Zôna 1
1
Zona è Yâwɛɛ wóo pìli
1Yâwɛɛ è mò Amitai ǹóŋ Zôna ma ǹyɛɛi, 2“Ímu siɣe í lí Ninivɛ nyii gáa a daa-lêe kɛ́tɛi í díŋwana-lɔ̂ɔi maa mɛ̂ni ƃó dîa. Ye m̀ó dîa a gɛɛ díŋwana-lɔ̂ɔi maa mɛ̂ni a seri ḿâ” 3Kɛ́lɛ Zôna è pù a gɛɛ é lí Sipîŋ taa-leei su é kúla Yâwɛɛ ŋɛ́i. È lì Zâpa taa-leei su é yáŋa-keleŋ tɔnɔ káa naa gɛ́ lì Tasi. È géleŋ fela-fêe kɛ̀ é píli zu a gɛɛ é lí Sipîŋ é kúla Yâwɛɛ ŋɛ́i.
4Kɛ́lɛ Yâwɛɛ è fãa kɛ́tɛ tɛ̀ɛ ǹyái ŋá a sɛŋ dí kɛ̀ gâai a gɛɛ géleŋ a pâi wôloi. 5Géleŋ-su-ƃelai dí kɛ̀ yaôi, ǹúui kélee kɛ́ wɔ̀lɔ ŋɔɣâlai mà. Dí zãâi kélee kùlu géleŋ su dí dípili ǹyái su a gɛɛ géleŋ é foâŋ. Kɛ́lɛ Zôna yèŋ géleŋ kpóŋ ma gɛ́ nyìi.
6Nya ƃe géleŋ kɛ́-nuui è pà ǹyɛɛ mài, “Lé nyii ƃé íkaa gɛ̂i ŋíi? Ímu siɣe í wɔ́lɔ íɣâlai ma. Tãi da a pâi gíli ŋá siâi kúmɛni ma a gɛɛ kúfe sàa.” 7Nya ƃe géleŋ kɛ́-ƃelai dí mò díkîe-ni dîa dîyɛɛi, “Ka pá kú kpɛyɛŋ tóo kú gáa ǹúui pâi a mɛni-sôlii ŋí kûai.” Nya ƃe gbɛyɛŋ è lɛ̀ɛ Zôna ma. 8Dí mò mà dîyɛɛi, “Sâpoi lɛ́ kûa m̀ɛni-kpɔ̂lui ŋí a pâi la kúpɔi. Ítii ƃa lé? Í kùla mí? Ílɔii ƃa mí? Ísîi ƃa lé?”
9È díwoo su tòo ǹyɛɛi, “Ŋ́gaa a Ibulu-nuu. Ŋa Yâwɛɛ fɛ̀li nyii gáa a Ŋ̀âlai gáa ŋ̀elei sui, nyii yúo kpɛ̀tɛ da ǹɔii kpâlai.” 10Zôna è mò dîa a gɛɛ è kɛ̀ pûi Yâwɛɛ yêei. Nya ƃe ǹúai díyao kpɔ́ a dámaa dîyɛɛ m̀ai “Í gɛ̀ tí lé mɛni ma?” 11Ǹyaŋ vãai su è kɛ̀ nɔ́ kɛ̂tɛi ǹyái ŋá.
12Nya ƃe dí mò mà dîyɛɛi, “Lé ƃé kwa pɔ̂ri gɛ̂i a yá a gɛɛ ǹyái é sée tɔŋ kúmɛni ma?” È mò dîa ǹyɛɛi, “Ka ḿbili ǹyái su. Gɛ̀ ní ǹyái a pâi seêi tɔŋ kámɛni ma. Kpɛ́ni fêi, ŋá gɔ́lɔŋ a gɛɛ ńyãa ƃé kɛ̂i a sâpo a gɛɛ vãa kɛ́tɛi ŋí kɛ́ pà kápɔ.”
13Nya ƃe ǹûai dí kɛ̀ kɔ̂i a gɛɛ dí pá a géleŋ zîŋ ma. Kɛ́lɛ dífe pɔri ní, kpɛ́ni fêi, vãai è kɛ̀ nɔ́ tɛɛ̂i a gbanaŋɔɔ. 14Nya ƃe dí wɔ̀lɔ Yâwɛɛ ma dîyɛɛi, “Óo Yâwɛɛ, kwa íkpera fêi, ífe nɛ̀ɛ naa kú sáa nalôŋ ŋí paa mɛ̂ni ma. Ífe ŋɔŋãai maa mɛni siɣe a kúsɔŋ kpɛ́ni fêi, óo Yâwɛɛ, í gɛ̀ nɔ́ yɛ̂ɛ berei ínîa-mɛnii káa lai.” 15Nya ƃe dí Zôna sòŋ dí bili ǹyái su. Ǹyái è nâa kpèra tûmɔi. 16Ǹûai dí nâa yào Yâwɛɛ ma kpɔ́ a dámaa. Dí sâla kùla ma dí díkono tée ǹyêei.
17Nya ƃe Yâwɛɛ è nyɛ̃́ɛ kɛ́tɛ kɛ̀ é Zôna kpele. Zôna è gɛ̀ ǹyɛ̃ɛi koi a ɣele-kûu saaƃa da kpíni-kûu saaƃa.
Currently Selected:
Zôna 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
