Zôna Tuɛ mɛni ƃóɔɔ
Tuɛ mɛni ƃóɔɔ
Zôna ŋɔkɔlɔi káa a dee Ɣâla ŋɔlóno kɛ́-ƃelai díkɔlɔ-ŋai dîa nyii-ŋai díkaa ŋ̀âla-kɔlɔi sui, kpɛ́ni fêi, gɔlɔi ŋí a mɛni da lɛ̀ kûa é pîlaŋ la Ɣâla ŋɔlóno kɛ́-nuui dɔnɔ ma nyii kɛ̀ ŋ̀wɛ̂lii é Ɣâla wóo pilii. Naloŋ ŋí laa ƃé kɛ̀ a Zôna. Ɣâla è mò mà a gɛɛ é lí Ninivɛ. Ninivɛ è kɛ̀ a Asiria ŋɔtaa-lêei kɛ́tɛi. Asiria è kɛ̀ a Eezuɛ ŋɔkpɔara lɔii. Kɛ́lɛ Zôna fé kɛ́ ní ŋ̀wɛ̂lii é lí naa a Ɣâla ŋɔtuŋ. Kpɛni fêi, è a gɔ́lɔnɔɔ a gɛɛ m̀ɛnii Ɣâla è mò é pîlaŋ daa-lêei su-kara mɛ̂ni mai, vé pâi gɛ̂i.
M̀ɛni-kpɔ̂lu-ŋai tɛɛ pôlu ma, Zôna è nâa Ɣâla wóo sìɣe a gɛɛ é lí Ninivɛ, kɛ́lɛ ǹíi fé kɛ́ ní a ǹáa a gɛɛ é lí naa. Gbɛɛ ŋái ǹíi è ŋwàna, kpɛ́ni fêi, m̀ɛnii è maa-tûŋ tòo é pîlaŋ la daa-lêei su-kara mɛni mai, Ɣâla fé gɛ́ ní.
Gɔlɔi ŋí a nɛ̀ kûa berei Ɣâla ŋɔwála-wala-laai kóyaŋ fé ma ŋɔkpɛtɛ-sãai kélee mɛi. Ɣâla a fãa tɛ̂ɛ, é ŋɔ́nɔ fãa kpéra, é nyɛ̃́ɛ kɛ́tɛ kɛ́ é Zôna kpele, ŋele-kûu saaƃa tɛɛ pôlu ma é gɛ́ é Zôna ƃai zîŋ ma. Ɣâla è kpɔlɔ-wuru kɛ̀ ninîŋ é sâla Zôna mɛi a gɛɛ vóloi fé gèreŋ, é ŋɔ́nɔ kolo kɛ́ é gbɔlɔ-wurii páa.
Kɛ́lɛ nyíŋi kélee pôlu ma, gɔlɔi a lônoi é pîlaŋ la Ɣâla ŋɔmaloŋ kâai ma. Gɔlɔi ŋí a nɛ̀ kûa a zu ponoɔ a gɛɛ Ɣâla káa a wɛli-kɛ-maa Ɣâla da maloŋ kâa Ɣala, nyii ŋ̀wɛ̂lii a gɛɛ é ŋɔnûai díkpɔara-ƃelai dísɔnyɔ̂ŋ su mɛ̂ni lɛɛ é tɛ́ɛ tɔ̂ŋ púɔɔ ma dîa, da dísu-karaai. Gáa a Ɣâla nyii ŋɔwɛli-kɛ-maai kóyaŋ fé mai.
M̀ɛni-ŋûŋ-ŋai gɔlɔi ŋí sui
Zona tóliɛɛi da ŋɔwoo pîlii (1:1-17)
Zona ŋɔlii pênei da ŋɔŋuŋ maa ƃôi (2:1-10)
Zona ŋɔworɛ̂-woo é pîlaŋ Ninivɛ mai (3:1-10)
Ɣâla ŋɔmaloŋ kâai Ninenɛ mɛni mai (4:1-11)
Currently Selected:
Zôna Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia