Zôo 6
6
Zôo è Ɛlifa wóo su tòo
1Zôo è Ɛlifa wóo su tòo ǹyɛɛi,
2“Eêi kɛ̀ núu da kɛ́ ƃò a gɔ́lɔŋɔɔ berei ńii ŋwânai lai,
gɛ́ ƃò a m̀ɛni kpɔ̂lui kɔ́lɔŋɔɔ ŋ́gaa zui,
3eêi gɔ̀lɔŋ a gɛɛ ŋá mɛni kpɔ̂lui tɛɛ̂i ǹyá-ŋai kélee su ŋãyai púɔɔ gîe ma mà.
Zɛŋ ƃé gɛ̀ ŋ́gɛ lòno yɛ̂ɛ ƃoo-nuu.
4Ŋ̀wála-wâla kélee Ɣalai a gɛ́ ŋ́gɛ mɔ̃lɛ yɛ̂ɛ,
da núu ƃòŋ a sɔ̀ala-ŋa nyii ŋɔsóli a siâi kpɔ́ gbono gwaa kélee ma.
Ɣâla a gbîŋ kpɛtɛ a gɛɛ é pɛ́lɛ ḿâ a namu,
ǹyaŋ m̀ɛnii ŋí a ńyaôi kpɔ́ a ŋanaa.
5“Lɔɔ fɛnɛ-sɛŋ kɔ́nɔŋ à kɛ̀ ma, va wɔ̂lɔ.
Kpaa máŋ, taa-tulɛ fa wɔ̂lɔ à kɛ̀ ǹâmu a gɔ́nɔŋ kùla.
6Mii-sɛŋ nyii mìi-kpolo fé mai, zu láɣi-laɣiɛɛi.
Tɛ́ɛ-ɣaloŋ gòlei tí zui, ǹáɣiɛɛi a ŋá ŋánaa.
7Mii-sɛŋ sii kɛ́ɛ tí ƃɛlɛ fé ŋ́goi.
A gɛ̀ ŋ́gɛ pà ŋ́gɔŋ pilîi.
8“Ŋa Ɣâla fɛlîi a gɛɛ é m̀ɛnii kɛ́ mî nyii ŋa marê kɛ̂i m̀ɛni mai,
a gɛɛ é m̀ɛnii kɛ́ ḿîi nyii ŋa ŋ̀wɛ̂lii.
9Eêi pɔ̂ri kɛ̂i a ǹɛ́lɛɛ Ɣâla é ŋá fúlu-laai maa tée,
é ǹyée fúloŋ ŋáfulu-laai ma yɛ̂ɛ da seɣe fâla.
10Ŋ́âi kɛ̀ a gɔ́lɔŋɔɔ, gɛ̀ ní ŋa pâi pilîi ɣelêi a lii-nɛ̃ɛ,
ḿva ŋ́gili ŋá sìa é pîlaŋ zɛŋ sôli-maa kɛ́tɛi ŋí mɛni ma.
M̀ɛnii kélee Ŋ̀âla Maa-Waai a wɔ́lɔ mò ḿâi ŋa wɔ́lɔ ńyee sèe mu.
11Wála-wala-laa fé ŋɔ́nɔ ńyêei a gɛɛ ŋá kɛ́ ɣele ma.
Mɛni ma, lé mɛni ƃé ŋa pâi ńii maa sonîi la tãi kili-kɛ-zu fé ŋɔ́nɔ ńyêei tínaa tuɛ-pere mɛni mai.
12Ŋ́wala-walaai yɛ̂ɛ kɔni?
Kpaa máŋ dí ŋ́gbɛ̀tɛ a ƃára?
Kpao! Ve tí a dɔnɔ kpîŋ.
13Ŋá gɔ́lɔŋ a gɛɛ fa pɔ̂ri kpɔnîi ŋ́gbîŋ mà.
Núu da kélee fé naa é ŋuŋ ma ƃó.
