NA SAME 16
16
A masu sa cavuti kina na vakararavi vei Jiova.
A Same i Tevita.
1Ni vakatawai au, noqu Kalou: ni'u sa vakararavi vei kemuni.
2Au a kaya vei Jiova, Koi kemuni ga na noqu Turaga:
Na noqu vinaka sa vu ga maivei kemuni.
3O ira na tamata yalosavasava era sa tiko e vuravura,
Era sa tamata vinaka sara, ka'u sa rekitaki ira duaduaga.
4Ena levu na nodra ka rarawa era sa cicimuria na kalou tani:
Ka'u na sega sara ni vakacabora na nodra i madrali dra,
Ka'u na sega sara ni cavuta na yacadra e na tebenigusuqu.
5A noqu i votavota, kei na noqu bilo talega ko Jiova:
Oi kemuni sa vakataudeitaka na ka ka'u sa taukena.
6Sa lutu nai yalayala ni noqu vanua e na yasana vinaka,
Io, sa votai vei au na vanua sa rairai vinaka.
7Au na vakamolimoli vei Jiova, o koya sa vakavulici au;
Sa vakavulici au talega na yaloqu e na lomaloma ni bogi.
8Au a raici Jiova ni sa tu e mataqu e na veisiga kecega;
Ka'u na sega ni yavalati, ni sa tu ko koya e na ligaqu i matau.
9O koya sa reki kina na yaloqu, a sa marau kina na yamequ,
Ena vakacegu tiko talega na lewequ.
10Ni kemuni ena sega ni laiva na yaloqu mai na yasana vuni,
Se laiva na nomu Le Dua sa Yalosavasava me vuca mai.
11Kemuni na vakatakila mai vei au na sala ni bula:
Sa ka uasivi vakaidina na marau sa tu e matamuni;
Sa sega ni mudu na reki sa tu mai na ligamuni matau.
Currently Selected:
NA SAME 16: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
