Piləmɔ̰ 1

Lapia gə́ ra dee

1Ma Pool, dəw daŋgai lə Jeju Kristi, jeḛ gə ŋgoko̰ sí Timote lé jeḛ ndaŋg maktub j’ari-i Piləmo̰, njeboakula lə sí gə́ jeḛ j’undai dan kəm sí’g ləm, 2j’ar Apia kɔnan sí gə́ dené ləm, gə j’ar Arsipə njeboarɔ lə sí ləma, j’ar Eglisə gə́ mbo̰ dɔ na̰ mee kəi’g ləi ləm tɔ . 3Maji kar noji gə meelɔm gə́ ḭ rɔ Ala Bɔ síje’g ləm, gə rɔ Mbaidɔmbaije lə sí Jeju Kristi’g ləm tɔ lé nai sə sí.

Meenoji gə meekun lə Piləmo̰

4Ma m’ra Ala oiyo ta-ta m’ɓar ne rii loo ra tamaji’g ləm, 5mbata ma m’oo ta meekun ləi gə́ i un ar Mbaidɔmbaije Jeju ləm, gə nojikwa gə́ i wa gə njémeendaje lai ləm tɔ. 6Ma m’dəjee mba kar meekun gə́ jeḛ n’tɔs dɔ na̰ keneŋ lé ɓar mḭ mba kar kəmi inja ne dɔ némeemajije ɓəd-ɓəd gə́ jeḛ j’iŋga gin Kristi’g lé. 7Tɔgərɔ ya, nojikwa ləi ar məəm lelm yaa̰ ar məəm oso ne naŋg po̰ ya, mbata mbɔl dɔi-i ŋgokɔm lé ɓa meḛ deḛ gə́ to gə kəmee lé oso ne naŋg po̰ tɔ.

Pool ra ndòo rɔ Piləmo̰’g

8Gelee gə́ nee ɓa gin Kristi’g ɓa ma m’askəm kwɔjii ne né gə́ kəm ra ya 9nɛ ma Pool gə́ m’to ɓuga dəw ləm, saar ɓogənè kara m’isi daŋgai’g mbata lə Jeju Kristi ləm tɔ lé ma m’ra ne ndòo rɔi’g gə goo meenoji ɓa. 10Ma m’randoo rɔi’g mbata lə ŋgonəm Onesimə gə́ ma m’ojee loo gə́ m’isi gə kúla lar bura ɓəi . 11Kédé yeḛ to kura ləi gə́ gə mḭdé ba nɛ ɓasinè yeḛ to kura ləi gə́ gəd ya ləm, to kama gə́ gəd ya ləm tɔ.

12Ma m’ulá m’aree tel rɔi’g gogo asəna gə dəb rɔm kára gə́ m’ɔr m’ulá rɔi’g. 13Ma m’ndigi ŋgəmee rɔm’g mba karee ra né am tori’g, loo gə́ ma m’isi gə kúla gwɔsm’g mbata lə Tagə́maji lé. 14Nɛ ma m’ndigi koo gə́ ndui’g ɓa ɓó m’a ra né gə dɔrɔm el ɓəi, mba kar maji gə́ i a gə ra lé i a ra gə məəi ɓó dəw a jaŋgi dɔ’g el.

15Banelə yeḛ ya̰’i waga ɓa gə mba kari tel iŋgá gogo gə no̰ ɓəi əsé banwa. 16Ndá i a kée gə́ ɓər el ŋga nɛ i a kée gə́ ŋgokɔḭ gə́ i ndigee gə meekɔr jol-jol ɓəi. Ma lé m’undá dan kəm’g ya nɛ i lé a kundá dan kəmi’g unda kama ɓəi mbata to gə́ yeḛ to kura ləi ləm, mbata kɔm gə́ yeḛ ɔm səi na̰’d gin Mbaidɔmbaije’g lé ləm tɔ.

17Bèe ndá ɓó lé i oom gə́ baokura ləi ndá maji kari wá gə́ rɔi’g to gə́ wam ne ma bèe nja tɔ. 18Ɓó lé yeḛ ra səi né gə́ majel əsé ɓaŋg ləi to dəa’g ndá tura gée ɔm dɔm’g tɔ. 19Ma Pool lé ma m’ndaŋg maktub neelé gə jim-ma ya: Ma ya m’a kogai ɓaŋgee ya. Nɛ i lé ar məəi olé dɔ ɓaŋg ləm gə́ to dɔi’g gə́ to darɔi-i lé nja. 20Oiyo, ŋgokɔm, am m’iŋga rɔlel neelé rɔi’g ya mbata kɔm gə́ jeḛ səi j’ɔm na̰’d gin Mbaidɔmbaije’g, ar məəm oso naŋg po̰ gin Kristi’g lé.

21Ma m’ndaŋg maktub nee m’ari mbata ma m’gər gao i a kila ŋgonkoji dɔm’g. Ma m’gər gao i a ra né kur dɔ né gə́ m’wɔji’g ya! 22Ndəa neelé nja wa dɔ gɔl loo-toom mba kwam mbá keneŋ mbata mbɔl dɔ tamaji lə sí gə seḭ raje ɓa m’a teḛ ne rɔ sí’g ɓəi, yee ɓa m’unda məəm yel dɔ’g.

Lapia gə́ ra dee

23Epapras, gə́ to njeboadaŋgai ləm gin Jeju Kristi’g lé rai lapia ləm , 24Mark gə Arisitarekə gə Demas gə Lugu gə́ to njéboakulaje ləm lé rai lapia tɔ .

25Maji kar noji lə Mbaidɔmbaije Jeju Kristi nai gə ndili tɔ.

Currently Selected:

Piləmɔ̰ 1: SBA2015

Highlight

Copy