14“Ǹúui nyii-ŋai dífe díƃarâai wɛ́li-nii,
dífa yâo Ŋ̀wála-wâla kélee Ɣalai ma.
15Káai ŋí a ńawoi-ni, ka ḿbɛlɛ̂i yɛ̂ɛ fólo-ɣele ya-ɣɛli-ŋa,
nyii a kpâla tuna a wàla kɛ́ pûi.
16Ka fɛ̂ɛ a sama-ɣele.
17Tãi fólo láa a ƃô lai, ka kpâla.
18Zoo-faleŋ-ŋai da dísia-ƃela da kula berei ma,
díkɛ ǹyá-ɣɛli-pɛlɛ-ŋai ŋí kɔ̀ri a gɛɛ dí díkpele.
Da lɛɛ sia-siai é lɛ́ɛ la zu dílaŋ dísaa.
19Zoo-faleŋ-ŋai da dísia-ƃelai da-ni,
díkùla Tema díkɛ vɛ̃ɛ-kpâlaŋ su kɔ̀ri yá mɛni ma.
Kili kɛ-zu kɛ́ ƃò nyii-ŋai kùla Siƃai yêei
a gɛɛ da pâi yá kâai.
20Zoo-faleŋ-ŋai da dísia-ƃelai díkili è kɛ̀ zu a gɛɛ da pâi yá kâai.
Kɛ́lɛ tãi dísèri la naai, díkɛ̀ wúlee dílii é tóo pôlu.
21Ká tûa-pere káa nɔ́ yɛ̂ɛ ǹyá-ɣɛli-pɛlɛ-ŋai nyii núu fa gíli tɔ̀ɔ mai.
Ka ŋá mɔ̃lɛ-laai káa ká kɛ́ yào m̀a.
22Ḿve ká marê kɛ́ ní a gɛɛ ká sɛŋ da tɛ́ɛ ḿbɔ,
kpaa máŋ ká yee pɛlɛ ǹá sɛŋ tɛɛ ḿaa mɛ̂ni ma.
23Ḿve ká marê kɛ́ ní a gɛɛ ká sɛŋ-kao tɛɛ diai mɔ̃lɛi dí pɔ́
a gɛɛ ká káŋuŋ maa ƃó díyêei.
24“Ŋa pâi mɛi saâi ŋá ŋ̀wóli tɔ́ɔ yâ í sɛŋ lɛ́ ḿâ.
Í m̀ɛni nyɔ́mɔɔi lɛ́ ḿâ nyii ŋá gɛ̀i.
25Núu fa pɔ̂ri ǹyée kulâi teniŋ-ƃo sia mu,
gɛ̀ ní lé mɛni ƃé ya ƃoo sîa toôi lai?
26Ílaâi la a gɛɛ ya pɔ̂ri ńdeniŋ tɔɔ̂i
à kɛ̀ ya ŋ́gàa a ǹúui nyii kili kɛ-zu fé ǹyêei, gɛ́ lòno nɔ́ a ƃoo-perei?
27Ya pɔ̂ri kpɛyɛŋ toôi a gɛɛ í tee-lonii kɛ́ a luɛ-ŋa.
Ǹyaŋ ya pɔ̂ri íƃarâŋ nuu kɔlɛ̂i a sɛŋ sɔlɔ ƃóɔɔ?
28“Ka ŋ́ɛi lèɣe-lèɣe ma kaa.
Ḿve pâi lɛɛ kɛ̂i kâa.
29Kpera ínîa lono kɛ̂i mɛi.
Kpera dûa sii ŋí ma,
kɛ́ a gɔ́lɔŋɔɔ a gɛɛ fé mɛni nyɔ́mɔɔ da kɛ́ ní.
30Ŋ́gaa a tɛi kɔ́mɔ-nuu? Vé tí a dɔnɔ kpîŋ!
Ya gâai yɛ̂ɛ sɛŋ ƃé fé mɛni kpɔ̂lu kɔ́lɔŋ?”
Currently Selected:
Zôo 6: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
