Pa gə́ ur dɔ paje 8
8
1Ǝi, ɓó lé i to ŋgokɔm gə́ diŋgam
Gə́ j’il mbà ko̰ síjeḛ na̰’d ndá
Loo gə́ m’iŋgai raga ndá m’a kil ɓɔli
Ɓó dəw a ndɔlm gə mbəa el.
2M’a kɔri kaw səi mee kəi’g lə kɔmje,
I a ndoom né gə́ kəm ra
Ndá m’a kari ai mán-nduú gə́ ə̰də sululu ləm
Gə mán kandə dḭ ləm ləm tɔ.
3Maji kar jigelee gəd dɔm ləm,
Ar jikɔlee wam sém ləm tɔ!
4Ŋgama̰dje gə́ Jerusalem,
Ma m’ra ndòo rɔ sí’g
Ndeleeje dɔ ɓi’g el.
Ɓad ɓa kar yeḛ gə́
M’undá dan kəm’g ndel dɔ ɓi’g ɓəi lé
Maji kar sí ndeleeje kédé el,
(Ŋgama̰dje)
5See na̰ ɓa ḭ dɔdilaloo’g aw gə́ nee
Gə́ gəd rəa rɔ dəw gə́ yeḛ undá dan kəmee’g lé wa.
Siŋgamoŋ ndigi na̰
(Ŋgoma̰də)
Ma m’ndelii gel kag-pɔmə’g,
Loo gə́ nee’g kɔinje taa kèm ləi keneŋ ləm
Loo gə́ neelé yeḛ ojii keneŋ ləm tɔ
6Maji kari wam kaari’g sud
To gə́ nétorji bèe,
To gə́ nétorji gə́ to kag jii’g,
Mbata ndigi na̰ lé
Siŋga yaa̰ to gə́ ka̰ yoo bèe ləm,
Ra nḭ-na̰ lé kədərə
To gə́ loo-si njé gə́ d’wəi bèe ləm tɔ.
Ra mal-na̰ gə́ ra dee lé
O̰ meḛ dee lèm-lèm to gə́ pər
To gə́ ndo̰ pər lə Njesigənea̰ bèe.
7Man bélmje d’askəm tɔl pər ndigi-na̰ el ləm,
Man baaje kara askəm turu dəa el ləm tɔ.
Lée dəw odo némajije gə́ mee kəi’g ləa lai mba ndogo ne ndigi-na̰ kara
D’a kḛjee gə́ kḛji ya bəḭ-bəḭ.
(Ŋgako̰ ŋgoma̰dje)
8Konan sí gə́ ndɔḭ gə́ uba mbà el ɓəi sí gən,
See ɗi ɓa j’a ra ndɔ gə́ d’a ree dəji taree lé wa.
9Ɓó lé yeḛ to gə́ ndògo-bɔrɔ ndá
J’a tula ndo̰ niŋga larndaje dɔ’g,
Ɓó lé yeḛ to tarəwkəi ndá
J’a kila kunda kag-sɛdrə kudu ne.
(Ŋgoma̰də)
10Ma m’to ndògo-bɔrɔ,
Mbàmje to d’asəna gə kəije gə́ duu dɔ loo bèe,
Yee ɓa m’taa ne kəmee
Asəna gə dəw gə́ iŋga meelɔm bèe.
(Basa)
11Ndɔ-nduú lə Salomo̰ kára to Baal-Hamo̰,
Yeḛ ya̰ ndɔ-nduú lé ar njéŋgəmeeje,
Nana kara a ree gə lar ka̰dee
As ŋgan larnda tɔl-dɔg-dɔg (10.000).
12Ndɔ-nduú gə́ to kama lé
M’aa dəa kər-kər
Larnda gə́ as tɔl-dɔg (10.000) lé
To kaḭ-i Salomo̰ ya.
Nɛ yeḛ gə́ tɔl-joo (200) gə́ keneŋ lé
To ka̰ njéŋgəm ka̰deeje tɔ.
13I gə́ si loo-ma̰a-kagje’g lé
Kuramarmje d’ur mbi dee mba koo ne ndui.
Maji kam m’oo ndui ya kari!
14I gə́ m’undai dan kəm’g lé
Maji kari aḭ, aḭ to gə́ ndooi əsé ŋgon arkas bèe
Gə́ dɔ mbalje’d gə́ néje gə́ ə̰də sululu to keneŋ ya.
Currently Selected:
Pa gə́ ur dɔ paje 8: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
