Táre-woo-ŋa 20
20
1Wãai da lɔɔ kpânaŋ kpeleɛɛ a núu kɛ̀ a yóo-yoo-nuu da laa-saa tée-nuu. Ǹúui a kânaŋ mai, vé táre ní.
2Kâloŋ ŋɔlii-ŋwana káa yɛ̂ɛ yala-sulu kpéɣe-woo. Ƃà ǹíi ŋwàna, ƃa íkpîŋ ŋuŋ lá píli.
3Ƃaa-kɛ-maa káa ǹúui ma va ǹyée pìli laa-saa mɛni sui. Ƃoo-nuu nɔ́ ƃa laa-saa kɔ̀ri.
4Kpâlaŋ ŋá tíi-kɛ-nuu nyɛ̃-nyɛŋɔɔ va tíi kɛ̀ a tíi-kɛ-tãi. Sí-sɛŋ ƃá kula tãi a sèri, vé pâi sɛŋ da kâai.
5Núu ŋɔkili-ŋa-siai káa yɛ̂ɛ ya-loa kpóŋ kôyaa, kɛ́lɛ mɛni-ŋa káa nuu a pɔ̂ri gulâi.
6Núu támaa da díkpîŋ sìɣe a teniŋ ƃô ƃela ímɛni ma, kɛ́lɛ ǹûai ŋí nenɛ ƃé deniŋ ƃôɔi ímɛni mai?
7Núu sãa nyii a ŋɔkɛ-ɣeniɛi kɛ̀ a tɔ̃yâ-perei, lûwa káa ŋɔnîa-pɛlɛɛi dîa.
8Kâloŋ a sêe ŋɔmɛni-saa-ƃo see-sɛŋ ŋá, gɛ́ wôya da tɔ̃yâ loai kâa.
9Gbɛ̂ɛ ƃa mò ǹyɛɛ, “Ńii maa wâai. Ńzɔ̂ŋ fé mai?”
10Sɛŋ-wuyɛ-kɔɔŋ-sɛŋ sii feerɛ kpaa máŋ sɛŋ-kɔɔŋ-kɔpu sii feerɛ ƃɛlɛ fé Ɣâla Yâwɛɛ koi.
11Da lôloŋ kɔ̀lɔŋ dûa-pere ma à kɛ̀ dûa-pere lɛ̂lɛɛi, zã́a.
12Ɣâla Yâwɛɛ ƃé kúwoli kpɛ̀tɛ a gɛɛ kú mɛni mɛ́ni la é kúŋɛi kpɛtɛ a gɛɛ kú kwaa káa la.
13Ƃà nyii wɛ̂li a dámaa, ƃa pâi kɛ̂i a íkôloɔ. Kɛ́lɛ, ƃà íŋɛi lá ƃó ítii kɛ́, ƃa pâi mii-sãa támaa sɔlɔ ƃôi.
14Sɛŋ-ya-nuu a ǹá-wɔlɔ ƃò gɛ̀ m̀o a gɛɛ zɛŋ a ǹyai vé lɛ́lɛ ní a gɛ́ɛ é zɔ̃ɔ maa yèŋ. Kɛ́lɛ, tãi a ǹya lai, a kɛ́ yoŋka têei a gɛ́ɛ è ǹya a zɔ̃ɔ-loŋ.
15Gôo káa naa da kɔni sɔ̃ɔ kpánaŋɔɔ támaa, kɛ́lɛ táre tɛɛi dîa.
16Ǹúui a tɔ̂ɔ ŋɔ̃́ya ŋɔkpa soŋ mɛ̂ni mai, da gɔ̃lîŋ sɔ̀ŋ a sɛ́ɣɛ é lɛ́ɛ la zu é gbai kpɛ́ɛ.
17Mii-sɛŋ ya zɔlɔ ƃô a wôya-perei nɛ̃ɛ̂i íla a maa-ŋuŋ, kɛ́lɛ gbɛɛ ŋái a pâi kɛ̂i yɛ̂ɛ kɔni-kayaŋ íla.
18Ímɛni-kpɛtɛɛi é kúla ŋuŋ-pilaŋ su. Íwoli tɔ́ɔ lia-woo lɛ́lɛɛ ma ílɛɛ pâi kɔ̂ teei.
19Ǹúui mɛni fa tɔ̂ɔ ǹái, a loo-mɛni ƃò. Ka ǹyaa káfe nɛ̃ɛ.
20Ǹúui a ǹâŋ kpaa máŋ ǹee nàɣaŋ, maa nuui ŋɔfúlu-laai a nîiŋ yɛ̂ɛ laŋpo a nìiŋ a kpíni.
21Tɔɔ-laa nyii núu a zɔlɔ ƃô a maa féla, lûwa fé pâi kɛ̂i ma a gbɛɛ-ŋa.
22Ífe mɛni nyɔ́mɔɔ su tòo a mɛni nyɔ́mɔɔ. Láa a Ɣâla Yâwɛɛ, a pâi zu-tooi yɛ̂ɛ.
23Sɛŋ-kɔɔŋ-sɛŋ sii feerɛ ƃɛlɛ fé Ɣâla Yâwɛɛ koi. Wôya sɛŋ-kɔɔŋ-kɔli fé lɛ́lɛ-ni.
24Ɣâla Yâwɛɛ ƃa kúsia-pere lɛ̀ kûa. M̀ɛnii pâi kɛ̂i a kúai kwa pâi gɔ́lɔnîi léŋ?
25Íkili ŋá sía í lɛ́ɛ pâi íkono têei Ɣâla yêei. Ƃà wàla gɛ̀ tí, malôŋ a pâi toôi yâ.
26Táre-kaloŋ a wôya-ƃela kùla ŋɔnûai sáma, é tɔ̂ŋ pú dîa.
27Ɣâla Yâwɛɛ a ŋɔkwaa ponoɔɔi lɔ́ núu-kpune líi su é seri gbóŋ ma, gɛ́ ǹaa mɛni kélee kàa.
28Teniŋ ƃô-laa da tɔ̃yâ-laa ƃa kâloŋ maa kɔ̃ɔ, wɛli-kɛ-maa kɛ́ ŋɔkâloŋ-laai su kòya.
29Ǹyáŋkpa-ŋai kɔ́lɔŋ-sɛŋ ƃa díwala-walai. Núu pɔ̂lɔ ŋɔƃaa-kɛ-maai ƃa ŋuŋ poa.
30Sɔŋyɔ̂ŋ-nuu ŋɔsále ƃa lókwa ŋánaa. A gɛ̀ é ǹíi maa fáleŋ.
Currently Selected:
Táre-woo-ŋa 20: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
