NA SAME 48
48
Ai tukutuku kei Jiova, kei Jerusalemi na nonai tikotiko.
A Same kei na Sere na nodra na luve i Kora.
1Sa levu ko Jiova, ka me vakavinavinakataki vakalevu
E na koro ni noda Kalou, na nona ulu-ni-vanua tabu.
2Sa lagilagi sara na kenai tikotiko, era marautaka na kai vuravura kece,
Na ulu-ni-vanua ko Saioni, na yasana sa donuya na tokalau; Na koro nei koya na Tui levu.
3Sa kilai ko Jiova e na kena veivale vakaturaga mei drodro.
4Raica, era sa soqoni vata na tui,
Era lako vata yani.
5Era raica, ka ra qai kidacala;
Era kidroa, ka dro tani yani.
6Sa kani ira ki kea na rere,
Kei na rarawa, me vaka na yalewa sa taratara.
7O sa vorolaka na waqa ni Tasisi
E na cagi mai na tu-i-cake.
8Me vaka na ka keimami rogoca, keimami sa raica ni vakakina,
E na koro i Jiova ni lewe vuqa, e na koro ni noda Kalou:
Ena vakataudeitaka na Kalou me sega ni oti rawa. Sela.
9Keimami a veinanuyaka na nomuni yalololoma, na Kalou,
E loma ni nomuni vale ni soro.
10Me vaka na yacamuni, na Kalou,
Sa vakakina na vakavinavinaka me ia vei kemuni ka yacova nai yalayala kei vuravura:
Sa sinai na ligamuni matau e na cakacaka dodonu.
11Me reki na ulu-ni-vanua ko Saioni,
Me ra marau na goneyalewa ni Juta,
E na vuku ni nomuni lewa.
12Dou lako voli mai Saioni, ka vakavolivolita:
Wilika na kena veivale cecere.
13Vakaraica vinaka na kena bai,
Vakananuma na kena veivale vakaturaga;
Mo dou tukuna ki nai tabatamata ena muri mai.
14Ni sa noda Kalou ka tawa mudu na Kalou oqo:
Ena tuberi keda ko koya ka yacova na noda mate.
Currently Selected:
NA SAME 48: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
