyeja laha tä tälhe Lhawuk.

Häpet n'owuhuy

9Häp amel tä ahäpehen lewuhuy, häte woyeje t'at mälhyej tä oyämetso häp akawos, wet yej tseläjwethä. Yej p'ethatlä tä amel lhäy'e lhamel Awukay ipuleye, wet tek itetshanej m'ak tä häpe elh che häpe.#Col 3.22—4.1; Deut 10.17

N'oka'tshayajchal tä tälhe Dios

10Wet athana a'enay khajnhasayej Lhawuk, häp tä isej lakhajyhayaj tä wuj. 11W'uyhi imälhewek aka'tshayajchal tä Dios hiw'en amhohen,#Rom 13.12-14; 1~Tes 5.8 häpkhilek letumlä ahättaj t'akanyajay. 12Tsi tek y'awo lhaka'tshayajayej wichi tä t'isan n'äl, mat y'attayhlä n'okhajyhayajay tä nin'äla tä iche tä kaphä, häp lhamel tä ni'isahen tä len'ohyaj ihi wet leniyatyaj häpe t'at tä honatsi i'pe wichi lehusey. 13Häp tä tamenej tä oyok, Chumaye nilhokej aka'tshayajchal tä Dios hiw'en amhohen wet w'uyhi, häpkhilek che näm ifwala tä ni'isa, mat letumlä. Wet che lehämet aka'tshayajna, kamaj at'unhiche t'at.

14Oyachajo tä oyok, At'unthiche, en akawaka m'ak tä matche wet en hat'okwep'ota m'ak tä is alhoho. 15Äsi anisähes tä alewaklhathen yämlek lhen asilätyaja Dios lhämet tä häpe n'otamsek. 16M'ak tä inu'pe, tumtejlä achayaj häp ahättaj ch'ähal tä lak'ehen, häpkhilek che taj, y'om t'at. 17En akawon'aya afwayhyaj häpkhilek t'amajej etek, wet en afwajnhata Dios lhämet, tä Espíritu tä T'amajchet hiw'en amhohen.#Heb 4.12

18Yej leyayej tä lewoyaypej alhyaja,#Col 4.2-4 ap'altsene Dios wet alhe fwalapej honatsipej, häp tä aisej Espíritu tä T'amajchet tä tach'ot amehen. Akhajyenay, yej alek'efwyenchä tä lewopej alhyaja'pe nilhokej Dios leles. 19Häte alhyenaypej n'oye Dios, häpkhilek hiw'en n'oho olhämtes tä t'uhläk oyäme, wet otkhajay che oyen lhämeta wet ohanej owoyneje che otäfwnhatej wichi m'ak tä pajche nin'äla tä häpe Dios Silätyaj tä Is. 20Dios ichenn'o yämlek oyenpej lhämeta Lesilätyajna, wet häp tä tamen n'oyej tä õhp'o n'ohi athana. Alhyenay n'oye Dios häpkhilek newache onowayhyaj che häpe tä oyen lhämeta Lesilätyajna, mälhyej tä t'uhawet n'oyej.

Pablo len'okhayaj tä lepes

21Häp lhapuhfwa Tíquico tä wuj tä y'ahumin wet nileyayej tä tach'ote Lhawuk lechumet, lham ifwenla amhohen nilhokej m'ak tä in'oyej lhäy'e m'ak tä owoye. 22Häp tä tamenej tä ochen amehen, häpkhilek ifwel amhohen wet lehanej olhamel wet häte aikhajyenhen.#Col 4.7-8

23Is che Dios Lhajcha lhäy'e Lhawuk Jesucristo hiw'enhomche lhapuhfwas letamsek, lhäy'e lehumnhayaj, lhäy'e lechayaj, 24wet hip'altsenhen nilhokej lhamel tä itiyej lehumnhayaj tä nittäya häp Lhawuk Jesucristo.

Currently Selected:

Ef 6: WCHB

Highlight

Copy