1 Timote 5

Aa dɔ ŋgankojije lé kər-kər

1Maji kari pa gə dəw gə́ tɔg ta gə́ ərm el nɛ ndəjee asəna gə bɔbije bèe ya, deḛ basaje lé ndəji dee bər-bər to gə́ ŋgakɔḭje ləm, 2deḛ denéje gə́ tɔg kara ndəji dee to gə́ kɔinje-je ləma, ŋgama̰dje kara ndəji dee to gə́ ko̰ nanije ɓa ti məəi dɔ dee’g mbidi ya ləm tɔ.

3Maji kari naa ndu deḛ gə́ to gə́ njékəisiŋgaje gə́ gəd lé ta-ta ya. 4Ɓó lé njekəisiŋga si gə ŋganee əsé ŋgakeaje ndá maji kar deḛ neelé ndoo loo mba kwa noji gə njékoji deeje godə maree’g. Yee ɓa gə́ néndoo lə deḛ gə́ dɔtar gə́ taa kəm Ala lé tɔ. 5Dené gə́ to njekəisiŋga tɔgərɔ gə́ si gə karee ba lé yeḛ unda mée yel dɔ Ala’g ləm, yeḛ ra ne tamaji oso ne ndòo rəa’g ai ne mée sam-sam loondul’g gə dan kàrá ləm tɔ. 6Nɛ yeḛ gə́ si mbata rɔlel gə́ ka̰ darəa-yeḛ nja lé yeḛ si kəmba kara nai gə́ né gə́ wəi mba̰ tɔ. 7Maji kari ar meḛ dee olé dɔ taje’g neelé mba kar dee d’isi gə ta kára dɔ dee’g el tɔ. 8Ɓó lé nana ɓa tɔs kəmee dɔ njénojije’g ləa gə dɔ njékojeeje’g el ndá debee neelé uba meekun ləa ya̰ mba̰ ləm, yeḛ neelé majel ur dɔ dəw gə́ njetar-Ala’g gə́ tar ɓəi ləm tɔ.

9Dené gə́ njeŋgao gə́ kára ba ya saar ɓa tel to njekəisiŋga gə́ ləb kojee aḭ rɔ-misa̰ ndá yee ɓa gə́ dəw gə́ d’a ndaŋg ria mee maktub’g lə njékəisiŋgaje, yeḛ gə́ ləbee aḭ rɔ-misa̰ el ɓəi ndá yeḛ as el ɓəi tɔ. 10Néra majije ləa ɓa d’a kɔr gin rəa ya, ɓó lé yeḛ aa dɔ ŋganeeje kər-kər ləm, wa mbá bur-bur ləm, gə togo gɔl deḛ gə́ to gə kəmee ləm, gə la gə njéndooje ləma, gə ra kula nojije gə́ gə ria-ria ləm tɔ ndá maji ndaŋg ria mee maktub’g ya.

11Nɛ ɔs njékəisiŋgaje gə́ nai ma̰də lé rəw mbata deḛ lé loo gə́ malee ra dee ar dee ndigi kuba Kristi kyá̰ ndá ndigi taa ŋgaw gə́ raŋg. 12Yee ɓa deḛ d’uba goo manrɔ lə deḛ gə́ doŋgɔr d’ya̰, d’ɔr ne ta d’ila dɔ dee-deḛ’g ya. 13Kila tar ɓa gə́ néra dee gə karee el, nɛ deḛ to njékwɔjitaje ləm, gə njékun dɔ mar deeje gə loo-loo pa ne ta gə́ kəm pa el ləm tɔ. 14Bèe ndá njékəisiŋgaje gə́ nai ma̰də ɓəi lé ma m’ndigi kar dee taa ŋgaw koji ne ŋganje ləm, kar dee d’oo goo loo gə́ mee kəije’g lə dee ləm tɔ, mba kar njeba̰ lé oo ne loo kila ne ta dɔ sí’g el. 15Mbata njé gə́ na̰je d’ɔs ne badm tel taa ne goo Njekurai mba̰ tɔ. 16Ɓó lé majikoji gə́ rara ɓa njékəisiŋgaje d’isi kəi ləa ndá maji karee la sə dee ɓó a kya̰ dee dɔ Eglisə’g el, togə́bè ɓa Eglisə a koo loo gə mba la gə njékəisiŋgaje gə́ gəd gə́ d’isi gə kar dee ba lé.

17Ŋgatɔgje gə́ d’ɔr no̰ Eglisə maji ra ne kula kɔrgoota ləm, gə ndoo mar deeje ləm tɔ lé maji kar dee d’iŋga riɓar gə́ ɔs dɔ maree ya. 18Mbata maktub gə́ to gə kəmee lé pana: Bɔ maŋg gə́ i ila dɔ kó’g mba karee tal ka̰dee lé i a tɔ təa el. Njekula lé a kaskəm kiŋga dɔ jia ya . 19Ta gə́ d’ila dɔ ŋgatɔg lé ɓó lé njékootaje jooje munda jen godo keneŋ ndá taa taree el . 20Deḛ gə́ d’wa gam rɔ dee dɔ kaiya’g lə dee ndá al gin dee gə́ raga gə mba kar mar deeje ɓəl ne.

21Ma m’tɔgi no̰ Ala’g ləm, gə no̰ Jeju Kristi’g ləma, gə no̰ kuraje lə Ala gə́ dara gə́ d’ɔr dee gə kəmee ləm tɔ mba kari aa dɔ ta ndooje neelé kər-kər gə mba ra gə ŋgaŋgee béréré-béréré ɓó a kɔr ne kəm dəw el. 22Maji kari ḭ rad ila jii dɔ dəw’g el ləm, ɔm məəi gə mari na̰’d sad loo-kaiya’g ləa el ləm tɔ, i lé tɔs kəmi dɔ rɔi’g mba kar məəi àr ŋgad-ŋgad.

23Ai mán gə́ kuu kari ba kəmi gə́ kédé-kédé el, nɛ maji kai mán-nduú bəl bèe ɓa mbata dɔ wuri ləm, gə mbata rɔko̰je gə́ jɔgi ta-ta ləm tɔ.

24Kaiya ra dəwje gə́ na̰je to raga pai-pai mba̰ ɓa ar ta gə́ gaŋg wa ne dɔ dee ɓəi, nɛ ɓee lə dəwje gə́ raŋg lé deḛ lɔm dɔ’g waga ɓa gin kaiya ra dee lé teḛ ne raga ɓəi. 25Néraje gə́ maji lé kara to raga pai-pai togə́bè ya to tɔɓəi njé gə́ to maji el lé loo lɔm rɔ dɔ dee’g no̰ lé godo ŋga.

Currently Selected:

1 Timote 5: SBA2015

Highlight

Copy