Pa gə́ ur dɔ paje 7
7
(Denéje gə ŋgama̰dje)
1Tel ree, tel ree
Ŋgoma̰də gə́ Sunem,
Gə́ tel ree ar sí j’ooje kəmi!
See ban ɓa seḭ aaje loo ooje ŋgoma̰də gə́ Sunem
To gə́ kudu njéndamje gə́ joo bèe wa.
(Basa)
2I ŋgolə dəw gə́ boo lé
Gɔlije maji péd-péd mee négɔlje’g ləi ya!
Reŋgi asəna ŋgal-ŋgal to gə́ mər
Gə́ ji njegər goso néje ɓa ra bèe.
3Məəi to asəna gə bai gə́ mée o̰ ŋgal-ŋgal
Gə́ mán-nduú gə́ ə̰də lel lal mée el,
Rɔi to asəna gə jḭgà-kó gə́ d’ɔs dɔ na̰’d
Gə́ pudu ndujaje gugu dəa sub bèe.
4Mbàije joo bɔr
D’asəna gə ŋgan da-kalje gə́ joo ləm,
D’asəna gə arkasje gə́ to nduŋgaje bèe ləm tɔ.
5Gwɔbi ŋgal ɗéréŋ asəna gə kəi
Gə́ duu dɔ loo gə́ ra gə ŋgaŋ kər ləm,
Kəmi to asəna gə daŋg-mán gə́ Esbon
Gə́ to mbɔr tarəw gə́ Bat-Rabim bèe ləma,
Emi to asəna gə kəi gə́ duu dɔ loo gə́ Liba̰
Gə́ wɔji dɔ loo gə́ Damas njoroŋ bèe ləm tɔ.
6Dɔi to tar to gə́ mbal gə́ Karmel bèe ləm,
Yiŋga dɔi to asəna gə kubu gə́ ndul piro-piro ləm tɔ,
Yiŋga dɔi gə́ d’wa lé su kəm mbai wa.
7Ǝi, i gə́ m’undai dan kəm’g lé
I ma̰də gə́ ban ɓa bèe wa.
I maji gə́ ban ɓa mbuna nérɔlelje’g ləm bèe wa.
8Kag rɔi to tana gə kag-tumbur bèe ləm,
Mbàije to d’asəna gə kuléje bèe ləm tɔ.
9Ma m’pana: M’a kal kag-tumbur lé ndá
M’a kwa kuléje!
Maji kar mbàije to d’asəna gə kul-nduúje ləm,
Maji kar baḭ kəmə ləi ə̰də sululu
To gə́ kandə pomə bèe ləm,
10Maji kar tai lel to gə́ mán-nduú
Gə́ ai ndá ari rɔlel bèe ləm tɔ,
(Ŋgoma̰də)
Man-nduú gə́ ula njoroŋ mbata lə
Yeḛ gə́ m’undá dan kəm’g lé ləm,
Gə́ ruba ta njétoɓije’g lé ləm tɔ.
11Ma lé m’to ka̰ yeḛ gə́ m’undá dan kəm’g lé ləm
Malm rəa yaa̰ ləm tɔ.
Rɔlel lə yeḛ gə́ maree undá dan kəmee’g
(Ŋgoma̰də)
12I gə́ m’undai dan kəm’g lé
Maji kari ree ar sí j’aw wala,
J’aw n’toje ŋgan-ɓeeje gə́ wala!
13Ar sí n’teḛje gə ndɔ rad
J’aw loo-ndɔ-nduúje’g j’oo
See nduú uba ŋga wa.
See pudu nduba rəa ŋga wa.
See dḭje pudu ŋga wa.
M’a kun ndu ndigi-na̰ keneŋ kari.
14Baḭ ma̰dragɔrje teḛ ə̰də sululu ləm,
Kandə kagje lə sí gə́ maji dum,
Njé gə́ sigi-sigi gə njé’g ləw-ləw ləm tɔ lé
To tarəwkəije’g lə sí
M’a ŋgəm dee mbata ləi i gə́ m’undai dan kəm’g lé ya.
Currently Selected:
Pa gə́ ur dɔ paje 7: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
