Matiyo 7

Maji kar sí gaŋgje ta dɔ mar síje’g el

Lug 6.37-38,41-42

1Maji kar sí gaŋgje ta dɔ mar síje’g el, gə mba kar Ala gaŋgta dɔ sí’g el tɔ. 2Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ#Mar 4.24. 3See ban ɓa i oré kəmi dɔ ŋgwɔi né gə́ to kəm ŋgokɔḭ’g ŋga see guburu-kag gə́ to kəmi’g lé see i oo ɓa el wa. 4Yen ŋga see guburu-kag gə́ to kəmi’g lé see ban ɓa i ula ŋgokɔḭ pana: Am m’ɔr ŋgwɔi né gə́ to kəmi’g ɓəi wa. 5Njehulai, ɔr guburu-kag gə́ to kəmi’g lé kédé ɓa i a koo loo mba kɔr ne ŋgwɔi né gə́ to kəm ŋgokɔḭ’g lé ɓəi.

6Néje gə́ d’unda gə kəmee lé maji kun kar bisije el ləm, əsé ɔmje mərkwɔjije lə sí naŋg no̰ bərje’g el ləm tɔ, nà banelə d’a mbɔḭ naŋg gə gɔl dee ləm, d’a kḭ keneŋ gə mba ti sí mbidi-mbidi ləm tɔ.

Dəji né ləm, saŋg né ləma, unda tabidi rəw-kəi ləm tɔ

Lug 11.9-13

7Kwɔi deeje né ndá d’a kar sí ɓəi, saŋgje né ndá a kɔsje dɔ sí keneŋ ɓəi, undaje tabidi rəw-kəi ndá d’a kɔr kar sí ɓəi tɔ. 8Mbata nana ɓa gə́ kwɔi dee né ndá d’a karee ya ləm, yeḛ gə́ saŋg né ndá a kɔs dəa keneŋ ɓəi ləma, yeḛ gə́ unda tabidi rəw-kəi ndá d’a kɔr karee ya ləm tɔ. 9See na̰ ɓa mbuna sí’g ɓa ɓó lé ŋgonee a kwɔiyee muru ndá a kun kɔr mbal ɓa karee wa. 10Esé lé see yeḛ kwɔiyee ka̰ji ndá a kun li ɓa karee wa. 11Togə́bè seḭ gə́ njémeeyèrje ɓəi gə́ seḭ gərje loo kar ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee né gə́ maji lé ɓəi wa.

12Néje lai gə́ seḭ wɔjije mba kar mar síje ra d’ar sí lé ndá maji kar sí-seḭ nja raje sə dee kédé, yee ɓa gə́ gin godndu ka̰ Ala lé ləm, gə gin ta lə njéteggintaje ləm tɔ#Lug 6.31.

A̰dje gə́ tarəw gə́ njo̰ ɓa

Lug 13.24

13Tarəw gə́ njo̰ ɓa a̰dje keneŋ. Mbata rəw gə́ aḭ gə́ loo-tuji’g lé tad yaa̰ ləm, tarəw kara to tag bə̰dəŋ ləm tɔ ar dəwje bula d’aw keneŋ budu-budu. 14Rəw gə́ aḭ par gə́ loo gə́ deḛ d’a si kəmba keneŋ lé rəbee njo̰-njo̰ ar təa kara uba dee tususu. Togə́bè ɓa dəwje jebəre ba ɓa to njeaje-je.

Kandə kag ɓa d’a gər ne kag

Lug 6.43-44

15Maji kar sí aaje rɔ sí dɔ njéteggintaje gə́ ŋgɔm gə́ d’a kḭ mbuna sí’g nee ya tel rɔ dee asəna gə badje nɛ meḛ dee gə́ kəi to asəna gə jagmjərje gə́ njétɔ kó dəwje. 16Néra dee ɓa seḭ a gər deeje ne ya. See dəwje tḭja kandə nduú dɔ ŋgar’g wa. See tḭja kandə kodé dɔ kun pɔrɔrɔ’g wa. 17Togə́bè ɓa kag gə́ rara gə́ maji ndá andə gə ka̰dee gə́ maji ya nɛ kag gə́ rara gə́ majel ndá andə gə ka̰dee gə́ majel ya tɔ. 18Kag gə́ maji lé askəm kandə majel gə dɔrea el ləm, kag gə́ majel kara askəm kandə gə ka̰dee gə́ maji gə dɔrea el ləm tɔ. 19Kag gə́ rara gə́ andə gə ka̰dee gə́ maji el ndá d’a tuga badə gaŋg kila pər’d#Mat 3.10, Lug 3.9. 20Bèe ndá kandə deeje ɓa seḭ a gər deeje ne ya#Mar 12.33.

Kankəm njékwakiláje

Lug 13.25-27

21Dəwje gə́ ɓar rim pana: Mbai, Mbai lé d’a teḛ ɓeeko̰ gə́ dara lai el. Nɛ yeḛ gə́ ra torndu Bɔm gə́ sí dara aree ɔr rɔd ndá yeḛ nja ɓa a teḛ keneŋ. 22Ndəa neelé dəwje bula d’a dəjim pana: Mbai, Mbai, see jeḛ riba dɔ ta ləi gə rii el wa. See jeḛ m’ɓar rii n’tuba ne ndilje gə́ kurai meḛ dəwje’g el wa. 23Yen ŋga m’a kula dee kəm dəwje’g təsərə pana: Ɔdje tam’g gə́ raŋg, seḭ lai gə́ toje njéra némajelje lé, kəm kara m’ila dɔ sí’g ndɔ kára bèe el#Pak 6.9.

Kəije gə́ joo

Lug 6.47-49

24Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g. 25Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ ar kəi yə ləm tɔ, nɛ yee oso el mbata ginee to gə́ mbal. 26Nɛ nana ɓa oo tapam, ra née el ndá m’a kée asəna gə mbə-dəw gə́ tum gin kəi ləa dɔ nagəra’g. 27Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ dɔ kəi’g aree oso naŋg rəb ləm tɔ. Koso gə́ yee oso neelé to ɓəl yaa̰.

Dɔmoŋ lə Jeju

28Loo gə́ ta lə Jeju as lée’g mba̰ ndá ta gə́ yeḛ ndoo dee lé dum dɔ dee təs#Mar 1.22, Lug 4.32, 29mbata yeḛ ndoo dee as gə njedɔmoŋ ɓó as gə njéndaji-maktubje el.

Currently Selected:

Matiyo 7: SBA2015

Highlight

Copy