NA SAME 20
20
A masumasu sa bale vua na tui.
Vua na Domo-ni-sere. A Same i Tevita.
1Me rogoci iko ko Jiova e na siga ni rarawa;
Me maroroi iko na yaca ni Kalou i Jekope;
2Me soli vei iko na veivuke mai na nona vale tabu,
Ka vakaukauwataki iko mai Saioni.
3Me nanuma kecega na nomu i soro,
Ka vakadonuya kecega na nomu i madrali kama. Sela.
4Me solia vei iko na gagadre ni yalomu,
Ka vakayacora kecega na nomu i naki.
5Keitou na reki ni kemuni sa vakabulai keitou,
Keitou na vakarewataka na drotini e na yaca ni noda Kalou:
Me vakayacora kecega na nomu masumasu ko Jiova.
6Au sa qai kila ni sa vakabulai koya ka lumuta ko Jiova:
Ena rogoci koya mai na nona lomalagi tabu
E na kaukauwa ni ligana i matau sa dauia na veivakabulai.
7Sa vakararavi ko ira eso e na qiqi-ni-valu, eso tale e na ose:
Ia koi keda eda sa vakararavi ga e na yaca i Jiova na noda Kalou.
8O ira, era sa vakalolovirataki sobu ka bale;
Ia koi keda, eda sa tu cake ka wavu tu.
9I Jiova, mo ni ia na veivakabulai; Me vakarogoci keitou na Tui e na siga keitou sa masu kina vua.
Currently Selected:
NA SAME 20: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
