NA SAME 24
24
Sa tukuna na ka sa nei Jiova, kei na tamata sa yaga vua, kei na nona curu ki lomalagi.
A Same i Tevita.
1A nei Jiova ko vuravura, kei na ka kecega sa sinai kina;
A veivanua kei ira era sa tiko kina.
2Ni sa tauyavutaka ko koya e na wasa levu,
Ka sa vakataudeitaka e na wai drodro.
3Ko cei ena cabe cake ki na ulu-ni-vanua i Jiova?
Se ko cei ena tu e na nona yasana tabu?
4O koya sa liga savasava ka sa yalosavasava;
O koya sa sega ni vagolea cake na yalona ki na ka walega.
Ka sa sega ni bubului vakailasu.
5Ena vakalougatataki maivei Jiova ko koya,
Ka na vakadonui maivua na Kalou na nonai vakabula.
6Oqo nai tabatamata sa vakasaqarai koya,
Era sa vakasaqara na matamuni na Kalou i Jekope. Sela.
7Dou laveta cake na ulumudou, koi kemudou na matamata-ni-koro;
Ia dou laveti cake, koi kemudou na kenai sogo sa sega ni oti rawa;
Me curu kina na Tui vakaiukuuku.
8O cei oqo na Tui vakaiukuuku?
O Jiova ka kaukauwa ka qaqa,
O Jiova ka gumatua e nai valu.
9Dou laveta cake na ulumudou, Koi kemudou na matamata-ni-koro;
Io dou laveti cake, koi kemudou na kenai sogo sa sega ni oti rawa:
Me curu kina na Tui vakaiukuuku.
10O cei oqo na Tui vakaiukuuku?
O Jiova ni lewe vuqa,
O koya ga na Tui vakaiukuuku. Sela.
Currently Selected:
NA SAME 24: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
