NA SAME 39
39
Sa tukuni ni sa ka lekaleka walega na noda bula.
Vua na Domo-ni-sere, vei Jitucuni. A Same i Tevita.
1Au a kaya, Ka'u na vakaraica na noqu i valavala
Me'u kakua ni cala e na yamequ:
Ka'u na tarova na gusuqu e nai tarovi,
Ni ra sa tu e mataqu na tamata caka ca.
2Ka'u a galu ka tiko lo sara, ka'u a sega ni vosataka na ka vinaka;
Ia ka sa tubu kina na noqu rarawa.
3Sa katakata na yaloqu e lomaqu,
Ni'u sa vakanananu sa waqa na buka.
Ka'u sa qai vosa e na yamequ.
4I Jiova, mo ni vakatakila vei au na noqu i otioti,
Kei nai vakarau ni noqu gauna, se sa vakaevei;
Me'u kila kina na noqu mate rawarawa.
5Raica, ko ni sa lewa me sa vaka na raba ni liga na noqu gauna;
Ia na noqu veiyabaki sa tauvata vei kemuni kei na ka sa sega:
E dina, ni ra sa tiko vinaka sara na tamata era sa ka wale kecega. Sela.
6E dina ni ra yaloyalo walega na tamata ni ra bula voli;
E dina ni ra lomaocaoca e na ka walega:
Sa daukumuna vata nai yau, ka sa sega ni kila, se ko cei ena taukena.
7Ia oqo, kemuni na Turaga, a cava ka'u sa waraka tiko?
Ka'u sa nuinui ga vei kemuni.
8Ni vakabulai au mai na noqu i valavala ca kecega:
Kakua ni laivi au me ra vakasewasewani au ko ira na lialia.
9Au a galu, au a sega ni dalaga;
Ni kemuni a vakayacora.
10Ni kauta tani vei au na ligamuni:
Au sa rusa ni sa yaviti au na ligamuni.
11Ni kemuni sa vakanakuitataka na tamata ka vunauca e na vuku ni nona caka ca,
Ko ni sa vakaotia na nona lagilagi me vaka na ka sa kania na sarasara:
E dina ga ni sa ka walega na tamata kecega. Sela.
12Mo ni rogoca na noqu masu, Jiova, ka vakatu daligamuni ki na noqu tagi;
Mo ni kakua ni galu ni sa vakawai na mataqu:
Ni'u sa vulagi ga vei kemuni,
Ka kai tani, me vakataki ira kece na noqu qase.
13Ni vosoti au mada vakalailai, me'u bula cake tale,
Ni'u sa bera ni lako tani eke, me'u sega ni kune tale.
Currently Selected:
NA SAME 39: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
