Jakari 3
3
Némḭdi gə́ njekɔm’g sɔ gə́ wɔji dɔ Jujee, ŋgɔ-njekinjanéməs lé
1Yeḛ am m’oo Jujee ŋgɔ-njekinjanéməs gə́ aar tar no̰ kura’g lə Njesigənea̰ ndá Njekurai aar dɔ jikɔlee’g gə mba kila ta dəa’g . 2Njesigənea̰ ula Njekurai pana: Njekurai, maji kar Njesigənea̰ ila ta dɔi’g. Maji kar Njesigənea̰ yeḛ gə́ njekɔr Jerusalem kundá gə kəmee lé ila ta dɔi’g ya. See dəw neelé to asəna gə dɔdum kag gə́ d’ɔree ta pər’g el wa .
3Nɛ Jujee lé ula kubu gə́ mina̰ rəa’g ɓa aar ne no̰ kura gə́ dara’g. 4Kura gə́ dara un ta ula deḛ gə́ d’aar nea̰’g lé pana: Tɔrje kubuje ləa gə́ mina̰ rəa’g. Tɔɓəi yeḛ ulá pana: Aa oo, ma m’ɔr néra kori-korije ləi rɔi’g ndá ma kula kubu ra naḭ ɓa rɔi’g.
5Tɔɓəi ma m’pana: Maji kar dee d’ula jɔg gə́ àr ŋgad-ŋgad dəa’g. Bèe ɓa deḛ d’ula jɔg gə́ àr ŋgad-ŋgad lé ya dəa’g ləm, d’ula kubuje rəa’g ləm tɔ. Kura lə Njesigənea̰ aar lée’g neelé. 6Kura lə Njesigənea̰ pata neelé gə ndia njaŋg ar Jujee pana: 7Njesigənea̰ gə́ njeboo-néje pa togə́bè pana:
Ɓó lé i njaa gə goo rəwje lə neḛ ləm,
Ɓó lé i aa dɔ tornduje lə neḛ ləm tɔ ndá
I a to njegaŋ-rəwta mee kəi’g lə neḛ ləm,
I a kaa dɔ gad ndògo lə neḛ ləma,
N’a kari askəm kandə mbuna dee-deḛ gə́ d’isi nee lé ləm tɔ.
8Bèe ndá i Jujee ŋgɔ-njekinjanéməs,
Maji kari oo ta,
I seḭ gə njéboalookawje ləi gə́ d’isi nɔḭ’g
Mbata dəwje neelé d’a to gə́ nétɔji,
Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ .
9Mbata aa oo, n’unda kɔr mbal lé no̰ Jujee’g,
Kɔr mbal gə́ kára neelé kəmeeje siri to keneŋ,
Aa oo, neḛ nja n’a tḭja né gə́ kəm tḭja keneŋ,
Njesigənea̰ gə́ njeboo-néje ɓa pa bèe.
Tɔɓəi n’a tɔr ta néra gə́ kori-kori dɔ ɓee’g neelé
Mee ndɔ gə́ kára ba ya.
10Njesigənea̰ gə́ njeboo-néje ɓa pa togə́bè pana:
Mee ndəa’g neelé seḭ a ɓarje na̰ gel kag nduu’g ləm gə gel kag kɔdə’g ləm tɔ .
Currently Selected:
Jakari 3: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
