JEREMAIA 24
24
Sa vakatakarakarataki na Juta e na lolo vinaka kei na lolo ca, 1-3. Ko ira sa yalododonu era na maroroi tiko me lesu tale ki na nodra vanua, 4-7; ia ko Setekaia kei ira na tamata ca era na vakarusai ga, 8-10.
1Sa vakatakila vei au ko Jiova, ka raica, sa rua na sova lolo ka tau sobu e na mata ni vale tabu i Jiova, ni sa kauti ira vakabobula tani ko Nepukanesa na tui Papiloni, io, ko Jekonaia na luve i Jioiakimi na tui Juta, kei ira na turaga ni Juta, kei ira na matai ni kaukamea, kei ira na matai tani mai Jerusalemi, ka sa kauti ira ki Papiloni. 2E dua na sova lolo sa vinaka sara, sa vaka na lolo sa dreu taumada: ia na kenai karua sa lolo ca sara, sa sega ni laukana rawa ni sa ca ga. 3A sa taroga vei au ko Jiova, A cava ko sa raica, Jeremaia? Au sa kaya, Na lolo, na kena lolo vinaka, sa vinaka sara; ia na kena ca, sa ca sara, ka sa sega ni laukana rawa ni sa ca ga.
4Sa baci yaco tale vei au na vosa i Jiova, ka vaka, 5Sa kaya vakaoqo ko Jiova na Kalou i Isireli; Me vaka na lolo vinaka oqo, ka'u na kilai ira vakakina na Juta era sa vakabobulataki, ko ira ka'u sa vakatala tani e na yasana oqo ki na nodra vanua na kai Kalitia me ra vinaka kina: 6ni'u na vakaraici ira me ra vinaka kina, ka kauti ira tale mai ki na vanua oqo: ia ka'u na tarai ira cake, ka sega ni basuka sobu; ka'u na tei ira, ka sega ni cavuta: 7ia ka'u na solia vei ira na yalo me ra kilai au kina, ni sai au ko Jiova: ia era na yaco me ra noqu tamata, ka'u na yaco me'u nodra Kalou: ni ra na lesu mai vei au e na lomadra dina.
8Ia me vaka na lolo ca, sa sega ni laukana rawa ni sa ca ga; sa vosa dina vakaoqo ko Jiova: Ena vakakina ka'u na soli Setekaia na tui Juta, kei ira na kena turaga, kei na kedra vo ni Jerusalemi, era tiko e na vanua oqo, kei ira sa tiko mai na vanua ko Ijipita: 9ia ka'u na soli ira me ra kau tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki, ka vosavosacati, e na veiyasana kecega ka'u na dui vakasevi ira kina: 10ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.
Currently Selected:
JEREMAIA 24: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
